Economía de Camerún
Camerún tien una de les meyores economíes esportadores de commodities del Africa subsaḥariana, gracies a les sos modestes reserves de petroleu y condiciones favorables a l'agricultura.[1] Entá asina, el país enfrenta considerables problemes, tales como una baxa renta per cápita, una distribución de la renta relativamente mala, corrupción endémica y un clima pa negocios xeneralmente pocu favorable.[1]
| Economía de Camerún | |
|---|---|
| Moneda | Francu CFA de l'África Central |
| Organizaciones comerciales de les que ye parte | OMC, Xunión Africana |
| Datos estadísticos[1] | |
| PIB nominal | 34 798 596 482,427 $ [2] |
| PIB nominal per cápita | 1451 $ [3] |
| Posición del PIB | 96ª nel mundu[4] |
| Crecimientu del PIB | 4,4 % [5] |
| PIB por sector | agricultura 19.9%, industria 27.6%, servicios 52.5% |
| Inflación | 0,3 % (2016)[6] |
| Población per baxo de la llinia de la probeza | 48% (2000) |
| Total de la fuercia de trabayu | 9 105 000% (2014) |
| Fuercia de trabayu por sector | agricultura 70%, industria 13%, servicios 17% |
| Industries | Estracción y refináu de petroleu, producción d'aluminiu y alimentos, bienes de consumu, testiles y madera |
| Datos comerciales[1] | |
| Esportaciones | 6 376 millones (2014) |
| Destín d'esportaciones | España 13.9%, República Popular de China 12%, India 10.1%, Italia 8.1%, Países Baxos 8%, Bélxica 5.1%, Francia 4.6%, Noruega 4.5%, Reinu Xuníu 4.3% (2014) |
| Importaciones | 6 937 millones (2014) |
| Destín d'importaciones | República Popular de China 26.2%, Nixeria 12%, Francia 11.8%, Bélxica 4.9%, Estaos Xuníos 4.2% (2014) |
| Finances públiques[1] | |
| Deuda esterna | 5 006 millones (2014) |
| Ingresos | 5 503 millones (2014) |
| Gastu públicu | 6 920 millones (2014) |
 | |
Francia ye'l principal sociu económicu de Camerún y l'orixe de la mayoría de la inversión privada y l'ayuda esterior. El país tamién tien roblaos alcuerdos billaterales con Estaos Xuníos, que concentra la mayor parte de les sos inversiones nel sector petrolíferu. Camerún tien como meta convertise nuna potencia emerxente en 2035.
Dende la so independencia y mientres cuasi un sieglu, Camerún foi una de les naciones más prósperes d'África.[7] Pero la cayida de les sos principales esportaciones -petroleu, cacáu, café y algodón- a mediaos de la década de 1980, sumada a una gran devaluación de la moneda y una mala xestión económica, condució a una década de recesión. El PIB per cápita menguó en más d'un 60% en 8 años (1986 - 1994).[7] El déficit por cuenta corriente creció y la delda esterna multiplicóse. Sicasí, por cuenta de les sos grandes reserves petroleres, minerales y a la so agricultura, Camerún sigue siendo una de los países más dotaos económicamente del África subsaḥariana.[8][7]
Les razones de les devaluaciones y la cayida de les esportaciones fueron que'l gobiernu empezó nuna serie de programes de reforma económica "sofitaos" pol Bancu Mundial y el Fondu Monetariu Internacional (FMI) a partir de finales de 1980. Munches d'estes midíes tuvieron un efeutu bien doliosu; el gobiernu amenorgó, ente otros, los salarios na alministración pública nun 65% en 1993. A pesar d'ello, el gobiernu nun cumplió coles condiciones de los primeros cuatro programes del FMI.
Referencies
editar- ↑ 1,0 1,1 1,2 CIA. «The World Factbook». Archiváu dende l'orixinal, el 2020-05-15. Consultáu'l 17 d'octubre de 2015.
- ↑ «base de datos del Bancu Mundial». Bancu Mundial. Consultáu'l 22 ochobre 2018.
- ↑ «base de datos del Bancu Mundial». Bancu Mundial. Consultáu'l 27 mayu 2019.
- ↑ https://www.cia.gov/the-world-factbook/field/real-gdp-per-capita/country-comparison/
- ↑ URL de la referencia: http://www.imf.org/external/datamapper/NGDP_RPCH@WEO?year=2016.
- ↑ URL de la referencia: http://www.imf.org/external/datamapper/PCPIEPCH@WEO?year=2016.
- ↑ 7,0 7,1 7,2 «Desaceleración económica» (castellanu). Archiváu dende l'orixinal, el 2011-09-09. Consultáu'l 30 de xineru de 2011.
- ↑ CIA Factbook (2010).
Datos: Q2354529
Multimedia: Economy of Cameroon
