El Che de Cabaños

José García González (18 d'agostu de 1943, Llangréu), conocíu con El Che de Cabaños ye un cantante asturianu de tonada.

El Che de Cabaños entamó a cantar nos chigres ^[1] formó parte del Coru San Andrés de L'Entregu y como ye habitual nos cantadores de tonada participó en bien de concursos, ganando nel añu 1994 el Ciudá d'Uviéu. Tien grabaes en discu una buena riestra de cantares (A la Pipiona, Soi pastor, A la salida del Sella, Arrea, carreteru, ...) y nel añu 2004 cola Sociedá Fonográfica Asturiana editó'l CD tituláu Cuatro ases de la toná, xunto con Jorge Tuya, Ismael Tomás Montes y José Manuel Collado. Nel añu 2010 participó nel CD d'homenaxe a Xuacu'l de Sama.

En 2005 El Che de Cabaños incluyóse na llista de les diez voces del añu nel Memorial Silvino Argüelles.

D'ente les sos munches actuaciones destaquen les que fizo, xunto con Héctor Braga, nel añu 2012, per Marruecos, concretamente nes llocalidaes de Fez, Marrakech y Casablanca^[2]

Bibliografía editar