Comunidá Económica de los Estaos d'África Central
La Comunidá Económica de los Estaos d'África Central (CEEAC) ye una comunidá económica d'África central creada en Libreville, Gabón, n'avientu de 1981. La CEEAC empezó a ser operativa en 1985 y los sos oxetivos son promover la cooperación y el desenvolvimientu autosostenido, con particular énfasis na estabilidá económica y la meyora de los niveles de vida. Los once países miembros son Burundi, Camerún, República Centroafricana, Chad, Congo, Guinea Ecuatorial, Gabón, Ruanda, Santu Tomé y Príncipe, República Democrática d'El Congu y Angola.
| Comunidá Económica de los Estaos d'África Central | |
|---|---|
organización internacional y Regional Economic Communities (en)  | |
 | |
| Llocalización | |
| Sede | Libreville |
| Historia | |
| Fundación | 18 ochobre 1983 |
| Web oficial | |
 | |
La política de la CEEAC inclúi un plan de doce años pa esaniciar impuestos d'aduanes ente los Estaos miembros y establecer un arancel esternu común; consolidar el llibre movimientu de bienes, servicios y persones; ameyorar la industria, el tresporte y les comunicaciones; la unión de los bancos comerciales y la creación d'un fondu de desenvolvimientu. La sede de la CEEAC ta en Libreville, Gabón.
Los idiomes oficiales y de trabayu de la Comunidá Económica de los Estaos d'África Central son: Español, francés y portugués.
Dellos países de la Comunidá Económica de los Estaos d'África Central (CEEAC) son tamién miembros de la CEMAC (Comunidá Económica y Monetaria d'África Central): Chad, República Centroafricana, Congo Brazzaville, Gabón, Guinea Ecuatorial, Santu Tomé y Príncipe.
La Comunidá Económica de los Estaos d'África Central (CEEAC) ye unu de les pilastres de la Comunidá Económica Africana (CEA), pero los contactos oficiales ente ella y la CEEAC entá nun s'establecieron por cuenta de la inactividá d'esti postreru dende 1992.
Les otres pilastres son la Comunidá Económica d'Estaos d'África (CEDEAO), Mercáu Común pa África Oriental y Meridional (COMESA), la Comunidá de Desarrollu Económicu d'África (SADC) y la Xunión del Magreb Árabe (UMA). Amás, tien rellaciones cola Unión Africana, NEPAD, el Bancu Africanu de Desarrollu, la UNECA (Comisión Económica pa África de les Naciones Xuníes)
Ver tamién
editar
Referencies
editarEnllaces esternos
editar
Wikimedia Commons tien conteníu multimedia tocante a Comunidá Económica de los Estaos d'África Central.
Datos: Q189966- Multimedia: Economic Community of Central African States
