Engelbert Dollfuss
Engelbert Dollfuss o Dollfuß (4 d'ochobre de 1892, Texingtal (es) 
– 25 de xunetu de 1934, Viena) foi un políticu austriacu d'ideoloxía socialcristiana, espertu en cuestiones agraries, ministru d'Agricultura en dellos Gobiernos d'empiezos de la década de 1930 y canciller ente 1932 y 1934. Eslleió la Cortes democrátiques y gobernó por decretu. Morrió asesináu por miembros del partíu nazi austriacu.
Engelbert Dollfuss | |||||
|---|---|---|---|---|---|
 | |||||
20 mayu 1932 - 25 xunetu 1934 ← Karl Buresch - Kurt Schuschnigg →
20 mayu 1932 - 10 xunetu 1934 ← Karl Buresch - Stephan Tauschitz → | |||||
| Vida | |||||
| Nacimientu |
Texingtal (es) , 4 d'ochobre de 1892[1] | ||||
| Nacionalidá |
 Austria | ||||
| Muerte | Viena[2], 25 de xunetu de 1934[1] (41 años) | ||||
| Sepultura |
Engelbert Dollfuss's grave (en) | ||||
| Causa de la muerte | mancada por arma de fueu | ||||
| Familia | |||||
| Casáu con | Alwine Dollfuß | ||||
| Fíos/es | Eva Dollfuss | ||||
| Estudios | |||||
| Estudios | Universidá de Viena | ||||
| Llingües falaes | alemán[3] | ||||
| Oficiu | políticu, diplomáticu, abogáu, militar | ||||
| Emplegadores | Gobiernu Federal d'Austria | ||||
| Premios | |||||
| Miembru de |
KÖStV Rudolfina Wien (en) KÖHV Franco-Bavaria Wien (en) KÖHV Leopoldina Innsbruck (en) Q1718114 | ||||
| Serviciu militar | |||||
| Lluchó en | Primer Guerra Mundial | ||||
| Creencies | |||||
| Relixón | catolicismu | ||||
| Partíu políticu |
Frente Patriótico (es) (dende 1933) Partido Socialcristiano (es) (hasta 1933) | ||||
 | |||||
Nació como fíu illexítimu d'un xornaleru en 1892.[4] Criáu nun ambiente llabrador católicu y tradicional, recibió depués enseñanza secundaria nun centru relixosu que reforzó les sos fondes creencies católiques.[4] Estudió na Universidá de Viena, onde se xunió a una organización católica.[4] Combatió na Primer Guerra Mundial, nel frente italianu, y recibió diverses condecoraciones.[4] Na posguerra, completó los estudios universitarios y quedó bien influyíu pol pensamientu conservador Othmar Spann.[4] Pasó depués un añu n'Alemaña, estudiando'l funcionamientu de les cooperatives agraries; aplicó depués esta conocencia a partir de 1922, cuando trabayó na cámara agraria de la Baxa Austria.[4] Porteriormente, dirixó la empresa estatal de ferrocarriles, el so primer cargu nacional.[5]
Socialcristiano, tenía escasos venceyos col partíu: más qu'un políticu tradicional Dollfuss yera un distinguíu espertu en cuestiones agraries, bien llaboriegu y con un calter abiertu que-y facilitaba'l tratu con políticos d'otres formaciones.[6] La so falta d'esperiencia previa na política nacional consideróse una ventaya: podía dexa-y forxar una alianza de partíos pa sostener el Gobiernu.[6]
Asumió la presidencia del Gobiernu en mayu de 1932, al mandu de una inestable coalición de socialcristianos, agrarios y fascistes de la Heimwehr, qu'apenes cuntaba con un escañu de ventaya frente la oposición nes Cortes.[7] Consideráu hasta 1933 unu de los dirixentes más moderaos y dispuestos a apautar cola oposición socialista, acabó siendo'l políticu qu'acabó col sistema parllamentariu democráticu surdíu mientres la posguerra.[7] En marzu de 1933, eslleió la Cámara Baxa y empezó a gobernar por decretu.[8] Figura bien revesosa inclusive ente los especialistes, presidió una inestable lliga de fascistes, elementos autoritarios y otros democráticos.[4] Los sos continuos intentos d'algamar un alcuerdu colos nacionalsocialistes, meta na que competía colos sos socios de gobiernu de la Heimwehr, resultaron a lo postrero infructuosos.[9]
Tuvo qu'enfrentase al peor momentu de la Gran Depresión n'Austria y llogró ameyorar abondo la situación económica.[9]
En mayu de 1934, promulgó una nueva Constitución que marcó l'empiezu oficial d'un réxime autoritariu conocíu como «austrofascismo».[8] Morrió asesináu'l 25 de xunetu de 1934 de 1934, mientres el fallíu intentu de golpe d'Estáu nacionalsocialista; asocedió-y al frente de Gobiernu'l so ministru de Xusticia, Kurt von Schuschnigg.[7]
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: autoridaes BNF. Identificador BnF: 119434026. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ 4,0 4,1 4,2 4,3 4,4 4,5 4,6 Miller, James William (n'inglés). Engelbert Dollfuss and Austrian Agriculture : An authoritarian Democrat and his policies. University of Minnesota. 638323462 OCLC.
- ↑ Brook-Shepherd, Gordon (1961). Dollfuss (n'inglés). Macmillan, páx. 295. 1690703.
- ↑ 6,0 6,1 Rath, R. John. «fromPage=online&aid=3270816 The Dollfuß Ministry: The Democratic Prelude». Austrian History Yearbook 29 (1): páxs. 161-194. http://journals.cambridge.org/action/displayAbstract? fromPage=online&aid=3270816.
- ↑ 7,0 7,1 7,2 Bischof, Günter J.; Pelinka, Anton; Lassner, Alexander (2003). The Dollfuss/Schuschnigg Era in Austria: A Reassessment (n'inglés). Transaction Publishers, páx. 321. ISBN 9781412821896.
- ↑ 8,0 8,1 Thorpe, Julie (2011). Pan-Germanism and the Austrofascist state, 1933–38 (n'inglés). Manchester University Press. ISBN 978-0-7190-7967-2.
- ↑ 9,0 9,1 Edmondson, Clifton Earl (1978). The Heimwehr and Austrian politics, 1918-1936 (n'inglés). University of Georgia Press, páx. 352. ISBN 9780820304373.
Datos: Q11734
Multimedia: Engelbert Dollfuß
