Carpinus
Los carpes (Carpinus) son un xéneru d'árboles relativamente pequeños de madera duro, na familia de les Betulaceae, anque dellos botánicos dixebren a Corylus y a Ostrya nuna segregada familia de les Corylaceae. Les 30-40 especies atópense travesando munches de les rexones templaes del hemisferiu norte, cola mayor cantidá d'especies nel este d'Asia, particularmente China. Solo dos especies son d'Europa, y solo una nel este d'América del Norte.
Carpinus  | ||
|---|---|---|
 | ||
| Clasificación científica | ||
| Reinu: | Plantae | |
| División: | Fanerógama / Magnoliophyta | |
| Clas: | Dicotiledónea / Magnoliopsida | |
| Orde: | Fagales | |
| Familia: | Betulaceae | |
| Xéneru: |
Carpinus L. | |
| Especies | ||
| Sinonimia | ||
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
Descripción
editar
Les fueyes son caducifolies, alternes, simples con marxe serráu, y varien de 3-10 cm en llargor. Les flores se polinizan col vientu; los amentos prodúcense en primavera. Les flores machu y fema tán en distintes flores, nel mesmu árbol (monoico). El frutu ye una pequeña nuez de cerca de 3-6 mm de llargor, suspendida nuna bráctea foyosa; la bráctea puede ser trilobulada o simple oval, y ye llixeramente asimétrica. L'asimetría de les ales de les granes produz-yos un xiru al cayer, ameyorando la dispersión pol vientu. La forma de l'ala ye importante na identificación de distintes especies. Hai de 10 a 30 granes en cada amento.
Ecoloxía
editarEsta especie ye alimentu de les bárabos de delles especies de Lepidoptera, incluyendo Epirrita autumnata, Hemithea aestivaria, Colotois pennaria, Amphipyra berbera, Operophtera brumata (rexistrada en Quercus palustris), y Coleophora C. currucipennella y C. ostryae.
El carpe oriental (Carpinus orientalis) ye del sureste d'Europa y suroeste d'Asia, en sitios calorosos y secos a más baxes altitúes que C. betulus, ye un árbol peqeuño, raramente supere 10 m d'altor y frecuentemente ye arbustiva. Tien pequeñes fueyes, de 3-5 cm long. Les granes difieren de C. betulus en tener una simple bráctea (non trilobada), de cerca de 2 cm de llargor.
El carpe xaponés (Carpinus japonica) ye similar a C. orientalis en tener bráctees unilobadas, pero difier en tener fueyes más grandes, de 8-10 cm de llargor.
La especie norteamericana, carpe americanu (Carpinus caroliniana) ye similar a C. betulus en tamañu de fueya y en forma. La bráctea ye trilobada, pero menos fonda qu'en C. betulus.
La madera ye bien dura, tomando'l nome de madera de fierro, por ello pocu usada por cuenta de la dificultá de laboreo. Sicasí emplégase pa ferramientes, ruedes de coches y demás situaciones de muncha fortaleza.
Taxonomía
editarEl xéneru foi descritu por Carlos Linneo y publicáu en Species Plantarum 2: 998. 1753.[2] La especie tipu ye: Carpinus betulus L.
El nome científicu botánicu pal xéneru, Carpinus, ye'l nome orixinal en llatín pa la especie europea.
Especies
editarLos carpes tán estrechamente emparentaos con otres betuláceas, como los carpes lupulinos y los ablanares, pero la mayor parte de los autores siguen calteniéndolo como xéneros separaos. El xéneru Carpinus inclúi ente 30 y 35 especies. He equí una seleición de les especies más frecuentes:[3]
- Carpinus betulus L. - Carpe blancu, Carpe européu
- Carpinus caroliniana Walter - Carpe americanu
- Carpinus cordata Blume
- Carpinus coreana Nakai
- Carpinus fargesiana H.J.P.Winkl.
- Carpinus faginea Lindl.
- Carpinus henryana (H.J.P.Winkl.) H.J.P.Winkl.
- Carpinus laxiflora
- Carpinus japonica Blume - carpe xaponés
- Carpinus kawakamii Hayata
- Carpinus laxiflora (Siebold & Zucc.) Blume
- Carpinus orientalis Mill. - carpe oriental
- Carpinus polyneura Franch.
- Carpinus tschonoskii Maxim.
- Carpinus turczaninowii Hance - carpe de Turkzaninov
- Carpinus viminea Wall. ex Lindl.
Ver tamién
editarReferencies
editar- ↑ «Carpinus». Royal Botanic Gardens, Kew: World Checklist of Selected Plant Families. Consultáu'l 26 d'avientu de 2009.
- ↑ «Carpinus». Tropicos.org. Missouri Botanical Garden. Consultáu'l 2 de setiembre de 2013.
- ↑ Siehe Artenliste bei Taxonomía GRIN pa Plantes.
Bibliografía
editar- Flora of North America Editorial Committee, e. 1997. Magnoliidae and Hamamelidae. Fl. N. Amer. 3: i–xxiii, 1–590.
- Furlow. 2001. Betulaceae. In: W.D. Stevens, C. Ulloa Ulloa, A. Pool & O.M. Montiel (eds.). Fl. Nicaragua. Monogr. Syst. Bot. Missouri Bot. Gard. 85(1): 402–403.
- Molina Rosito, A. 1975. Enumeración de las plantas de Honduras. Ceiba 19(1): 1–118.
- Nee, M. 1981. Betulaceae. Fl. Veracruz 20: 1–20.
- Standley, P. C. & J. A. Steyermark. 1952. Betulaceae. In: P. C. Standley & J. A. Steyermark (eds.), Flora of Guatemala—Part III. Fieldiana, Bot. 24(3): 359–369.
- Stevens, W. D., C. Ulloa Ulloa, A. Pool & O. M. Montiel Jarquín. 2001. Flora de Nicaragua. Monogr. Syst. Bot. Missouri Bot. Gard. 85: i–xlii,.
Enllaces esternos
editar| Wikispecies tien un artículu sobre Carpinus. |
Wikimedia Commons acueye conteníu multimedia sobre Carpinus.- El xéneru Carpinus n'Árboles Ibéricos
