Oscar A. C. Lund
Oscar A.C. Lund (21 de mayu de 1885, Gotemburgu – 2 de mayu de 1963, Estocolmu) foi un actor, guionista y direutor de cine d'orixe suecu, activu nes industries cinematográfiques sueca y estauxunidense.
Oscar A. C. Lund | |
|---|---|
| Vida | |
| Nacimientu | Gotemburgu, 21 de mayu de 1885[1] |
| Nacionalidá |
 Suecia |
| Muerte | Estocolmu, 2 de mayu de 1963[1] (77 años) |
| Sepultura |
Skogskyrkogården (es)  [2] |
| Familia | |
| Padre | Carl Ludvig Lund |
| Estudios | |
| Llingües falaes | inglés |
| Oficiu | direutor de cine, actor, guionista, actor de cine |
| IMDb | nm0526226 |
 | |
Biografía
editarEl so nome completu yera Oskar Augustus Constantine Lund, y nació en Gotemburgu, Suecia, siendo'l so padre l'actor y direutor teatral suecu Carl Ludwig Lund (1858–1893).
Lund emigró en 1900 a los Estaos Xuníos, país nel cual entró na so floreciente industria cinematográfica, dirixendo en 1912 el so primer filme, The Wager. Al añu siguiente Lund rodó The Great Unknown en Canadá, siendo esa producción el primer filme dramáticu rodáu nunca nesa nación.
Como de cutiu asocedía nos primeros tiempos de la industria del cine, Lund tamién escribía los guiones y actuaba en munchos de los filmes que dirixía. En 1917 escribió una producción que podría calificase como un docudrama, Mother Love and the Law, basada nun casu real de custodia infantil n'Illinois.
Dende 1912 a 1924 Oscar Lund dirixó más de 60 películes nos Estaos Xuníos. Ente elles incluyíase'l primer llargumetraxe producíu pola división en Nueva Jersey de la compañía francesa Eclair, Into the Wilderness (1914). Lund trabayó con frecuencia col direutor y guionista B. A. Rolfe, según cola actriz británica Barbara Tennant, a la que dirixó en más de media docena de películes.
En 1933, na so nativa Suecia, Lund dirixó la so primer cinta sonora, una producción en suecu titulada Kärlek och dynamit.
Oscar A. C. Lund finó en 1963 en Estocolmu, Suecia, siendo soterráu nel Campusantu Skogskyrkogården de dicha ciudá.
Referencies
editar- ↑ 1,0 1,1 Afirmao en: Find a Grave. Identificador Find a Grave: 8976198. Apaez como: Oscar Lund. Data de consulta: 9 ochobre 2017. Llingua de la obra o nome: inglés.
- ↑ Afirmao en: Find a Grave. Data de consulta: 29 xunu 2024. Llingua de la obra o nome: inglés.
Enllaces esternos
editar- Oscar A. C. Lund na Internet Movie Database (n'inglés)
- Lund en http://www.sfi.se
- Oscar A. C. Lund en Film Database Search
- Oscar A. C. Lund en Find A Grave
Datos: Q7105846
