Conceyu Abiertu

**Conceyu Abiertu**
Llogotipu
Siegles	CA (nel rexistru, CONCEYU ABIERTU)
Fundáu en	2010
Voceru nacional	Mariu Arbesú
Ideoloxía	Izquierda, Nacionalismu asturianu, Municipalismu, Socialismu
Afiliación europea	Nun tien
Ámbitu	Conceyos d'Asturies
Presencia	Noreña, Xixón, Villaviciosa, Siero, Uviéu, Ribeseya, Samartín del Rei Aurelio, Llangréu, Grau, Mieres
Llar nacional	C/ Javier Lauzurica, 6, baxu (Noreña, Asturies)
Afiliaos	---
Colores	Azul y Blanco
Estáu	N'activu
Web	conceyuabiertu.org Archiváu 2012-05-05 en Wayback Machine

Conceyu Abiertu (CA) ye una plataforma política de calter asturianu, municipalista y d'izquierda presente en dellos conceyos d'Asturies.

Historia

Conceyu Abiertu foi fundáu a lo cabero de 2010 a iniciativa de xente tanto viniente de organizaciones polítiques, sindicales, sociales y de mocedá d'Asturies como Andecha Astur, Darréu, Corriente Sindical d'Izquierda o Fai! Asturies, como independientes. L'oxetivu de la formación d'esta plataforma foi la necesidá d'una xuntura de los estremaos ámbitos de la izquierda asturiana al rodiu de los conceyos y dende la base pol estancamientu que taba sofriendo esi movimientu políticu. Presentose oficialmente ente la sociedá asturiano y la prensa el 19 de Xineru de 2011 nel Salón d'Actos de la Biblioteca Xovellanos de Xixón^[1].

Conceyu Abiertu participó per primer vegada nes eleiciones asturianes del 22 de mayu, tanto con una candidatura nacional, que nun foi quien a sacar representantes, como con candidatures a nivel de conceyu. En Xixón, la candidatura integróse na coalición eleutoral Conceyu d'Unidá Popular de Xixón (CUPX)^[2], xunta Izquierda Anticapitalista, Frente de la Izquierda ya independientes.

Algamóse un representante en Noreña, Pablo Perez Fonseca^[3].

Ideoloxía

Conceyu Abiertu podía definise como una organización municipalista, asturiana y d'izquierda. Los sos finxos básicos foron marcaos nel Manifiestu Fundacional^[4] presentáu ente la sociedá el 19 de Xineru en Xixón. Resumiéronse los sos finxos en 6 puntos.

Participación dende la base.
Protagonismu de la clas trabayadora.
Autodetermín p'Asturies pa facer les polítiques dende casa y que, poro, tean más adaptaes a la realidá social.
Asturianismu cultural.
Municipalismu p'asegurar la participación democrática del pueblu.
Ecoloxismu.

Conceyos

Conceyu Abiertu carauterízase como una organización non centralizada y asamblearia, siguiendo'l modelu de les Candidatures d'Unidá Popular (CUP) catalanes, funcionando'l conceyu nacional como un elementu federativu y unificador. Anguaño, tien presencia en diez conceyos asturianos^[5].

Grau - Conceyu Abiertu por Grau
Llangréu - Conceyu Abiertu por Llangréu
Mieres - Conceyu Abiertu por Mieres
Noreña - Conceyu Abiertu por Noreña
Ribeseya - Conceyu Abiertu por Ribeseya
Samartín del Rei Aurelio - Conceyu Abiertu por Samartín del Rei Aurelio
Siero - Conceyu Abiertu por Siero
Uviéu - Conceyu Abiertu por Uviéu
Villaviciosa - Conceyu Abiertu por Villaviciosa
Xixón - Conceyu Abiertu por Xixón (integráu nel CUPX)

Referencies

↑ Conceyu Abiertu preséntase como movimientu popular dende la base y dende los conceyos [1] Archiváu 2011-06-15 en Wayback Machine
↑ Presentóse'l Conceyu d'Unidá Popular de Xixón [2] Archiváu 2016-03-04 en Wayback Machine
↑ Pablo Pérez tomó posesión prometiendo por imperativu llegal y n'asturianu [3] Archiváu 2011-08-04 en Wayback Machine
↑ Manifiestu de Conceyu Abiertu [4] Archiváu 2011-08-11 en Wayback Machine
↑ Llista oficial de conceyos [5] Archiváu 2011-08-12 en Wayback Machine

[1] Conceyu Abiertu preséntase como movimientu popular dende la base y dende los conceyos [1] Archiváu 2011-06-15 en Wayback Machine

[2] Presentóse'l Conceyu d'Unidá Popular de Xixón [2] Archiváu 2016-03-04 en Wayback Machine

[3] Pablo Pérez tomó posesión prometiendo por imperativu llegal y n'asturianu [3] Archiváu 2011-08-04 en Wayback Machine

[4] Manifiestu de Conceyu Abiertu [4] Archiváu 2011-08-11 en Wayback Machine

[5] Llista oficial de conceyos [5] Archiváu 2011-08-12 en Wayback Machine

[1]

[2]

[3]

[4]

[5]