En Marea
En Marea ye un formación gallega que surdió como una candidatura pa presentase a les eleiciones xenerales de 2015 y a les eleiciones autonómiques de Galicia de 2016. La candidatura ta inspirada nes candidatures xunitaries nes eleiciones municipales de 2015 en Galicia. El nome de la coalición nes papeletes yera "En Marea (Podemos-En Marea-Anova-EU)"[1].
| En Marea | |
|---|---|
 | |
| Fundación | 2015 |
| Disolución | 26 de setiembre de 2020 |
| Sede | Santiago de Compostela |
| Estáu |
 España |
| Ideoloxía política | Nacionalismu gallegu, Ecoloxismu, Progresismu, socialismu democráticu, galleguismu y Federalismu |
| Posición nel espectru | izquierda |
| Páxina web | enmarea.gal |
 | |
Trátase d'una coalición fecha por dellos partíos y plataformes:
- Marea Atlántica
- Compostela Aberta
- Marea Pontevedra[2]
- Ferrol en Común
- Encontro por unha Marea Galega[3]
- Ourense en Común[4]
Históricamente tamién formaron parte d'En Marea los partíos políticos Podemos, Izquierda Xunida y Anova-Irmandade Nacionalista, hasta que se retiraron en xineru de 2019.
Historia
editarEl 30 de xunetu de 2016 se realizó en Vigo una asamblea onde s'alcordó la constitución d'En Marea como partíu políticu, que presentaríase a les eleiciones al Parllamentu de Galicia de 2016.[5] En diches eleiciones llogró 14 escaños (8 de Podemos, 3 d'Esquerda Xunida, 2 d'Anova y 1 de Cerna) y el lideralgu de la oposición nel parllamentu gallegu.
A principios de 2019, Podemos, IX (Esquerda Unida, EU) y Anova dexaron En Marea por discrepancies series con Luís Villares, dando llugar, los dos primeros, a una nueva alianza por separáu sol nome d'En Común. El grupu parllamentariu d'En Marea nel Parllamentu gallegu, con 14 diputaos, tamién s'estremó, los 10 dipuaos de Podemos, IX y Anova formaron el Grupu Común da Esquerda, y los 4 diputaos restantes colaron al grupu mestu.
Nes Eleiciones al Parllamentu européu de 2019 preséntase dientro de la candidatura Compromisu por Europa en coalición con Compromís, Coalición Caballas, Nueva Canaries, Més per Mallorca, Chunta Aragonesista, Partíu Castellanu-Tierra Comuñera, Coalición por Melilla, Iniciativa del Pueblu Andaluz, Izquierda Andalucista, Verdes d'Europa, ensin consiguir escañu.
En Marea pide'l votu nes Eleiciones xenerales d'España de payares de 2019 pa Galicia en Común en toles circunscripciones de Galicia tantl pal Congresu como pal Senáu.
Resultaos eleutorales
editarNes Eleiciones xenerales de 2015 En Marea algamó 6 escaños pal Congresu de los Diputaos (de 23 posibles) y 2 senadores, con 408 370408 370 votos:[6] dos diputaos d'Anova, dos diputaos y un senador de Podemos, un diputáu y un senador d'Izquierda Xunida y un diputáu d'Ourense en Común.[7] Nes Eleiciones xenerales d'España de 2016 obtuvo 5 diputaos y un senador tres algamar 344.143 votos.[8]
| Resultaos eleutorales nes eleiciones xenerales y autonómiques | |||||||
|---|---|---|---|---|---|---|---|
| Eleiciones | Votos | % | % (en Galicia) | Diputaos | |||
| Eleiciones xenerales d'España de 2015 | 408.370 | 1,63 | 25,04 | 6/350 | |||
| Eleiciones xenerales d'España de 2016 | 344.143 | 1,4 | 22,18 | 5/350 | |||
| Eleiciones al Parllamentu de Galicia de 2016 | 271.029 | 19,06 | 14/75 | ||||
| Eleiciones xenerales d'España d'abril de 2019 | 17.726 | 0,07 | 1,08 | 0/350 | |||
Referencies
editar- ↑ «Galicia, sitio distinto para la confluencia con Podemos» El Diario. 6 de payares de 2015.
- ↑ «MAREA PONTEVEDRA súmase a EN MAREA, coa idea de que tras o 20D se converta no novo proyeuto común cooperativo democrático e cidadán». Marea Pontevedra. 13 de payares de 2015.
- ↑ «Encontro por unha Marea Galega aprueba sumarse a la coalición de Podemos, Anova y EU» La Voz de Galicia. 2015-11-06.
- ↑ «Ourense en Común apoiará á candidatura En Marea para as eleccións xerais do próximo 20 de decembro». Archiváu dende l'orixinal, el 25 de payares de 2015. Consultáu'l 25 de payares de 2015.
- ↑ «En Marea constitúyese como partíu y llapada a Podemos a xunise para les autonómiques». Faro de Vigo (31 de xunetu de 2016). Consultáu'l 30 d'agostu de 2016.
- ↑ «Elecciones generales 2015». El País (21 d'avientu de 2015).
- ↑ ´En Marea´ se erige en la "única candidatura" que "derrotará" al PP, El Faro de Vigo, 22 de payares de 2015.
- ↑ «Elecciones Generales 2016». Archiváu dende l'orixinal, el 2019-04-25. Consultáu'l 1 de xunu de 2017.
