Declaración de los Derechos del Home y del Ciudadanu

La Declaración de los Drechos del Home y del Ciudadanu foi una declaración d'entamos de la Asamblea Constituyente francesa, realizada'l 26 d'agostu de 1789, que foi'l prefaciu a la Constitución de 1791.

Declaración de los Derechos del Home y del Ciudadanu

Déclaration des droits de l'homme et du citoyen y Déclaration des droits de l'homme en société
Tipu	documentu y declaración (es)
Estáu	Reinu de Francia
Llingua orixinal	francés
Páxines	8
Creación	1790
Publicación	26 agostu 1789 y 1789
Autor	Asamblea Nacional Constituyente (es)

Basábase na teoría de la voluntá xeneral de Rousseau y na dixebra de poderes de Montesquieu asina como nos derechos naturales que defendíen los enciclopedistes.

Preséntase en 17 artículos y dende l'escomienzu foi enforma criticáu y sobre manera polos movimientos feministes de mediaos del sieglu XIX, qu'al traviés de la Declaración de Seneca Falls intenten entamar una declaración destinada pa les muyeres.^{[ensin referencies]}

Testu de la declaración

Declaración de los Drechos del Home.

Los representantes del pueblu francés, constituyíos en Conceyu Nacional, cuidando que la inorancia, l'escaezu, o'l despreciu de los Drechos del Home son les úniques causes de les desgracies públiques y de la corrupción de los gobernantes, resuelven esponer, nuna declaración solemne, los derechos naturales, inalienables y sagraos del home, pa qu'esta declaración tea presente constantemente en tolos miembros del cuerpu social y recuérde-ys los sos derechos y los sos deberes; pa que los autos del poder llexislativu y executivu, al poder ser comparaos en cualaquier momentu cola finalidá de toa institución política, seyan más respetaos; pa que les reclamaciones de los ciudadanos, fundaes n'alantre en principios simples y indiscutibles, contribuya siempres al caltenimientu de la Constitución y el bienestar de toos.

Poro, el Conceyu Nacional reconoz y declara en presencia y so los auspicios del Ser Supremu los vinientes Drechos del Home y del Ciudadanu.

• Artículu 1ᵘ - Los homes nacen y permanecen llibres y iguales en derechos. Les diferencies sociales nun pueden tener otru fundamentu que la utilidá común.
• Artículu 2ᵘ - La final de toda asociación política ye'l caltenimientu de los derechos naturales y imprescriptibles del home. Estos derechos son la llibertá, la propiedá, la seguridá y la resistencia a la opresión.
• Artículu 3ᵘ - El principiu de toa soberanía reside esencialmente na Nación. Nengún organismu nin individuu pue exercer una autoridá que nun surda espresamente d'ella.
• Artículu 4ᵘ - La llibertá consiste en poder facer too aquello que nun perxudique a los otros. Asina pues, l'exerciciu de los derechos naturales de cada home nun tien otra llende qu'aquella que garantice l'exerciciu d'iguales derechos al restu de los miembros de la sociedá. Namái la llei puede entamar estes llimitaciones.
• Artículu 5ᵘ - La llei namái puede prohibir les aiciones perxudiciales pa la sociedá. Tolo que nun tea prohibío pola llei nun pue ser torgao y naide ta obligáu a facer lo que la llei nun ordena.
• Artículu 6ᵘ - La llei ye la espresión de la voluntá xeneral. Tolos ciudadanos tienen derechu a participare na so ellaboración, personalmente o a traviés de los sos representantes. La llei debe ser igual pa toos, tanto pa protexer como pa castigar. Dao que tolos ciudadanos son iguales ente la llei, caún pue aspirar a toles dignidaes, puestos y cargos públicos según la so capacidá y ensin más distinción que la de les sos virtudes y talentos.
• Artículu 7ᵘ - Naide puede ser acusáu, deteníu nin encarceláu sacante nos casos determinaos pola llei y d'alcuerdu a les formes por ella prescrites. Serán castigaos quienes soliciten, executen o faigan executar órdenes arbitraries. Tou ciudadanu convocáu o requeríu en virtú de la llei debe obedecer nel intre; de nun facelo, sería culpable de resisitir a la llei.
• Artículu 8ᵘ – La llei nun debe entamar más penes que les estrictes y evidentemente necesaries, y naide pue ser castigáu si nun ye en virtú d'una llei entamada y promulgada con anterioridá al delitu, y aplicada llegalmente.
• Artículu 9ᵘ – Tou home será consideráu inocente hasta declaralu culpable. Si se xulga indispensable detenelu, la llei reprimirá severamente tou rigor que nun resultara necesariu p'asegurar el so arrestu.
• Artículu 10ᵘ – Naide debe ser perseguíu poles sos opiniones, inclusive relixoses, na midida en que les sos manifestaciones nun alteren l'orde públicu establecíu pola llei.
• Artículu 11ᵘ – La llibre comunicación de pensamientos y opiniones ye ún de los derechos de más valir l'home. Poro, tou ciudadanu puede falar, escribir y imprentar llibremente, faciéndose responsable de los abusos d'esa llibertá nos casos previstos pola llei.
• Artículu 12ᵘ – Pa garantizare los derechos del home y del ciudadanu ye necesaria la fuercia pública. Poro, institúise esta fuercia en beneficiu de toos y non pa la utilidá particular d'aquel a quién se-y enfota.
• Artículu 13ᵘ – Pa caltener esta fuercia pública y pa los gastos d'alministración, ye indispensable entamar una contribución común que debe distribuise equitativamente pente los ciudadanos, d'alcuerdu a les sos posibilidaes.
• Artículu 14ᵘ – Los ciudadanos tienen drechu a verificar por si mesmos o a traviés de los sos representantes la necesidá de la contribución pública, de consentila llibremente, de controlar el so emplegu y determinar les cuotes, la base tributaria, la recaudación y la duración de la dicha contribución.
• Artículu 15ᵘ – La sociedá tien drechu a desixir a tou axente públicu que-y rinda cuentes de la so alministración.
• Artículu 16ᵘ – La sociedá en que nun tean garantizaos los derechos nin tea establecida la separación de los poderes, carez de constitución.
• Artículu 17ᵘ – La propiedá ye un drechu inviolable y sagráu del que naide puede ser priváu, sacante si la necesidá pública, llegalmente establecida, desíxelo claramente y cola condición d'una xusta y previa indemnización.

Enllaces esternos

• Wikimedia Commons tien conteníu multimedia tocante a Declaración de los Derechos del Home y del Ciudadanu.

• Datos: Q169759
• Multimedia: Declaration of the Rights of Man and of the Citizen