Christine Fahringer Salmon
Christine Salmon (22 de xunetu de 1916, Audenried – 10 d'ochobre de 1985, Stillwater) foi una arquiteuta y educadora estauxunidense, orixinaria de Pennsylvania. Dio clases nes universidaes mesmo de Pennsylvania que d'Oklahoma. Xunto col so maríu, fundó la firma Salmon and Salmon, especializándose nel diseñu de viviendes pa persones discapacitaes.
Christine Fahringer Salmon | |
|---|---|
| Vida | |
| Nacimientu | Audenried, 22 de xunetu de 1916 |
| Nacionalidá |
 Estaos Xuníos |
| Muerte | Stillwater, 10 d'ochobre de 1985 (69 años) |
| Estudios | |
| Estudios |
University of Pennsylvania School of Design (en)  George School (en) |
| Oficiu | arquiteuta |
| Emplegadores | Universidá Estatal de Pennsylvania |
| Premios |
ver
|
 | |
Biografía
editarChristine Fahringer nació'l 22 de xunetu de 1916 n'Audenried (Pennsylvania) fía d'Elizabeth (de soltera, Tench) y Walter Fahringer.[2] Creció en Pennsylvania y allegó a la George School.[3] Fahringer siguió la so educación con una llicenciatura en 1941 y depués en 1943, graduóse con un máster n'arquiteutura, dambos de la Universidá de Pennsylvania.[4] El 22 d'abril de 1946 en Hazleton (Pennsylvania), casó col so colega arquiteutu F. Cuthbert Salmon y fundaron la firma arquitectónica Salmon and Salmon. Esi mesmu añu, empezó a trabayar enseñando como profesora acomuñada n'arquiteutura na Universidá Estatal de Pennsylvania. Xunto col so maríu, diseñó principalmente viviendes centrándose en diseños funcionales p'aquellos que teníen discapacidaes físiques.[5]
Trabayando nel departamentu d'arte y diseñu de viviendes na universidá, Salmon enfatizó la importancia de la función, aspeutos espaciales, la redolada y l'integración de dellos elementos de los campos de la construcción, diseñu interior y arquiteutura pa crear edificios que yeren más práuticos pa les necesidaes del veceru.[6] Más que centrase nun desafíu específicu tola casa flúi, con un usu funcional de la decoración y, en xunto, cómodes.[7][8] Ella y el so home, conxuntamente, escribieron dellos llibros sobre diseñu a partir de finales de los años cincuenta.
En 1959, Cuthbert aceptó una posición na universidá estatal d'Oklahoma, na Escuela d'Arquiteutura y Artes Aplicaes y la pareya reasitióse en Stillwater (Oklahoma).[9] Por cuenta de les restricciones pa evitar nepotismu, a Salmon prohibióse-y enseñar arquiteutura, y pidió trabayu nel Colexu d'Economía Doméstica, onde la contrataron como profesora acomuñada nel departamentu de Vivienda y diseñu interior.[10] Dende 1969 hasta 1985, Salmon sirvió na Comisión Nacional de Vivienda del American Institute of Architects y foi almitida como socia de la AIA pola so obra creando modelos pa persones con problemes físicos y mentales. Nos setenta, Salmon foi profesora convidada en delles universidaes distintes, incluyendo la Universidá Estatal d'Ohio, Universidá de Texas Tech, la Universidá d'Iowa, la Universidá de Nebraska, y universidaes n'Arabia Saudina y Taipei, Taiwán.
Salmon ganó'l premiu OSU Maestra del Añu tres veces: en 1966, 1971 y 1978. Dende 1973 hasta 1978, y como presidenta en 1974, actuó na Comisión de Planiamientu de Stillwater y depués dende 1977 hasta 1982, Salmon sirvió nel Conceyu de Stillwater.[11][12] Foi incluyida nel Salón de la Fama de Muyeres d'Oklahoma en 1982, el so añu inaugural.[13] Dende 1982 hasta la so muerte, Salmon trabayó como alcaldesa de Stillwater, la primer muyer que desempeñó'l cargu.[14] En 1984, establecióse'l Chris Salmon Endowed Professorship nel so honor n'OSU.
Salmon morrió'l 10 d'ochobre de 1985 en Stillwater, Oklahoma dempués de sufrir cáncer mientres llargu tiempu.[15] Foi honrada póstumamente con un parte, el Chris Salmon Plaza, que recibió esti nome nel so honor en Stillwater y un lladriyu col so nome escritu colocóse por un antiguu estudiante na Plaza de les heroínes" de la Universidá Estatal de Iowa.[16]
Obres escoyíes
editar- 1956 Residencia Hatcher, State College, Pennsylvania[16]
- 1957 Woods School Child Study Treatment and Training Center, Langhorn, Pennsylvania[16]
- 1958 Residencia Pike, State College, Pennsylvania[16]
- 1964 Ilesia episcopaliana de St. Andrews, Stillwater, Oklahoma[17]
- 1969 Capiya luterana, Stillwater, Oklahoma[16]
- Centru de rehabilitación Starting Point II, Stillwater, Oklahoma[17]
Publicaciones escoyíes
editar- Salmon, F Cuthbert; Salmon, Christine F. (1959). Salmon, F Cuthbert; Salmon, Christine F. (1959) Rehabilitation center planning: an architectural guide. University Park, Pennsylvania: Pennsylvania State University Press.
- Salmon, F Cuthbert; Salmon, Christine F. (1964). Salmon, F Cuthbert; Salmon, Christine F. (1964) The blind; space needs for rehabilitation. Stillwater, Oklahoma: Oklahoma State University.
- Salmon, Christine F. (1966). Salmon, Christine F. (1966). Sheltered Workshops: An Architectural Guide. Stillwater, Oklahoma: Oklahoma State University.
- Salmon, Christine F.; Salmon, F Cuthbert (1978). «Housing the Elderly». Journal of Home Economics 70 (4). 1978. http://eric.ed.gov/?q=christine+salmon&id=EJ188379.
Referencies
editar- ↑ URL de la referencia: https://library.okstate.edu/search-and-find/collections/digital-collections/oklahoma-womens-hall-of-fame/inductees.
- ↑ Jennings, Jan (4 de xineru de 2005). «Chris Salmon». Ames, Iowa: Plaza of Heroines at Iowa State University. Archiváu dende l'orixinal, el 2015-08-14. Consultáu'l 20 d'avientu de 2015.
- ↑ «Engaged».
- ↑ Padilla, D.J. (11 de xunu de 1984).
- ↑ «Architecture Professor Foresees a Trend Back to Two-Story Homes».
- ↑ «Co. Homemakers to Meet Thursday at Clearfield».
- ↑ «'Mud Room' Anticipated by Home Economist».
- ↑ Kennedy, Jack (7 de xineru de 1976).
- ↑ «Book to Be Published Today at Penn State».
- ↑ «Seven Attend OU Conference».
- ↑ Branson, Donna (2005).
- ↑ Mitchell, Van (21 de mayu de 2015).
- ↑ «Women's Day Saturday at Okla. state capitol».
- ↑ «About the City of Stillwater Flag». Stillwater, Oklahoma: City of Stillwater, Oklahoma. Consultáu'l 20 d'avientu de 2015.
- ↑ «Christine Fahringer Salmon».
- ↑ «A Historic Walking Tour of Downtown Stillwater, OK». Stillwater, Oklahoma: Downtown Stillwater. Consultáu'l 20 d'avientu de 2015.
- ↑ Charles, Michelle (23 d'abril de 2009).
Bibliografía
editar- Gane, John F. (1970). Gane, John F. (1970). American Architects Directory, Third, Nueva York: R.R. Bowker LLC. ISBN 0-8352-0281-X.
- Jones, Nigel R. (2005). Jones, Nigel R. (2005). Architecture of England, Scotland, and Wales. Westport, Connecticut: Greenwood Publishing Group. ISBN 978-0-313-31850-4.
Datos: Q22073076
