Conceyu Nacional de Liriu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Conceyu Nacional de Liriu (CNL) ye un proyeutu d'esportificación del xuegu del liriu, cola fin de dotalu d'una reglamentación estándar y d'un calendariu d'actividaes lúdiques, competitives ya educatives que permitan el so espardimientu y lu saquen del escaezu que'l xuegu, como buena parte del padremoñu cultural asturianu, sufre ente les nueves xeneraciones.
| Conceyu Nacional de Liriu | |
|---|---|
| organización | |
 | |
| País |  España |
| Autonomía |  Principáu d'Asturies |
| Web oficial | |
 | |
El CNL ta formáu por un grupu de persones, equipos y clubes esportivos dedicaos al llabor d'espardimientu del liriu, ensin ánimu de lucru.
Historia
editarL'anicitiva de crear un grupu cola pretensión d'esportificar el xuegu del liriu surde nos caberos meses del añu 2008 coles conversaciones entamaes ente l'equipu decanu Asturlirio de Las Bárzanas (Castrillón), el Quirinal Liriu Sport d'Avilés y el Club de xuegos tradicionales Espor d'Asturies-Espor[a], con sede n'Uviéu, que presenten n'avientu d'esi añu, nel espaciu radiofónicu de la RPA "Acuto", los preparativos p'algamar el I Campeonatu d'Asturies de Liriu.
En xunu del 2009, prodúzse'l primer esperimentu competitivu cola modalidá d'encastrar, nel II Abiertu'l Pitu Caleya de Piarnu, (Castrillón), col sofitu de la Liga Nacional de Billarda gallega.
Les normes definitives de xuegu y d'organización de los eventos van ser roblaes polos representantes de los trés equipos del liriu en LLamorgal (LLanera), el 18 de xunetu de 2009.
Esi mesmu día, escomienza'l primer Campeonatu d'Asturies de Liriu que, dempués de tres xornaes. Acompañando a les partides por equipos, y siguiendo la normativa roblada, organícense torneos abiertos a la participación de toes aquelles persones qu'asina lo deseyen.
Esi mesmu añu, el Conceyu Nacional de Liriu encárgase por primer vegada de seleicionar los xugadores pal combináu asturianu que dende facía dos años s'enfrentaba a la gallega pola Copa Cantábrica de Liriu.
Dempués de varios eventos, la temporada 2010 escomienza cola adhesión de dos nuevos equipos al Conceyu Nacional de Liriu: la Camaretá de Liriu de Noreña y los Sidrones de Xixón.
La competición por equipos comienza yá en marzu, con cinco xornades por delantre onde los equipos enfréntense toos a la vez, lo que lleva a camudar el sistema de puntuaciones de les partides, nun conceyu producíu en La Caizuela (Illas). Amás, créase'l I Campeonatu d'Asturies de Liriu Individual, que tien en cuenta pa la so puntuación les partides por equipos y los abiertos.
En payares fáise la Primer Gala de Liriu en LLamorgal, onde s'entreguen los premios individuales y coleutivos de dambos campeonatos. Esi mesmu día, nun conceyu previu, decídese, por unanimidá, formar la Promotora de la Federación Asturiana de Liriu y Asemeyaos (Pro-FALA), col envís de crear esa Federación durante l'añu 2011.
Dempués de los dos primeros años de vida del Conceyu Nacional de Liriu, esti grupu organizó, direutamente o al traviés los sos equipos y persones miembros, más de venti eventos rellaicionaos col liriu.
Equipos CNL
editarReglamentu CNL
editarSistema de xuegu
editar- L’anotador noma a los n xugadores de la carrera. Éstos respeten a lo llargo de tola carrera l'orde de llanzamientu nel que fueron nomaos.
- Depués de llanzar, el xugador espera que pare’l liriu cola fin de conservar la posición si fuera preciso volver a ella.
- Nun se considera acabáu’l llanzamientu hasta que nun para’l liriu por sí solu, ensin que’l xugador puea tocalu una vez que caiga al suelu. La posición válida ye na que para’l so movimientu, independientemente de lo que fixera na so trayeutoria.
- Nun hai avance válidu si nun hai los dos golpeos (suelu y aire). En casu de fallu, vuélvese al llugar d'orixe.
- Ye fallu que’l liriu pose fuera dafechu del tarrén acotau.
- Mentanto tea nel aire, el liriu pue ser golpeáu infinites vegaes.
- La carrera acaba pa un xugador cuando’l so liriu, paráu, dexa de tener contautu col área qu'arrodia’l castru.
- El liriu puede orientase como quier el xugador siempre que nun conlleve avance.
Tarrén y ferramienta
editar- El liriu tendrá, tolo más, 22 centímetros de llargor y 3 centímetros de diámetru máximu. Ha ser de madera y nun tener elementos artificiales, a nun ser una pegatina o una rotulación.
- La machorra tendrá, tolo más, 4 centímetros de diámetru mayor y ha ser de madera. El cau de golpéu nun pue tener elementu artificial nengún.
- El tarrén ha tener un llargor d'ente 30 y 50 m. y un anchor d'ente 15 y 25 m. Tará bien marcáu con cinta al ras, pintura o cambiu de material.
- En casu de xugar nun tarrén irregular o d'herba, y siempre que tolos equipos tean d'alcuerdu, pueden usase dos lirios. Unu d'ellos val d'encontu pal principal.
- El castru ye una estaya circular de 0,80 a 1,20 metros de diámetru (la lonxitú de una a dos machorres). Puede pintase en suelu, ser un círculu de lona o, inclusive, tener unos centímetros d'elevación. Tará colocáu na llinia medular de la pista a una distancia de salida equivalente al 75% del so llargor.
Competiciones
editar- Abiertos de liriu: torneos individuales de llibre participación pa tolos aquellos que quieran, independientemente de que seyan miembros de dalgún equipu CNL o non.
- Campeonatu d'Asturies de Liriu: competición por equipos regulada pol CNL.
- Campeonatu d'Asturies de Liriu Individual: competición individual regulada pol CNL.
- Copa Cantábrica de Liriu: tornéu ente les seleiciones d'Asturies y Galicia.
Referencies
editarEnllaces esternos
editar- Páxina web oficial (n'asturianu)
Datos: Q13146933
