Enric Morera i Català
Enric Xavier Morera i Català (3 d'abril de 1964, Oliva (es) 
) ye un políticu español. Ta llicenciáu en drechu, ta casáu y tien trés fíos. Ye empresariu del sector del comerciu, hostelería, comunicación y turismu rural. Ye secretariu xeneral del Bloc Nacionalista Valencià dende 2003 y coportavoz de Compromís dende 2012, también ye diputáu nes Cortes Valencianes dende 2007.
.svg){kind=small}
.gif){kind=small}
Trayeutoria editar
La so militancia política entamó en 1981, dientro del PNPV (Partit Nacionalista del País Valencià). En 1983 foi ún de los fundadores de la Unitat del Poble Valencià (UPV). Dende 1985 a 1987 foi secretariu xeneral de Joves d'UPV. De 1990 a 1994 foi funcionariu de la Comisión Xurídica del Parllamentu Européu. En 1996 entró na Executiva d'UPV, y foi unu de los responsables de la formación de la coalición eleutoral UPV-Bloc Nacionalista, que daría pasu a la formación del Bloc Nacionalista Valencià, del que foi secretariu d'organización hasta'l Congresu Fundacional de la formación.
Foi candidatu pol BLOC a l'alcaldía de Valencia en 1999, tamién foi miembru de la candidatura al Parllamentu Européu na coalición liderada por Convergència i Unió na que tamién participaben el BLOC y PSM. Nel III Congresu del BLOC, celebráu en 2003, foi escoyíu secretariu xeneral de la formación. N'abril de 2004 ocupó un escañu d'eurodiputáu sustituyendo a Carles Gasòliba, de CiU. Esi añu foi númberu unu de la llista del BLOC a les eleiciones xenerales, ensin consiguir resultar escoyíu.
En xineru de 2006 foi reelixíu secretariu xeneral del BLOC col 85% de los votos, la cifra más alta nunca consiguida por un secretariu xeneral tantu de la UPV como del BLOC.
Nes eleiciones a les Cortes Valencianes de 2007 foi númberu dos na candidatura de Compromís pel País Valencià, siendo escoyíu como diputáu. Nes siguientes eleiciones de 2011, foi'l candidatu a la presidencia de la Xeneralidá Valenciana pola Coalició Compromís (formada pol Bloc Nacionalista Valencià, Iniciativa del Poble Valencià y Els Verds - Esquerra Ecologista del País Valencià), llogrando presencia nel parllamentu con un resultáu históricu de 7,37% de votos y 6 diputaos.
Foi nomáu voceru de la executiva nacional de Coalició Compromís, máximu cargu de la coalición, xunto con Mònica Oltra, dende la so creación en xunetu de 2012. Meses dempués, n'ochobre de 2012, foi reelixíu secretariu xeneral del BLOC col 87% de los votos nel 6º Congresu Nacional d'esta formación.
En xineru de 2013, yera'l segundu diputáu con más intervenciones nes Cortes Valencianes, con un total de 248. Per delantre namás tenía a la so compañera de formación Mireia Mollà, con 254. Nes eleiciones autonómiques de 2015, concursó como númberu 2 pola circunscripción de Valencia na llista de Compromís, encabezada por Mónica Oltra. Nel mes de xunetu foi investíu presidente de les Cortes Valencianes. En marzu de 2018, cuando trescendió'l Casu del financiamientu de PSPV y Bloc, defendió la tresparencia de les cuentes del so partíu.
Candidatures editar
Referencies editar
- ↑ 1,0 1,1 Afirmao en: Gran Enciclopèdia Catalana. Llingua de la obra o nome: catalán. Editorial: Grup Enciclopèdia.
Datos: Q763954
Multimedia: Enric Morera i Català
