Democracia Nacional

Democracia Nacional (DN) ye un partíu políticu español de calter ultraderechista, autodefiníu como social-patriota, esti partíu políticu nacionalista español ye miembru d' Euronat (plataforma agospiada pol líder del Frente Nacional francés, Jean-Marie Le Pen). Nes eleiciones xenerales del 14 de marzu de 2004 DN algamó 15.180 votos (0,06%).

Democracia Nacional
partíu políticu español
Direición	España
Historia
Fundación	1995
Forma parte de	ver Alianza por la Paz y la Libertad (es)
Web oficial

Imaxe DN.

L'orixe de Democracia Nacional ta en 1994, cuando Juntas Españolas, n'alianza con sectores del estintu Frente Nacional y dalgunos es miembros del Círculu Español d'Amigos d'Europa (CEDADE), Bases Autónomes (BBAA) y Vanguardia Nacional Revolucionaria (VNR), ente otros, crearon Alternativa Demócrata Nacional (ADN) presentando a Juan Enrique Peligro Robledo a les eleiciones europees del 12 de xunu d'esi mesmu añu y cuntando col sofitu de Le Pen, algamando 4.683 votos (0,03%).

DN foi fundada sobre la base de ADN en 1995, teniendo al abogáu Juan Enrique Peligro Robledo como primer presidente.

Anguaño llanza un mensaxe crítico y populista con problemes sociales, con especial puxu escontra la inmigración extraeuropea, la defensa de la unidá d'España y dafechu a la escontra de los diferentes movimientos independentistes esistentes nel Estáu español.

El líder d'anguaño^[¿cuándo?] ye Manuel Canduela, qu'accedió a la direición de Democracia Nacional tres militar en delles organizaciones xuveniles, como'l grupu valencianu Aición Radical, desarticuláu por reiteraes agresiones, por posesión d' armes y pola muerte de Guillem Agulló perpetrada por ún de los sos simpatizantes, hasta llegar a les xuventues de Democracia Nacional (DNJ). A la so vegada foi vocalista y miembru fundador del grupo musical ultra División 250.

Enllaces esternos

• Web de Democracia Nacional

• Datos: Q603477
• Multimedia: Democracia Nacional