Consonante coarticulada

Les consonantes coarticuladas o complexes son consonantes produciendo estricciones al pasu del aire en dos puntos d'articulación del cuévanu bucal simultáneamente. Pueden estremase en dos clases: les consonantes doblemente articulaes con dos puntos d'articulación pero'l mesmu manera d'articulación, y les consonantes con articulación secundaria, en que nel segundu puntu d'articulación nun produz la mesma manera d'articulación. Nes llingües del mundu esti segundu grupu ye más frecuente que'l primeru.

Un exemplu de consonante doblemente articulada ye la oclusiva llabial-velar sorda [k͡p] que se pronuncia simultáneamente col velo del cielu la boca (como una [k]) y colos llabios (como una [p]). Per otru llau, una oclusiva velar labializada o oclusiva labiovelar [kʷ] tien una única articulación oclusiva, el d'una velar [k] con una articulación de tipu aproximante consistente nel arredondio de los llabios. El soníu [kʷ] por ye relativamente nes llingües del mundu (náhuatl, llatín arcaicu, etc.)

Quitando los chasquíos consonánticos (clics), prácticamene toles consonantes doblemente articulaes son llabial-velares. Sicasí, esiste un gran númberu de consonantes coarticuladas con articulaciones secundaries, les más frecuentes de la llabialización (como en [kʷ]), la palatalización (como les consonantes "blandes" del rusu, como [pʲ]), la velarización (como la que se produz nes llaterales postvocálcias de delles llingües romániques y la llateral del inglés, [lˠ]) y la faringalización (como la qu'asocede n'árabe coles consonantes enfátiques como [tˤ]).

Tal como podría esperase de la naturaleza aproximante de munches articulaciones secundaries, ye que non siempres ye senciellu decidir si una aproximante coarticualda como /w/ ye doblemente articulada o tien articulación secundaria. En dellos dialeutos del inglés, por casu, el fonema /w/ ye una velara labializada que puede realiarse fonéticamente como [ɰʷ], sicasí, el fonema del xaponés /w/ avérase más a una auténtica llabial-velar [ɰ͡β̞]. Ye frecuente acutar el símbolu ‹w› pal primer soníu.

Per otra parte tien de señalase que la glotis que controla la fonación, y opera simultáneamente cola articulación primaria de munches consonantes. Pero la glotis nun se considera usualmente como un órganu articulador, y por consiguiente una consonante eyectiva [kʼ], que trai la estricción simultáneamente del velu del cielu la boca y la glotis, de normal nun se clasifica dientro de les consonantes coarticuladas.

Ver tamién

• Xeminación (fonoloxía)

Enllaces esternos

• Wikimedia Commons tien conteníu multimedia tocante a Consonante coarticulada.

• Datos: Q2374953