Crucifixón
La crucifixón ye un antiguu y tortuosu métodu romanu d'execución pende medies del estacamientu o amarramientu de la víctima, xeneralmente desnuda, a una cruz y dexáu ellí escolingando hasta la so muerte. Se diz que'l métodu más común de crucifixón foi'l d'amarrar a la víctima, siendo la crucifixón con estaques acutada pa casos de muncha severidá. La muerte pue llegar por desabrigu, pero más comúnmente llega por una forma de sofocación: cuando la víctima se debilita nun pue soportar el pesu del so cuerpu y los sos polmones vense constreñíos. La crucifixón nun ye orixinaria de los romanos, ye una téunica de tortura probablemente d'orixe asiriu.
Contrariamente a lo que dellos puean pensar de la crucifixón, les víctimes nun yeren estacaes a la cruz poles sos palmes ensin ser ataos poles moñeques enantes, yá que la carne de les manes nun pue soportar el pesu completu de la víctima y la persona cairía al desgarrase la carne. De nun ser estacáu poles manes, la estaca yera espetada na moñeca (ente'l radiu y el cúbito). Hai representaciones artístiques de calter relixosu colos dos tipos d'estacamientu.
Na crucifixón tamién se solíen estacar los pies, dando un soporte adicional a les palmes de les manes, por tanto supónse que la crucifixón estacando les palmes yera posible si s'ataben les moñeques o s'estacaben los pies.
La víctima quedaba espuesta a una lenta, doliosa y angustiante agonía por fame, hemorraxes, sede y a los elementos (insolación). La muerte sobrevenía como la fin de los sos sofrimientos. Dicha agonía podía durar varios díes. En dellos casos, los romanos quebraben los fémures de les sos víctimes p' acelerar la muerte.
Depués de la odisea d'Espartacu demientres la III Guerra Servil, l'esclavu-gladiador, munchos de los sos siguidores foron crucificaos poles orielles de la Vía Apia como una forma d'escarmientu a quienes siguieren el so exemplu.
Referencies
editarEnllaces esternos
editar
Wikimedia Commons acueye conteníu multimedia sobre Crucifixón.
