Enriqueta González Rubín

escritora y periodista asturiana (1832–1877)

Enriqueta González Rubín (17  d'abril de 1832Santianes del Agua – 9  de payares de 1877L'Infiestu) foi una escritora y periodista asturiana.

Enriqueta González RubínPicto infobox auteur.png
Vida
Nacimientu Santianes del Agua17  d'abril de 1832
Nacionalidá Flag of Spain.svg España
Muerte

L'Infiestu9  de payares de 1877

[1] (45 años)
Estudios
Llingües falaes asturianu
Oficiu escritoraperiodista
Cambiar los datos en Wikidata

BiografíaEditar

Enriqueta González Rubín tuvo l'honor d'entamar el xéneru narrativu n'asturianu nun momentu históricu cuando nun yera nada fácil pa una muyer el poder dedicase a les lletres.

Collaboró davezu con artículos, poesíes y narraciones na prensa de la dómina. Ente los medios nos qu'escribió, hai de solliñar El Faro Asturiano, d'u se conoz la mayoría de los sos escritos.

Nel so tiempu llogró una popularidá considerable, anque les inquietúes polítiques y sociales qu'amosaba la so obra y la non reedición de la mesma fixeron qu'escayera col correr de los años.

La so ObraEditar

Los sos testos espeyen en bien d'ocasiones una preocupación importante poles condiciones de vida de la muyer y pola so educación y papel na sociedá.

Ye autora de dos noveles n'asturianu: una publicada por entregues n'El Faro Asturiano nel 1864 y que nun conocemos; y otra, el Viaxe del tíu Pacho el Sordu a Uviedo, espublizada nel 1875 y alcontrada apocayá.

DistincionesEditar

30 Selmana de les Lletres AsturianesEditar

Na Selmana del 4 al 8 de Mmyu de 2009 celebróse la XXX Selmana de les Lletres Asturianes, dedicándola a la memoria d'Enriqueta.

El Gobiernu del Principáu d'Asturies reeditó y rescató la obra, con estudios lliterarios de la mesma.

Premiu Enriqueta González Rubín de PeriodismuEditar

El Premiu Enriqueta González Rubín de Periodismu ye ún de los más prestixosos dientro de los concedíos al periodismu dende Asturies.

Vien convocándolu dende 2003 la Conseyería de Cultura, Política Llingüística y Turismu del Gobiernu del Principáu d'Asturies.

Biblioteca de RibeseyaEditar

El 28 de setiembre de 2022 el Conceyu de Ribeseya decicidió pone-y el nome de la escritora a la biblioteca municipal[2]

BibliografíaEditar

ReferenciesEditar

Enllaces esternosEditar