Columbia Británica

La Columbia Británica (n'inglés British Columbia, en francés Colombie-Britannique) ye una de les províncies que constituyen la confederación de Canadá. Ye la más occidental del país, y ta allugada na costa oeste del país, ente los Montes Rocosos ya l'océanu Pacíficu. Llenda al noroeste col estáu d'Estaos Xuníos d'Alaska, al norte col territoriu del Yukón y los Territorios del Noroeste, al este con Alberta y al sur colos estaos norteamericanos de Washington, Idaho y Montana. La capital ye Victoria, asitiada na islla de Vancouver. Ye, con una población estimada en 5,2 millones d'habitantes en 2021, la tercera provincia más poblada del país. La so capital, Victoria, ye la 15ª ciudá mayor del país, y recibe'l so nome n'honor de la reina Victoria, soberana del Imperiu Británicu nel momentu nel que se formó la Confederación. La principal ciudá de la provincia ye Vancouver, centru de la mayor área metropolitana del occidente de Canadá, la segunda mayor de la rexón Noroeste del Pacíficu y la tercera mayor de tol Canadá. Nel Gran Vancouver vivíen, en 2016, unos 2,5 millones d'habitantes[1].

Columbia Británica
Snow covered mountains in Mount Robson (Unsplash).jpg
Flag of British Columbia.svg Coat of arms of British Columbia.svg
bandera de Columbia Británica (es) Traducir Escudo de Columbia Británica (es) Traducir
Alministración
PaísBandera de Canadá Canadá
ISO 3166-2 CA-BC
Tipu d'entidá provincia del Canadá
Capital Victoria
Premier of British Columbia (en) Traducir John Horgan (B.C., C.-B., BC)
Nome oficial British Columbia (en)
Colombie-Britannique (fr)
Nome llocal British Columbia (en)
Llingües oficiales inglés
Xeografía
Coordenaes 54°30′N 124°30′O / 54.5°N 124.5°O / 54.5; -124.5Coordenaes: 54°30′N 124°30′O / 54.5°N 124.5°O / 54.5; -124.5
British Columbia in Canada 2.svg
Superficie 944735 km²
Llenda con Alberta, Montana, Alaska, Yukón, Washington, Idaho, Territorios del Noroeste, Territorio de Montana (es) Traducir, Territorio de Alaska (es) Traducir, Distrito de Alaska (es) Traducir, Departamento de Alaska (es) Traducir, Territorio de Washington (es) Traducir y Territorio de Idaho (es) Traducir
Puntu más altu Monte Fairweather (es) Traducir
Puntu más baxu Océanu Pacíficu
Demografía
Población 4 841 078 hab. (1 ochobre 2017)
Densidá 5,12 hab/km²
Más información
Estaya horaria Tiempu del Pacíficu, Mountain Time Zone (MTZ) y UTC−07:00
Fundación 1871
gov.bc.ca
Cambiar los datos en Wikidata

El primer asentamientu británicu na zona remóntase a 1843. Nesi añu fundose Fort Victoria, el niciu de lo qu'anguaño ye la ciudá de Victoria, que convirtiose na capital de la Colonia de la Islla de Vancouver. Posteriormente fundose, nel continente, la Colonia de Columbia Británica (1858-1886), nel contestu de la llegada de miles d'inmigrantes na migración conocida como fiebre del oru del cañón del Fraser, a la fastera meridional de l'actual provincia, alredor de les ciudaes de Yale y Pavilion. La organización del territoriu encargóse-y a Richard Clement Moody[2] y a un continxente de 172 soldaos del Cuerpu d'Inxenieros (Royal Engineers) del exércitu británicu. Moody, que llevaba l'encargu de convertir la colonia nel "bastión del imperiu nel llonxanu Oeste"[3] y de "fundar una segunda Inglaterra nes costes del Pacíficu"[4] aportó al territoriu col cargu de teniente gobernador de la colonia n'avientu de 1858. Escoyó, y fundó, l'asentamientu qu'habría convertir na capital de la so colonia, New Westminster, y entamó la construcción de la ruta de tresporte conocida como Ruta Cariboo (Cariboo Road). Amás, diseñó la primer versión del escudu d'armas de la provincia[5]. Port Moody, una pequeña ciudá del área metropolitana de Vancouver, lleva esi nome nel so honor[6].

En 1866 la islla de Vancouver convirtiose en parte de la nueva colonia de Columbia Británica, y Victoria pasó a ser la capital de tol territoriu que, en 1871, convirtiose na sesta provincia de Canadá. El so eslogan, que figura nel so escudu d'armes, ye "Esplendor ensin Merma" (Splendor sine occasu). Los aboríxenes (miembros de les Naciones Orixinaries de Canadá) teníen vivío, primero de la llegada de los europeos, unos 10.000 años na zona. El so estatus, y la llegalidá de los trataos roblaos con ellos polos británicos pa facese coles tierres de so, son oxetu d'un intensu debate social, políticu ya xudicial nes caberes décades.

La economía de la provincia básase principalmente nos sectores forestal, mineru, turísticu y audiovisual. Ye, tamién, un centru importante de comerciu marítimu y, magar que menos del 5% del so territoriu ye tierra cultivable, l'agricultura tien un desarrollu importante nel valle del Fraser y n'Okanagan per aciu del so clima templáu[7].

ReferenciesEditar

  1. Population and Dwelling Count Highlight Tables, 2016 Census, na web de Statistics Canada.
  2. Minutes of the Proceedings of the Institution of Civil Engineers, Volume 90, Issue 1887, 1887, pp. 453–455, Obituary. Major-General Richard Clement Moody, R.E., 1813–1887.
  3. Hauka DJ, McGowan's War, p. 46. Vancouver, New Star Books, 2003.
  4. Barman J, The West Beyond the West: A History of British Columbia, p. 71. Toronto, University of Toronto), 1991.
  5. Ormsby MA, “MOODY, RICHARD CLEMENT,” entrada nel Dictionary of Canadian Biography, vol. 11, University of Toronto/Université Laval, 2003.
  6. Arms and Devices of Provinces and Territories, na web Heraldic Science Héraldique.
  7. 2011 Census of Agriculture: British Columbia highlights, na web del gobiernu de la Columbia Británica.

Enllaces esternosEditar

ReferenciesEditar