Diagonal árida d'América del Sur
La Diágonal Árida d'América del Sur ye una zona contigua de clima áridu y semiáridu que traviesa América del Sur dende la costa de Perú, nel noroeste, hasta la Patagonia arxentina al sureste, ya inclúi amplies fasteres de Bolivia y Chile[1]. La Diagonal Árida abarca dellos desiertos: los de Sechura, Atacama, Monte y Patagónicu. La Diagonal separta les viesques templaes y subtropicales de Chile ya'l sur d'Arxentina de les otres viesques del socontinente[2]. La Diagonal, xunto coles glaciaciones cuaternaries nos Andes meridionales, ye la responsable de la distribución de la vexetación de Chile ya Arxentina[3].
.png)
El conceptu, magar que la mayoría de les obres qu'estudien esta rexón nun lo reconozan[4], foi enunciáu por primer vegada pol xeógrafu francés Emmanuel de Martonne nel so llibru de 1935 Problème des régions arides Sud-Américaines[4]. Pa elli la Diagonal estendíase dende Antofagasta, al norte de Chile, hasta la costa septentrional de la Patagonia arxentina[4]. Más sero, otros autores como Margarita González Loyarte (1995) estendiéronla hasta la costa del Perú septentrional.[4]
Causa y orixe
editarLa porción septentrional de la Diagonal Árida ye'l resultáu del bloquéu de los vientos alisios pola barrera formada polos Andes Centrales y l'anticiclón del Pacíficu Sur[5]. Más al sur, na rexón dominada polos vientos del oeste, la solombra orográfica que los Andes Meridionales proyecten sobre la Patagonia oriental bloquea de forma asemeyada la humedá[1]. Al sur de Mendoza (32°53' S) la fastera más seca de la Diagonal sepártase de los Andes a midida que los montes van perdiendo altura, lo que permite que pase della humedá; de resultes, nes llatitúes más meridionales les partes más seques de la Diagonal tán na costa atlántica de Patagonia[1].
La Diagonal esiste dende'l neoxenu[3]. L'orixe de l'aridez de la parte septentrional de la diagonal ta venceyada a dos sucesos xeolóxicos:
- la elevación de los Andes, que provocó un bloquéu tantu del fluxu en sentiu oeste de la humedá a lo llargo los trópicos como'l fluxu en sentíu este de la humedá na Patagonia[6];
- la intrusion permanente d'agües fríes del Antárticu (la corriente de Humboldt) na costa oeste d'América del Sur[5].
Referencies
editar- ↑ 1,0 1,1 1,2 Bruniard, Enrique D. (1982). «La diagonal árida Argentina: un límite climático real» (en castellanu). Revista Geográfica: páxs. 5–20.
- ↑ «Historia de los bosques del sur de Sudamérica, II: Análisis fitogeográfico» (en castellanu). Revista Chilena de Historia Natural 70: páxs. 241–267. 1997.
- ↑ 3,0 3,1 Villagrán, Carolina; Hinojosa, Luis Felipe (2005) Regionalización Biogeográfica en Iberoámeríca y tópicos afines (en castellanu).
- ↑ 4,0 4,1 4,2 4,3 «Disentangling the concept of "South American Arid Diagonal"». Journal of Arid Environments 175: p. 104089. 2020-01-08. doi:. Bibcode: 2020JArEn.175j4089A.
- ↑ 5,0 5,1 Armesto, Juan J.; Arrollo, Mary T.K.; Hinojosa, Luis F. (2007) Physical Geography of South America, páx. 184–199.
- ↑ «Constraints on the Neogene growth of the central Patagonian Andes at thelatitude of the Chile triple junction (45–47°S) using U/Pb geochronology insynorogenic strata». Tectonophysics 744: páxs. 134–154. 2018. doi:. Bibcode: 2018Tectp.744..134F.
Enllaces esternos
editar
Datos: Q21594719
