Christian Wilhelm Allers
Christian Wilhelm Allers (6 d'agostu de 1857, Hamburgu – 19 d'ochobre de 1915, Karlsruhe) foi un pintor y llitógrafu alemán.
Christian Wilhelm Allers | |
|---|---|
 | |
| Vida | |
| Nacimientu | Hamburgu[1], 6 d'agostu de 1857[2] |
| Nacionalidá |
 Imperiu alemán |
| Muerte | Karlsruhe[3], 19 d'ochobre de 1915[2] (58 años) |
| Estudios | |
| Estudios |
Academy of Fine Arts, Karlsruhe (en)  |
| Llingües falaes | alemán |
| Alumnu de | Ferdinand Keller |
| Oficiu | pintor, dibuxante, ilustrador, litógrafu, artista visual |
| Llugares de trabayu |
Hamburgu, Isla de Capri (es) y Karlsruhe |
| Trabayos destacaos |
Unser Bismarck (en) La bella Napoli (en) Freund Allers (en) |
| Movimientu |
naturalismo (es) |
| Seudónimos | W. Andresen[4] |
| Xéneru artísticu | semeya |
| cwallers.de | |
 | |
Biografía
editarAllers nació nuna familia de mercaderes. Empezó a trabayar como litógrafo na so ciudá natal, pero en 1877 treslladóse a Karlsruhe. Na Kunstakademie (Academia de Belles Artes) estudió col Prof. Ferdinand Keller.
De 1880 a 1881 foi movilizáu pa la Marina Alemana, en Kiel, onde Anton von Werner foi'l so patrón. Ellí conoció a Klaus Groth, quien se fixo'l so amigu.
Allers fíxose conocíu cola publicación d'una coleición de grabaos denominada Club Eintracht, en 1888. Dellos llibros y coleiciones de grabaos siguiéronlu, por casu, unu sobre Bismarck. L'ésitu financieru cola publicación de la so obra dexó-y, na década de 1890, construyir una villa en Capri, Italia. Ende vivió mientres munchos años, retornando dacuando a Hamburgu y Karlsruhe, y viaxando per tol mundu.
Na seronda de 1902 viose envolubráu nun escándalu. El so amigu Friedrich Alfred Krupp, otru famosu y ricu residente alemán de Capri, foi acusáu por periódicos italianos de homosexual y pederasta. Delles selmanes más tarde, Allers, que «tenía claros enclinos homosexuales y gustába-y d'arrodiase de rapazos, que frecuentemente usaba como modelos»,[5] foi tamién acusáu, pero ante'l xuez. Krupp morrió pocu dempués. Allers escapó antes de ser xulgáu; fuera condergáu in absentia a 4 años y mediu de prisión.
Allers dexó Capri y viaxó pel mundu mientres más de 10 años, permaneciendo dalgún tiempu en Nueva Zelanda, en Samoa y n'Australia. Nesi periodu usó frecuentemente'l seudónimu «W. Andresen», y ganó dineru pintando semeyes de persones fanegueres.
Morrió en 1915 en Karlsruhe, dellos meses tres el so regresu a Alemaña.
Arte
editarAllers foi un pintor naturalista, que los sos dibuxos yeren ricos en detalles realistes; tantu, que munches vegaes carecíen faltos de calor y emoción. Anque realista, Allers a les veces añadía persones que nun taben presentes nos llugares que pintaba.
Usaba frecuentemente'l llapiceru nos sos dibuxos y les obres coloriaes yeren orixinalmente dibuxos a llápiz, coloriaos depués al oleu o con pastel. Les sos principales temes yeren escenes del día ente día (el Club Eintracht, el Spreeathener o en Hochzeitsreise), viaxes (La Bella Napoli, Rund um die Welt, Unter deutscher Flagge) y semeyes.
Llibros y coleiciones de litografíes
editarReferencies
editar- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: catálogu de la Biblioteca Nacional Checa. Identificador NKCR AUT: jo2016908877. Data de consulta: 30 agostu 2020.
- ↑ Tito Fiorani (Le dimore del mito, La Conchiglia, Capri 1996, páxs. 23 y 24
Enllaces esternos
editar
Wikimedia Commons acueye conteníu multimedia sobre Christian Wilhelm Allers.
- Christian Wilhelm Allers (n'alemán)
- Il pittore Allers a Capri (n'italianu), artículu de 1902 sobre l'escándalu.
Datos: Q704689- Multimedia: Christian Wilhelm Allers
