Erythropitta erythrogaster
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Erythropitta erythrogaster  | ||
|---|---|---|
.jpg) | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Pittidae | |
| Xéneru: | Erythropitta | |
| Especie: |
Erythropitta erythrogaster Temminck, 1823 | |
| Sinonimia | ||
| ||
| Consultes | ||
| [editar datos en Wikidata] | ||
Erythropitta erythrogaster ye una especie d'ave paseriforme de la familia Pittidae. Atópase nes islles Filipines, Célebes, les Moluques y Nueva Guinea, amás del estremu noroccidental d'Australia.[1] El so hábitat natural ye'l monte húmedu tropical de les tierres baxes.
Descripción
editarMide ente 15 y 17 cm de llargor.[2]Tien un aspeutu sólido y regordeto, con ales y cola curtia, cabeza arrondada y el picu espurríu. El color del plumaxe varia según la subespecie, pero caltién dellos patrones carauterísticos. La cara y el gargüelu son de color rosáu o marrón o negru ente que la frente, el pileu y nuca son de de color canela, castañal acoloratada, o colloráu; el pechu ye azul más o menos intensu o verdosu, dacuando cola presencia d'una banda de negru ente'l pechu y el gargüelu o una banda del mesmu color ente'l pechu y el banduyu. Les ales son de color verde azuláu con plumes de vuelu azules. El so obispillo ye azul y el banduyu y la cola son de color coloráu. La fema suel amosar plumaxes de colores menos brillosos ya intensos que'l machu. El so picu ye coritu, les pates son de color carne y l'iris de de los sos güeyos ye de color castañu.[3]
Comportamientu
editar,_fond_blanc.jpg)
Tien vezos diurnos. Vive solitaria, o en pareyes na dómina de celu. Ye desaxeradamente territorial escontra los sos conxéneres, pero cobarde y reservada: pasa la mayor parte del día nel suelu, moviéndose con circunspección na trupa maleza en busca d'alimentu.
Alimentación
editarLa dieta d'esta ave compónse principalmente de merucos de tierra y cascoxos. Tamién s'alimenta d'inseutos y otros pequeños invertebraos.
Reproducción
editarLa pareya collabora na construcción del nial, de forma esférica, allugáu yá seya nel suelu, ente los arbustos o ente les cañes d'árboles; construyíu con cañes y material vexetal; con cámara d'incubación interna forrada con fueyes. La fema pon 1 a 3 güevos.
Referencies
editar- ↑ 1,0 1,1 BirdLife International (2012) Pitta erythrogaster; The IUCN Red List of Threatened Species, Versión 2014.2. Consultáu'l 7 d'ochobre de 2014.
- ↑ Pratt, Thane K. & Bruce M. Beehler Birds of New Guinea: 3965, pl.63.
- ↑ Pardo, Rafael y José Gogorza y González (1887) Aves de la Filipines:15. Serviciu de Reproducción de Llibros de Llibreríes París-Valencia.
Enllaces esternos
editar
Wikimedia Commons acueye conteníu multimedia sobre Erythropitta erythrogaster.
| Wikispecies tien un artículu sobre Erythropitta erythrogaster. |
Datos: Q898133- Multimedia: Erythropitta erythrogaster
Especies: Erythropitta erythrogaster
