Claudia de Francia, reina de Francia

Claudia de Francia, reina de Francia
Vida
Nacimientu	Romorantin-Lanthenay, 13 d'ochobre de 1499 (greg.)
Nacionalidá	Francia
Muerte	Blois, 20 de xunetu de 1524 (24 años)
Sepultura	basílica de Saint-Denis (es)
Causa de la muerte	sífilis
Familia
Padre	Luis XII
Madre	Ana de Bretaña
Casada con	Franciscu I de Francia (1514 (Gregorianu), 1514 (Gregorianu) – 1547)
Fíos/es	Carlota de Valois (es) ; Francisco III de Bretaña (es) ; Enrique II de Francia; Magdalena de Valois (es) ; Carlos II d'Orleans; Margarita de Francia, duquesa de Berry; Luisa de Francia (es)
Hermanos/es	Renata de Francia (es) ; Carlos Orlando de Francia (es) ; Charles de France
Pueblu	Dinastía Valois (es)
Estudios
Llingües falaes	francés
Oficiu	política
Creencies
Relixón	catolicismu

Claudia I de Francia, (en francés Claude I de France; Romorantin-Lanthenay, Francia, 14 d'ochobre de 1499 - Blois, Francia, 20 de xunetu de 1524), foi reina de Francia y duquesa de Bretaña por derechu propiu, perteneciente a la casa de los Valois.

Primeros años de vida

Foi la fía mayor de Luis XII de Francia y d'Ana de Bretaña y consorte de Francisco I. Tamién foi condesa de Soissons, Blois, Coucy, Étampes y Montfort.

Como la so madre nun tuvo fíos sobrevivientes del so primer matrimoniu con Carlos VIII de Francia, Claudia foi la heredera del ducáu de Bretaña, ente que la Corona de Francia pasaría al so primu segundu, Francisco d'Angoulême, de nun tener el so padre fíos varones propios.

Planes de matrimoniu

En 1504, Ana de Bretaña, nun intentu de caltener el so ducáu independiente de Francia, robló'l Tratáu de Blois pol que se prometía la mano de Claudia al mozu Carlos d'Austria, depués Carlos I d'España. El compromisu foi atayáu llueu por Luis XII, reticente ante la idea de trate arrodiáu pel oeste y norte (Borgoña tamién fuera prometida como heriedu de Claudia) pola Casa d'Habsburgu. Asina, en 1506 Claudia foi comprometida al so primu segundu'l conde d'Angoulême y duque de Valois, Francisco I, herederu aparente del reinu.

Ana de Bretaña morrió en 1514. Esi mesmu añu'l 18 de mayu, en St-Germain-en-Laye, Claudia, nueva duquesa de Bretaña, #casar con Francisco, entós Delfín.

Claudia sería reina de Francia dende'l fallecimientu del so padre (1 de xineru de 1515), hasta la so propia muerte.

Fíos

Claudia de Francia retratada nel centru al pie de los sos cuatro fíes y Leonor d'Austria.

Luisa (19 d'agostu de 1515 - 21 de setiembre de 1517). Comprometida de volao a Carlos I d'España.
Carlota (23 d'ochobre de 1516 - 8 de setiembre de 1524). Morrió de rubéola. Inspiró a la so tía, Margarita d'Angoulême, reina de Navarra'l poema "Diálogos en forma de visión nocherniega", d'enclín reformista.
Francisco, Delfín y duque de Bretaña (13 d'ochobre de 1499 ^(greg.), Romorantin-Lanthenay – 20 de xunetu de 1524, Blois).
Enrique, duque de Orléans, Delfín y rei de Francia como Enrique II (31 de marzu de 1519 - 10 de xunetu de 1559). Casáu con Catalina de Médicis, tendría diez fíos, ente ellos los últimos trés reis de la dinastía Valois (Francisco II, Carlos IX y [Enrique III]]) ya Isabel, reina d'España; Claudia, duquesa de Lorena y Margarita, reina de Navarra y Francia.
Madalena (10 d'agostu de 1520 - 9 de setiembre de 1537). Reina d'Escocia como esposa de Jacobo V. Finó de tuberculosis.
Carlos (22 de xineru de 1522 - 9 de setiembre de 1554). Duque d'Angoulême.
Margarita (5 de xunu de 1523 - 14 de setiembre de 1574). Duquesa de Berry y duquesa de Saboya por matrimoniu col duque Manuel Filiberto de Saboya. Margarita foi considerada de volao a la muerte de Juana Seymour como posible novia d'Enrique VIII. Luis XV baxó d'ella pola so madre María Adelaida de Saboya.

Vida pública y últimos años de vida

Claudia foi clisada pola so suegra, Luisa de Saboya, y la so cuñada Margarita d'Angoulême, nun tuvo poder políticu nin influencia. Sicasí, les sos rellaciones col so home fueron bones, a pesar de sufrir d'escoliosis (lo que-y produció una gorrumba), coxera y probablemente estrabismu, amás d'escarecer de curiosu. Nos sos últimos años de vida, sufrió d'una obesidá monstruosa". Supuestamente contraería sífilis por causa del so home y morrería por escosamientu.^[5]

Anguaño la so memoria atópase escaecida, anque foi bien popular nel so tiempu. Una variedá clásica de cirueles, de color verde maciu y especialmente amagayada foi llamada "#Reina Claudia" o "Claudia" nel so honor.^[6]

Referencies

↑ Afirmao en: The Peerage. Identificador de persona en The Peerage: p10308.htm#i103080. Apaez como: Claude de Valois, Duchesse de Bretagne. Data de consulta: 9 ochobre 2017. Autor: Darryl Lundy. Llingua de la obra o nome: inglés.
↑ ^2,0 ^2,1 Afirmao en: Kindred Britain.
↑ ^3,0 ^3,1 ^3,2 Afirmao en: The Peerage. Llingua de la obra o nome: inglés. Autor: Darryl Lundy.
↑ valor desconocíu. «Q21473224» (en rusu). Brockhaus and Efron Encyclopedic Dictionary. Volume VIII, 1892.
↑ Francis Hackett (1984). Francis ler. Payot. p. 510.Francis Hackett (1984). Francis ler. Payot, páx. 510.
↑ «Ciruela Claudia» (8 d'agostu de 2010).

[0e554e803e4ce395d473e99f54cbff5e957cec9d-1] Afirmao en: The Peerage. Identificador de persona en The Peerage: p10308.htm#i103080. Apaez como: Claude de Valois, Duchesse de Bretagne. Data de consulta: 9 ochobre 2017. Autor: Darryl Lundy. Llingua de la obra o nome: inglés.

[e6596ed0d2b81634d4a2b94f1bd23a5d26a198cf-2] 2,0 ^2,1 Afirmao en: Kindred Britain.

[3913844e06e055e8cd81608f22bad0e604d89d2d-3] 3,0 ^3,1 ^3,2 Afirmao en: The Peerage. Llingua de la obra o nome: inglés. Autor: Darryl Lundy.

[b8288aa7e6afeda5209f78a0c939b16fdb8f3b5e-4] valor desconocíu. «Q21473224» (en rusu). Brockhaus and Efron Encyclopedic Dictionary. Volume VIII, 1892.

[5] Francis Hackett (1984). Francis ler. Payot. p. 510.Francis Hackett (1984). Francis ler. Payot, páx. 510.

[6] «Ciruela Claudia» (8 d'agostu de 2010).

[1]

[2]

[3]

[4]

[5]

[6]