Yoseikan Budo
El Yoseikan Budo (養正館武道, Yōseikan budō) ye un arte marcial desendolcáu a finales de los años 1960 y fundáu oficialmente en 1975 por Hiroo Mochizuki, nacíu en 1936 en Shizuoka (Xapón), y fíu de Minoru Mochizuki (1907-2003) del que recibió les enseñances fundamentales, incluyendo disciplines como Aikido, Jujutsu, Iaido, [Yudu]], Kendo y Kárate (Shotokan y Wado-ryu). El Yoseikan Budo ye un métodu orixinal qu'amuesa la lóxica común ente les diferentes téuniques de combate a mano vacía o con armes: un filu conductor llamáu “movimientu ondulatoriu”. La potencia de tol cuerpu solicítase pa tresmitise a un miembru o estremidá, per aciu d'un movimientu d'onda. Esto permite multiplicar la potencia y la eficacia de cada movimientu.
 | |
| Enfoque | Híbridu (golpes, retorciones, valtos, armes) |
|---|---|
| Contautu/durez | Dende’l non contautu al contautu plenu (con equipu proteutor) |
| País d'orixe |
 Xapón |
| Fundador | Hiroo Mochizuki |
| Fecha de fundación | 1975 |
| Deporte olímpicu | Non |
| Sitiu oficial | http://www.yoseikan-budo.org/ |
 | |
El repertoriu téunicu y pedagóxicu tán n’evolución y ameyoramientu constantes, polo que les posibilidaes son cuasi infinites. Nun hai más llende que la creatividá del enseñante y el respetu total a la salú de los prauticantes.
Les prauticantes lleven una vistimienta que consta d'una chaqueta cruzada n’azul marino y un pantalón blancu con franxa azul. Tolos prauticantes, del primerizu al creador de la disciplina, lleven el mesmu cinturón blancu y azul, representando l'aunión del Ying y del Yang y simbolizando'l principiu de la onda.
L’estudiu téunicu
editarEl repertoriu del Yoseikan Budo inclúi téuniques de percusión (pies, rodiyes, manes, coldos, cabeza…), llaves (retorciones y hiper-estensiones articulares), proyeiciones, inmovilizaciones, estrangulamientos y armes (tradicionales o recubiertes d'espuma). La correspondencia ente les diferentes téuniques demuéstrase y execútase principalmente a traviés del kata “Yoseikan Happo”, base fundamental del métodu.
La enseñanza
editarTien por oxetivu perfeicionar el deprendimientu téunicu, deportivu y éticu, basándose nes necesidaes y capacidaes de caún. Poro, la pedagoxía adáutase a la edá y a les aptitúes físiques de los prauticantes. Organízase d'una forma lóxica, respetando les llendes biomecániques y fisiolóxiques inherentes a toa práutica deportiva.
El Yoseikan Budo ye un arte marcial en sentíu plenu, darréu que nun ye una síntesis ente diferentes artes marciales. Ye un métodu desendolcáu según el principiu de dexar que cada individuu desarrolle una forma de trabayu adautable a tolos tipos de golpes, percusiones o controles, al envís de facer evolucionar el combate dende la distancia más llarga (armes) a la más curtia (propia de les llaves, proyeiciones y trabayu en suelu).
La competición
editarNun ta considerada como un fin en sigo mesma, sinón como una estaya pa la construcción del individuu. Hiroo Mochizuki considera l'aspeutu deportivu importante pal desarrollu del prauticante, polo qu'afala a les persones a prauticar tanto la parte marcial como la deportiva. Magar que s’atroque una importante rede internacional de competición pa los deportistes d'altu nivel, los alumnos de tolos niveles tienen la oportunidá de prauticar formes suaves de combate de tipu collaborador nes propies clases. Celebráronse copes del mundu en 1999 y 2005 en Francia, y en 2007 en Bélxica.
La competición estándar inclúi tres clases de combate:
- Sude Randori (golpes, agarres, proyeiciones)
- Emono Randori (con armes forraes d'espuma)
- Emono Sude Randori (con tanto forráu o semi-forráu contra mano vacía)
Les regles pa esta forma de combate inclúin namái unes poques torgues (básicamente pataes a les rodiyes, agarre o torción de la cabeza, y llaves articulares), pero prautícase con equipu proteutor completu pan nun se mancar. Úsense cuasi toles téuniques.
Amás hai delles competiciones especializaes:
- Kata
- Aiki (con ún o más oponentes)
- Kyoe Randori (la forma cimera del randori)
- Kenjutsu
- Bajutsu (a caballu)
- Kempo
El Kyoe Randori inclúi toles téuniques (atemi/aiki/jujutsu) ensin equipu proteutor, pero los lluchadores tienen que tener un control perfeutu sobre toles téuniques.
Práutica del Yoseikan Budo acordies a la edá
editar- Pa los neños pequeños (3 a 6 años) : desarrollu sicomotriz per aciu de la sensibilización nel Yoseikan Budo, cola forma de xuegos educativos.
- Pa los rapacinos (6 a 11 años) : desarrollu sicomotriz per aciu del deprendimientu lúdicu y deportivu del Yoseikan Budo.
- Pa los adolescentes (11 a 15 años) : construcción física y social per aciu del deprendimientu deportivu del Yoseikan Budo y de los sos valores morales.
- Pa los adultos (16 a 40 años) : ameyoramientu y caltenimientu del potencial físicu per aciu del deprendimientu del. Ameyoramientu personal basáu nel respetu y la integración del códigu moral.
- Pa los veteranos (dende los 40 años) : caltenimientu del potencial físicu per aciu del deprendimientu de formes suaves de práutica en visu a ameyorar la perceición de sigo y a prollongar l'autonomía personal.
La organización internacional
editarNel 2000, el maestru Hiroo Mochizuki recibió oficialmente de les manes de so padre, el maestru Minoru Mochizuki, el títulu de "Soke de la escuela Yoseikan" (la direición de tolos dojos de Yoseikan del mundu). La disciplina prautícase en más de 40 países de los 5 continentes. Toles escueles y federaciones axúntense baxo la direición de la Federación Mundial Yoseikan.
Pese a que’l Yoseikan Budo seya una marca rexistrada, hai qu'alvertir que los términos "Yoseikan Aikido", "Aikido Mochizuki" o "Yoseikan Karate" utilícense dacuando pa calificar los métodos provinientes de la enseñanza de los maestros Minoru y Hiroo Mochizuki específicamente n’aikido o en kárate.
Ver tamién
editarReferencies
editarEnllaces esternos
editar- Sitiu oficial del Yoseikan Budo
- Asociación francesa de Yoseikan Budo Archiváu 2008-12-20 en Wayback Machine
- Asociación Internacional de Yoseikan Archiváu 2007-03-24 en Wayback Machine
- Assosiació Esportiva Yoseikan Budo Catalunya
Datos: Q2739351
