Conseyu de los Estaos

El Conseyu de los Estaos (n'alemán Ständerat, en francés Conseil des États, n'italianu Consiglio degli Stati y en romanche Cussegl dals Stadis o Cusselg dals Chantuns) ye la cámara alta de l'Asamblea Federal de Suiza. Representa a los cantones suizos.

Conseyu de los Estaos
Ständerat Conseil des Etats Consiglio degli Stati Cussegl dals Stadis
Datos xenerales
Tipu	Cámara alta
Estáu	Suiza
Sede	Palaciu federal de Suiza
Parte de	Asamblea Federal de Suiza
Formáu por	miembro del Consejo de los Estados (es) presidente del Consejo de los Estados (es)
Composición
Númberu d'escaños	46
Más información
parlament.ch

Composición

Cada cantón delega dos conseyeros de los Estaos (llamaos tamién senadores). Antes de la creación del cantón del Jura, la cámara taba compuesta por 44 senadores. Dende 1979 cuenta con 46 senadores. El Conseyu de los Estaos, inspiráu del senáu estauxunidense, tien los mesmos poderes que'l Conseyu Nacional. El so alcuerdu ye indispensable pa l'adopción d'una llei federal. Los semicantones cunten con un solu escañu (Obwalden, Nidwalden, Basilea-Ciudá, Basilea-Campu, Appenzell Rodas Esteriores y Appenzell Rodas Interiores). Asina, un cantón como Zúrich, con aproximao 1,6 millones d'habitantes, tien dos senadores al igual qu'Uri que tien namái 36.000 habitantes.

La composición política del Conseyu de los Estaos ye bien distintu de la del Conseyu Nacional. El Partíu Socialista Suizu y la Unión Democrática del Centru atópense históricamente subrepresentados, ente que los dos partíos de centru derecha (Partíu Demócrata Cristianu y el Partíu Lliberal Radical) tán sobrerrepresentados y beneficien de la mayoría de la cámara. Les eleiciones de 2007 vieron l'amenorgamientu de los senadores radicales y la entrada de Los Verdes y Verdes Lliberales.

Sistema eleutoral

Cada cantón determina por sigo mesmu'l sistema eleutoral. Namái'l cantón del Jura optó pola representación proporcional. Los demás cantones practiquen distintes variantes del sistema mayoritariu. La mayoría riquida calcúlase sobre los votos válidos (xeneralmente 50% como en Lucerna, Obwalden, Nidwalden, Zug, Friburgu, Basilea-Ciudá, Basilea-Campu, Appenzell Rodas Esteriores, St. Gallen, Turgovia, Tesinu, Vaud, Valais y Neuchâtel, pero solamente 33% en Xinebra). L'otru sistema consiste en determinar la mayoría en proporción del total de sufraxos recibíos por tolos candidatos (25%). Esti métodu tien por consecuencia que baxa la mayoría requirida, una y bones una parte de les papeletes de votu namái tienen una llinia llena, la otra queda virxe. Polo xeneral los boletos tienen dos llinies, yá que son dos escaños.

Coles mesmes hai delles variaciones en cuanto al tratamientu de los boletos o sufraxos en blancu o los votos nulos que pueden ser teníos en cuenta nel cálculu de la mayoría. Les condiciones pa presentase a una segunda ronda tamién varien. Asina, en dellos cantones, los candidatos que nun llograron un ciertu porcentaxe son automáticamente esaniciaos. Dellos cantones dexen reemplazar candidatos. La segunda vuelta ye celebrada polo xeneral 3 a 5 selmanes dempués de la primer vuelta según les regles cantonales.

Les eleiciones suelen llevase a cabu coles mesmes que les de la cámara baxa en cuasi tolos cantones. En Appenzell Rodas Interiores, la eleición tien llugar mientres la Landsgemeinde. Los Senadores del cantón de Zug son escoyíos l'añu precedente a les eleiciones del Conseyu Nacional. El mandatu dura 4 años.

Partíos

Repartu d'escaños según partíu:
     Partíu Socialista      Partíu Verde      Partíu Demócrata Cristianu      Partíu Lliberal Radical      Partíu Burgués Democráticu      Unión Democrática del Centru

Los 46 escaños atópense partíos de la siguiente manera:

Partíu	2015	2011	2007	2003	1999	1995	1991	1987
PDC	13	13	15	15	15	16	16	19
PLR	13	11	12	14	18	17	18	14
PSS	12	11	9	9	6	5	3	5
UDC	5	5	7	8	7	5	4	4
Los Verdes	1	2	2	0	0	0	0	0
PBD	1	1	0	0	0	0	0	0
pvl	0	2	1	0	0	0	0	0
Otros	1	1	0	0	0	3	5	4

Enllaces esternos

• Wikimedia Commons acueye conteníu multimedia sobre Conseyu de los Estaos.
• Sitiu oficial del Parllamentu suizu

• Datos: Q609037
• Multimedia: Swiss Council of States