Día de Namibia
L'Asamblea Xeneral de les Naciones Xuníes decide denomar el 26 d'agostu de cada añu como Día de Namibia.
| Día de Namibia | ||
|---|---|---|
| Otros nomes | Día de los Héroes (Namibia) | |
| Día de celebración | 26 d'agostu | |
| Llugar de celebración | Día Internacional | |
| [editar datos en Wikidata] | ||
Celebración editar
El 12 d'avientu de 1973 l'Asamblea Xeneral de les Naciones Xuníes nel Resolución 3111 (XXVIII), sect. III, párrafu 3 decide denomar el 26 d'agostu de cada añu como Día de Namibia.
El 12 d'avientu de 1973 l'Asamblea Xeneral de les Naciones Xuníes "conderga enérxicamente a Sud áfrica pola so persistente negativa a retirase del Territoriu internacional de Namibia y polos sos esfuercios pa consolidar la so ocupación illegal per aciu la intensificación de la represión y l'imposición de la so política d'apartheid y la fragmentación del Territoriu en "bantustanes", faciendo casu omisu dafechu de los deseos del pueblu de Namibia, de les decisiones y resoluciones de les Naciones Xuníes y de la opinión consultiva de la Corte Internacional de Xusticia'l 21 de xunu de 1971. Desixe que Sudáfrica retire darréu de Namibia toles sos fuerces militar y policial y la so alministración con cuenta de dexar que'l pueblu de Namibia algame la llibertá y l'independencia".[1]
Mientres la Primer Guerra Mundial, Sudáfrica ocupó Namibia y de siguío asumió l'alministración col mandatu de la Sociedá de Naciones hasta la Segunda Guerra Mundial, cuando'l gobiernu sudafricanu decide por una anexón unillateral del territoriu de Namibia a Sudáfrica, sicasí'l paecer contrariu de la comunidá internacional.
El 26 d'agostu de 1966 la organización SWAPO (South-West African People's Organization), d'inspiración marxista, empecipió una guerrilla independentista contra les fuerces sudafricanes, conocida como la Guerra de la Independencia de Namibia. Sudáfrica, cedió en 1988, aceutando un plan de paz de les Naciones Xuníes que conduxo a la independencia del país nel 1990. Walvis Bay caltúvose so control de Sudáfrica como enclave, pa ceder a Namibia en 1994.
El fundador de la Namibia independiente ye Sam Nujoma, per siempres xefe de la SWAPO, quien gobernó dende 1990 hasta 2005, pa ser dempués sustituyíu por Hifikepunye Pohamba.
Referencies editar
Ver tamién editar
Enllaces esternos editar
Datos: Q1601748
