Chalciporus piperatus

Chalciporus piperatus; Carauterístiques micolóxiques
	Himeniu con poros
	El sombreru ye convexu o esplanáu
	Llámines: Non aplicable
	El pie ta desnudu
	Espores de color marrón
	La ecoloxía ye micorriza
	Comestibilidá: non comestible
	[editar datos en Wikidata]

Chalciporus piperatus;
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Boletales
Familia:	Boletaceae
Xéneru:	Chalciporus
Especie:	C. piperatus ; (Bull.) Bataille (1908)
Sinonimia
	Boletus piperatus Bull. 1790; Boletus piperatus var. piperatus Bull. 1790; Ceriomyces piperatus (Bull.) Murrill 1909; Ixocomus piperatus (Bull.) Quél. 1888; Leccinum piperatum (Bull.) Gray 1821; Suillus piperatus (Bull.) Kuntze 1898; Viscipellis piperata (Bull.) Quél. 1886;
Consultes
	[editar datos en Wikidata]

Chalciporus piperatus, o boletu picante,^[2] ye un fungu basidiomicetu de la familia Boletaceae. Ye frecuente n'escamplaes y márxenes de caminos de los bosque de coníferes y mistos de les rexones templaes d'Europa. El cuerpu granible apruz dende branu a seronda, de forma solitaria o en grupos. Nun ye comestible, anque foi emplegáu como condimento pol so sabor picante. L'epítetu específicu "piperatus" significa "como la pimienta". El color mariellu vivu que presenta nos gordones miceliares de la base ye bien característicu de les especie del xéneru Chalciporus.^[2]

Morfoloxía

La cogorda del Chalciporus piperatus tien un sombreru d'ente 2 y 6 centímetros de diámetru, anque puede algamar los 10 centímetros, hemisféricu o convexu en fases nueves y más esplanáu en fases madures. El so cutícula ye pegañosa y brillante n'ambientes húmedos. La cogorda puede presentar tono color ocres o acolorataos con tonos amarellentaos. Los tubos son xuntaos, de color mariellu en fases xuveniles y ocre o acoloratáu nel maduror. Los poros presenten el mesmu color. El pie del cuerpu granible mide 3 ó 4 centímetros de llargu, pudiendo algamar hasta 7 centímetros, por 0,5 ó 1 centímetros d'anchu, ye cilíndricu y presenta color amarellentáu na base. La carne del sombrerucu ye acoloratada y la del pie ye de color mariellu llimón, nun camuda de color al cortala y presenta un sabor a pimienta. La esporada ye marrón canela.^[2]

Posibilidaes de tracamundiu

Ye posible confundilo con Chalciporus amarellus, pero los poros d'esta postrera son allargaos y de color arrosáu.^[2]

Referencies

↑ «Chalciporus piperatus» (n'inglés), Chalciporus piperatus, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=311021
↑ ^2,0 ^2,1 ^2,2 ^2,3 Grünert, H.; Grünert, R. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 218. ISBN 84-87535-11-9.

Enllaces esternos

Wikimedia Commons tien conteníu multimedia tocante a Chalciporus piperatus.

[indexfungorum-1] «Chalciporus piperatus» (n'inglés), Chalciporus piperatus, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=311021

[blume-2] 2,0 ^2,1 ^2,2 ^2,3 Grünert, H.; Grünert, R. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 218. ISBN 84-87535-11-9.

[2]

[1]

Chalciporus piperatus Carauterístiques micolóxiques
Himeniu con poros
El sombreru ye convexu o esplanáu
Llámines: Non aplicable
El pie ta desnudu
Espores de color marrón
La ecoloxía ye micorriza
Comestibilidá: non comestible
[editar datos en Wikidata]