Clara Williams
Clara Williams (3 de mayu de 1888, Seattle – 8 de mayu de 1928, Los Angeles) foi una actriz cinematográfica d'Estaos Xuníos, activa na dómina del cine mudu. Xunto con Louise Glaum y Dorothy Dalton, foi una de les principales actrices de los estudios cinematográficos de Thomas H. Ince, unu de los primeros en rodar llargumetraxes en Los Angeles, California. Williams actuó en más de 100 producciones rodaes ente 1910 y 1918, siendo protagonista en filmes como The Italian y el western de William S. Hart Hell's Hinges, cintes que s'atopen recoyíes nel National Film Registry. Cuando ella casóse col direutor Reginald Barker a los 31 años d'edá, decidió retirase de l'actuación.
Clara Williams | |
|---|---|
.jpg) | |
| Vida | |
| Nacimientu | Seattle, 3 de mayu de 1888[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 8 de mayu de 1928[1] (40 años) |
| Sepultura | Forest Lawn Memorial Park |
| Familia | |
| Casada con | Reginald Barker (1920 – 1928) |
| Estudios | |
| Llingües falaes | inglés |
| Oficiu | actriz, actriz de cine |
| Llugares de trabayu | Estaos Xuníos |
| Xéneru artísticu | western |
| IMDb | nm0930290 |
 | |
Biografía
editarNacida en Seattle, Washington, Williams debutó na pantalla col filme Western Chivalry, rodáu en 1910. Al añu siguiente, el primer númberu de la revista Motion Picture Magacín publicaba un artículu y una fotografia de Williams, siendo ella d'esa manera la primer actriz n'apaecer nuna revista d'almiradores.[2] L'ésitu de The Italian (1915), cinta na qu'interpretaba a una inmigrante actuando xunto a George Beban, fizo que fuera encasillada encarnando a personaxes llatinos.[3]
Mientres la so etapa colos estudios Ince, Williams conoció al direutor Reginald Barker, que la dirixó en dellos filmes, ente ellos The Man from Oregon (1915), The Criminal (1916), Three of Many (1917), Paws of the Bear (1917), The One Woman (1918), y Carmen of the Klondike (1918), la so última actuación. L'actriz casóse con Barker en febreru de 1920.[4]
En 1917, Williams y dellos otros importantes actores y direutores de la compañía de Ince dexaron l'estudiu pa xunise a l'acabante formar Paralta Company. La primer película de Williams con Paralta foi la última rodada por ella, Carmen of the Klondike.[3][5]
A finales de febreru de 1928, el Los Angeles Times informó que Williams fuera sometida a ciruxía mayor por motivos desconocíos nel Hospital California Lutheran.[6] Ella finó'l 8 de mayu de 1928 na so casa en Los Angeles. Tenía 40 años d'edá.[4][7] Sobrevivió-y el so home y un hermanu. Los sos restos fueron encenraos nel campusantu Forest Lawn Memorial Park, en Glendale (California).[8]
Seleición de la so filmografía
editar| Añu | Títulu | Papel | Notes |
|---|---|---|---|
| 1910 | Western Chivalry | ||
| 1910 | The Cowboy's Sweetheart | Jennie | |
| 1910 | The Millionaire and the Ranch Girl | Nellie Blair | |
| 1910 | A Cowboy's Vindication | Faru Nan | |
| 1912 | Over the Divide | Nell Carter | |
| 1912 | The Minister and the Outlaw | Helen Page | |
| 1912 | The Renegades | Mrs. Jim Carson | |
| 1912 | Bar K Foreman | Nellie – fía del rancheru | |
| 1913 | The Love Token | Mary Simpson | |
| 1913 | On the Mountain Ranch | Ethel Fordham | |
| 1913 | The Witch of Salem | ||
| 1913 | Papita's Destiny | Papita | |
| 1914 | For the Wearing of the Green | Norah Dwyer | |
| 1914 | The Bells of Austi | Mercedes | |
| 1914 | His Hour of Manhood | Anne Larson | |
| 1914 | The Bargain | Nell Brent | Otru títulu: The Two-Gun Man in the Bargain |
| 1915 | The Italian | Annette Ancello Donnetti | |
| 1915 | The Secret of the Dead | ||
| 1915 | The Devil | ||
| 1915 | When Love Leads | Mary Dunning | |
| 1916 | The Corner | Mrs. Adams | |
| 1916 | The Market of Vain Desire | Helen Badgley | |
| 1916 | Hell's Hinges | Faith Henley | |
| 1916 | Three of Many | Nina Antinni | |
| 1917 | Paws of the Bear | Olga Raminoff | |
| 1918 | Carmen of the Klondike | Dorothy Harlan | |
| 1918 | The One Woman | Kate Ransom |
Galería fotográfica
editar-
William S. Hart y Clara Williams en The Bargain (1914) -
Willard Mack y Clara Williams en The Corner (1916) -
Clara Williams en The Italian (1915) -
Williams en 1915
_1.jpg)
Referencies
editar- ↑ 1,0 1,1 Afirmao en: Internet Movie Database. Identificador IMDb: nm0930290. Data de consulta: 18 xunetu 2016. Llingua de la obra o nome: inglés.
- ↑ Slide, Anthony (2010). Inside the Hollywood Fan Magacín: A History of Star Makers, Fabricators, and Gossip Mongers. Univ. Press of Mississippi, páx. 18. ISBN 1-604-73414-0.
- ↑ 3,0 3,1 Clara Williams Wants Old Style. Los Angeles Times. 4 de payares de 1917.
- ↑ 4,0 4,1 Funeral of Mrs. Barker Not Decided. Los Angeles Times. 9 de mayu de 1928.
- ↑ Carmen of the Klondike. Los Angeles Times. 15 de mayu de 1918.
- ↑ Barker's Wife Has Operation. Los Angeles Times. 23 de febreru de 1928.
- ↑ «Clara Williams Former Star Dies». The Deseret News: p. 8. 8 de mayu de 1928. https://news.google.com/newspapers?nid=336&dat=19280509&id=0ccqAAAAIBAJ&sjid=ScwFAAAAIBAJ&pg=3725,5607209. Consultáu'l 10 de xunu de 2014.
- ↑ Barker Funeral Hour Announced. Los Angeles Times. 10 de mayu de 1928.
Enllaces esternos
editar
Wikimedia Commons acueye conteníu multimedia sobre Clara Williams.- Clara Williams na Internet Movie Database (n'inglés)
- «Clara Williams». en Find a Grave. (n'inglés)
Datos: Q11837680- Multimedia: Clara Williams
