Wikipedia

Partíu Castellanu

Partíu políticu español

El Partíu Castellanu (PCAS, castellanu: Partido Castellano) ye un partíu políticu español que ñaz de delles formaciones castellanistes d'índole nacionalista, de provincialistes, d'agrupaciones eleutorales d'ámbitu llocal y provincial ya independientes de les comunidaes autónomes de Castiella y Llión, Comunidá de Madrid y Castiella-La Mancha,[1] unión impulsada y liderada por Tierra Comuñera.[2]

Partíu Castellanu
Acrónimu PCAS-TC
Fundación 19 de xineru de 2009
Sede Burgos
Estáu  España
Ideoloxía política Castellanismu, socialdemocracia, Ecoloxismu, Federalismu y rexonalismu
Posición nel espectru centru izquierda
Páxina web partidocastellano.org
Cambiar los datos en Wikidata

Historia

editar

En xunetu de 2010 anuncióse que se presentaría a les eleiciones al Parllamentu de Cataluña de 2010 so la denominación Partido Castellano-Candidatura de las Culturas de Cataluña (Partíu Castellanu-Candidatura de les Cultures de Cataluña n'asturianu).[3]

Dende la so creación convivíen dos corrientes ideolóxiques estremaes, una castellanista partidaria de la xunión de toa Castiella y rexonalista castellanu-llionesa. Tres el congresu d'ochobre de 2011 nel que s'aprueba, por amplia mayoría, una nueva estratexa y abandonu de les sigles PCAL en Castiella y Llión promovida pola direición nacional, el sector rexonalista en Castiella y Llión nun acepta'l cambéu de sigles y abandona el partíu pa fundar un partíu nuevu, el Partíu Rexonalista de Castiella y Llión (PRCAL).[4] El PRCAL más palantre s'integró en Ciudadanos.[5]

Pa les eleiciones al Parllamentu Européu de 2014 se xunieron a la coalición Primavera Europea, xunto con Coalició Compromís, Equo, Chunta Aragonesista, Por un Mundu más Xustu, Democracia Participativa, Socialistes Independientes d'Estremadura y Coalición Caballas.[6] Primavera Europea llogró un eurodiputáu nel que s'alternaron Jordi Sebastià, de Compromís, y Florent Marcellesi, d'Equo. El Partíu Castellanu promovió dientro de Primavera Europea la celebración en Bruxeles d'unes xornaes sobre despoblación en xunu de 2016, a les qu'allegaron dellos de los sos miembros.[7]

Nel III Congresu Nacional del PCAS, celebráu en Burgos el 25 d'ochobre de 2014, resulten escoyíos el toledanu Pedro Manuel Soriano como presidente de la formación,[8] y el madrilanu Javier Benedit como secretariu xeneral. Nel IV Congresu Nacional del PCAS, celebráu en Guadalajara n'ochobre de 2017, tanto Soriano como Benedit foron reelixíos nos sos respectivos cargos.

Nes eleiciones municipales de 2015, el Partíu Castellanu compareció cola marca Partíu Castellano-Tierra Comuñera: Pactu. Con esti nome quería rescatase la marca histórica del castellanismu y apigurar a los candidatos independientes nuna plataforma municipalista. A pesar de la dixebra sufierta años enantes, el PCAS-TC: Pactu llogró 77 conceyales, recuperando pal castellanismu l'alcaldía de Melgar de Fernamental tres 20 años na oposición. Nes eleiciones autonómiques, el nome utilizáu por Partíu Castellanu-Tierra Comuñera. PCAS-TC llogró 8.089 votos.

Nes Eleiciones al Parllamentu Européu de 2019 preséntase dientro de la candidatura Compromisu por Europa en coalición con Compromís, En Marea, Nueva Canaries, Més per Mallorca, Chunta Aragonesista, Coalición Caballas, Coalición por Melilla, Iniciativa del Pueblu Andaluz, Izquierda Andalucista, Verdes d'Europa.

Resultaos eleutorales

editar
Resultaos nes eleiciones municipales
Circunscripción Eleiciones de 2011[9] Eleiciones de 2015
Candidatures Conceyales Candidatures Conceyales
Ávila* 26 28 - -
Burgos 58 75 40 34
Palencia 28 14 6 3
Segovia** 7 11 6 13
Soria 1 1 2 1
Valladolid 2 - 2 -
Castilla y León 122 128 56 51
Ciudad Real 2 - 5 6
Cuenca 6 1 9 5
Guadalajara 9 5 5 3
Toledo*** 15 9 3 8
Castilla-La Mancha 32 15 22 22
Madrid 7 - 11 4
Total Castilla 161 143 89 77

(*) N'Ávila, en 2011, el PCAL se presentó en coalición con Candidatura Independiente.

(**) En Segovia, en 2011, el PCAL concurrió so la denominación Verdes y Castellanos.

(***) En Toledo, el PCAS se presentó en coalición con Unión Rexonal Independiente.

Eleiciones xenerales de payares de 2019 [10]
Circunscripción Congresu
Votos %
Albacete 214 0,10
Ávila 100 0,11
Burgos 624 0,32
Ciudad Real 439 0,16
Cuenca 124 0,11
Guadalajara 284 0,22
Llión 164 0,06
Madrid 5.141 0,15
Palencia 249 0,26
Salamanca 176 0,09
Segovia 189 0,22
Soria 94 0,20
Toledo 541 0,15
Valladolid 582 0,19
Zamora 124 0,13

Referencies

editar
  1. ↑ Páxina web del Partíu Castellanu,
  2. ↑ Tierra Comuñera se refundará en xineru como Partíu Castellán, ABC, 23 d'avientu de 2008.
  3. ↑ El PCAL va presentar candidatures nes próximes Eleiciones Autonómiques de Cataluña, 20 minutos, 20 de xunetu de 2010.
  4. ↑ La presentación del PRCAL oficializa la dixebra nel Partíu Castellanu, El Correo de Burgos, 1 de febreru de 2012.
  5. ↑ El PRCAL de incorpora a Ciudadanos https://www.burgosconecta.es/2014/09/25/desaparece-el-prcal-y-se-incorpora-a-ciudadanos/ Burgos Conecta, 25 de setiembre de 2014.
  6. ↑ Compromís, Equo y Chunta Aragonesista presenten mañana en Madrid la so alianza pa les europees, El Diario, 7 d'abril de 2014.
  7. ↑ https://m.eldiario.es/politica/Castilla-Aragon-Castilla-La-Mancha-Valencia_0_522848591.html, El Diario, 4 de xunu de 2016.
  8. ↑ https://movil.lacronica.net/articulo_lc.asp?idarticulo=59864 Archiváu 2019-04-14 en Wayback Machine , La Crónica, 28 d'ochobre de 2014.
  9. ↑ Echazarra, Julio. Castellanismo (1975-2012): ¿nacionalismo imposible?. Burgos: ACEPIDE, 2012.
  10. ↑ https://resultados.elpais.com/elecciones/2019/generales/congreso/index.html

Enllaces esternos

editar
Sacáu de «https://ast.wikipedia.org/w/index.php?title=Partíu_Castellanu&oldid=4263717»