Abrir el menú principal

Oklahoma (pronunciáu /oʊkləhoʊmə/ n'inglés) ye un estáu de los Estaos Xuníos d'América. Asitiáu na rexón conocida como South Central, tien una estensión de 177.847 km² y una población estimao (U.S. Census Bureau, 2010) de 3.751.351 habitantes. Ye, poro, el 28º estáu más pobláu, y el 20º mayor del país. El so nome deriva de les pallabres Chocktaw okla y huma, que signifiquen "xente de piel colorada", magar que ye tamién conocíu pol so alcuñu, The Sooner State. Formáu a partir de la xuntura de tierres del Territoriu d'Oklahoma con otres del Indian Territory el 16 de payares de 1907, foi el 46º estáu n'incorporase a los Estaos Xuníos. Los sos habitantes son nomaos Oklahomans, Okies o Sooners. L'estáu divide'l so territoriu en 77 condaos, y la so capital, que ye tamién la ciudá más grande, ye Oklahoma City.

Blue globe icon.svgOklahoma
Flag of Oklahoma.svg Seal of Oklahoma.svg
Alministración
PaísBandera de Estaos Xuníos d'América Estaos Xuníos d'América
Tipu entidá Estaos d'Estaos Xuníos
Gobernador de Oklahoma Traducir Kevin Stitt
Nome llocal State of Oklahoma
Xeografía
Coordenaes 35°30′N 98°00′O / 35.5°N 98°O / 35.5; -98Coordenaes: 35°30′N 98°00′O / 35.5°N 98°O / 35.5; -98
Oklahoma is located in los EE.XX.
Oklahoma
Oklahoma
Oklahoma (los EE.XX.)
Superficie 181195 km²
Llenda con Texas, Nuevu Méxicu, Colorado, Kansas, Missouri y Arkansas
Demografía
Población 3 911 338 hab. (2015)
Porcentaxe 1.2% de Estaos Xuníos
Densidá 21,59 hab/km²
Más información
Fundación 16 payares 1907
Estaya horaria UTC−06:00 y America/Chicago Traducir
Llocalidaes hermanaes prefeutura de Kyoto
www.ok.gov
Cambiar los datos en Wikidata

L'estáu produz bien de gas natural, petroleu y alimentos, y tien una economía basada nos sectores de la enerxía, l'aviación, les telecomunicaciones y la bioteunoloxía. Gracies a too ello ye ún de los estaos que crez más rápidu del país, especialmente nes árees metropolitanes d'Oklahoma City y Tulsa, qu'axunten cuasi'l 60% de la población del estáu.

BOK Tower, en Tulsa. Ye'l segundu edificiu más altu del estáu.

La mayoría del territoriu del estáu ta asitiada ente les Grandes Llanures y les Tierres Altes, con un paisaxe nel que dominen los praos, con pequeñes cordilleres y bayuroso n'arboleda, y tien un clima duru. No que cinca a la so población, la blanca abunda en xente d'orixe alemán, irlandés y británicu. La indíxena ye tamién bayurosa y con gran riqueza cultural: nel so territoriu fálense 25 llingües indíxenes, más qu'en cualisquier otru estáu de la Xunión. En cuantes a les creyencies relixoses, forma parte de lo que se conoz como Bible Belt (el cinturón de la Biblia), con bien de cristianos evanxélicos que fain del estáu ún de los más conservadores políticamente. Sicasí, hai nelli más votantes rexistraos del Partíu Demócrata que de cualisquier otru.


Ver tamién (Wikipedia n'inglés)Editar

Enllaces esternosEditar