Castellanismu (política)

El castellanismu ye una ideoloxía que tien por xera caltener y promover los valores que-y son propios a lo que considérase Castiella: les sos costumes, los sos vezos, la so cultura, los sos recursos naturales ya homanos, la so integridá territorial y el cuestionamientu de les polítiques centralistes.

Hai dellos movimientos castellanistes: seyan rexonalista o nacionalista, al marxe de la so orientación política (progresista, esquierdista, socialdemócrata, drechista...). Que tienen como finxu de la so ideoloxía el Pautu Federal Castellanu de 1869, firmáu por representantes y delegaos d'un partíu políticu, el "Partido Federal", en representación de 17 provincies: Albacete, Ávila, Burgos, Ciudad Real, Cuenca, Guadalajara, Lleón, Logroño, Madrid, Palencia, Salamanca, Santander, Segovia, Soria, Toledo, Valladolid y Zamora.

Asina, el castellanismu defende la xuntura de les cinco comunidaes autónomes de raigañu castellanu: Cantabria, Castiella y Lleón, Castiella-La Mancha, La Rioxa y Madrid.

Sicasí, esisten munches interpretaciones nel castellanismu, y hailos que reclamen 11 provincies, otros 14 provincies, hailos inclusive que defenden les comarques valencianes de Requena y Utiel y otros munchos proyeutos minoritarios dientro'l nacionalismu castellán.

Territorialidá

Área a la que dellos castellanistes dicen que ye de cultura castellana

Mapa políticu pa dellos castellanistes

La territorialidá que vindiquen los movimientos castellanistes vien en rellación col sector al que pertenezan. Una parte del rexonalismu castellán estrema'l norte y el sur de Castiella (considerando la separtación natural del Sistema Central). Dotramiente, les tesis d'Anselmo Carretero faen una lleutura a la baxa de Castiella, defendendo namái la denomada "Castiella condal" (los territorios del condáu de Castiella: Finalmente, el ñacionalismu castellán, considera como una mesma entidá, l'área socio-cultural que-y correspuendería col mapa de llingües y fales d'España que son propiamente castellanos (Axuntando indesplicablemente Lleón y renonciando a Andalucía y Murcia.

Esti nacionalismu, no que cinca a la división territorial, quier superar les provincies ideaes en 1833.

Historia

Históricamente, el castellanismu garra como referencies la Guerra de les Comunidaes de Castiella. Y la figura de Juan Martín Díez "L'empecináu", como base del federalismu castellán del sieglu XIX y el Pautu Federal Castellán de 1869. Considérense pensaores castellanistes (o precusores del castellanismu) a:

Narciso Alonso Cortés (1875-1972), escritor.
Gregorio Fernández Díez (1891-), economista.
Julio Senador Gómez (1872-1962), escritor rexeneracionista.
Eugenio Merino (1881-1953), escritor, sociólogu, etnógrafu y sacerdote.

Simboloxía

El castellanismu identifícase polo xeneral col pendón carmesí del Reinu de Castiella. Magar que los movimientos vindicativos en mayor midía que'l tradicional, anque erróniamente, viénense identificando col pendón comuneru comuneru, de color moráu, actualmente representáu de color índigu.

Magar qu'esisten dellos otros símbolos como la cruz de Fernán González y el broquel castellanista, amás de los propios de cadún de los coleutivos.

Bandera de Castiella "cuartelada".
Pendón de Castiella.
El denomáu "Pendón Comunero".
Pendón "Estrellado" de Castilla (movimientos esquierdistes).

Celebraciones

Palos castellanistes, la fecha de la so reivindicación ye'l 23 d'abril, día del llibru y aniversario de la Batalla de Villalar, celebrada como Día ñacional de Castiella. Tamién esisten otres feches significatives:

12 de febreru. Homenax a los Comuneros de Castiella en Toledo.
15 de setiembre. Celebración del nome de Castiella, rexistráu'l 15 de setiembre del añu 800 en Taranco de Mena (Burgos) "Bardulia Quae nunc vocatur Castella".
12 de payares. Día de San Millán, patrón de Castiella.

Autores de referencia

Dellos escritores plantegaron tesis sobro la identidá castellana, que foron adoptaes como plantegamientos de bas del castellanismu actual:

Coleutivos castellanistes

Puen considerase movimientos castellanistes los que vienen darréu:

Ahora Castilla
Tierra Comunera
- Juventudes Comuneras (mocedaes de Tierra Comunera)
Foro Castellano 23 d'abril
Sopa Castellana
Izquierda Castellana
Izquierda Comunera
- Yesca
Unión Castellanista
Partido Regionalista Castellano
Partido Nacionalista de Castilla-León

Referencies

Enllaces esternos

El fechu ñacional castellanu. Ponencia d'Antonio Izarra nel Cursu de Branu de la Universidá de Burgos 1998: "Castiella; visión multidisciplinar d'un fechu ñacional heterodoxu"