Clive Sinclair
Clive Marles Sinclair (30 de xunetu de 1940, Richmond – 16 de setiembre de 2021, Londres) foi un inxenieru ya inventor británicu, creador del perconocíu ordenador domésticu ZX Spectrum a entamos de la década de 1980.
Clive Sinclair | |
|---|---|
 | |
| Vida | |
| Nacimientu | Richmond[1], 30 de xunetu de 1940[2] |
| Nacionalidá |
 Reinu Xuníu |
| Muerte | Londres[3], 16 de setiembre de 2021[3] (81 años) |
| Fíos/es | 3 |
| Estudios | |
| Estudios |
Highgate School (es)  St George's College Weybridge (en) |
| Llingües falaes | inglés |
| Oficiu | entamador, inxenieru, inventor, informáticu teóricu |
| Premios |
ver
|
| Miembru de | Mensa |
| IMDb | nm1906152 |
 | |
.svg){kind=small}
Sinclair Radionics
editarEn 1961 creó la compañía Sinclair Radionics Ltd. col envís inicial de comercializar paquetes de productos electrónicos per corréu ensin ensamblar. Sicasí, asoleyó como productu estrella el Macrovision, ún de los primeros televisores portátiles, pequeños receptores de radio o relós electrónicos como'l 'Black Watch', a la fin ún de los sos primeros fracasos comerciales de sonadía.
Ente los sos ésitos nesta etapa rescampla l'apaición, en 1962, de la primer calculadora electrónica de bolsu.
Sinclair Research
editarEn 1980 dexa Sinclair Radionics y crea Sinclair Research Ltd., lanzando el ZX80 (nomáu "l'ordenador más pequeñu y baratu del mundu"). L'equipu disponía de 1 Kbyte de memoria RAM y un sistema operativu en llinguaxe BASIC almacenáu nuna memoria ROM de 4 Kbyte. El sistema de visualización, en blancu y negru y sin capacidaes gráfiques, ufría 32 columnes por 24 files. Incorporaba un tecláu sensible al tactu y conexones pa televisión y cinta de casete, y taba basáu nun procesador Z80 a 1 MHz.
En 1981 lanza el ZX81, una versión ameyorada del ZX80. El principal cambéu foi la sustitución de los 12 chips estándar pa llectura de tecláu y xeneración de videu del ZX80 por un únicu chip de diseñu específicu (Uncommited Logic Array o ULA), creáu por Ferranti por encargu de Sinclair. Esti cambéu abarataba notablemente el coste del equipu y aumentaba la so fiabilidá.
En 1982 la evolución d'esti productu lleva a l'apaición del ZX Spectrum, el mayor ésitu comercial de Sinclair y ún de los finxos de la historia de la popularización de la informática nel mundu.
El ZX Spectrum ufría mayor capacidá de memoria (16 y 48 Kbyte, según versión) y mayor velocidá (procesador Z80 a 3,5 MHz). En cuantes a gráficos, ufría una resolución de 256 por 192 pixels, un sistema BASIC más avanzáu (conteníu nuna ROM de 16Kbytes) y ciertes capacidaes de color. Amás, yera capaz d'emitir soníos al traviés d'un pequeñu zumbaor.
Tres del ésitu del ZX Spectrum nel mundu, en 1984 asoleya el Sinclair QL con procesador Motorola 68008 y con muncha más capacidá que'l modelu anterior. Sicasí, problemes de diseñu, la inexistencia de puertu paralelu pa impresores, y l'usu del cartuchu ZX Microdrive como sistema d'almacenamientu, envede disquetes o discu duru, llevaron a esti ordenador al fracasu nun momentu nel qu'apaecía nel mercáu el primer ordenador de la serie Macintosh de la compañía d'Estaos Xuníos Apple.
La quiebra
editar
Sicasí, l'actividá de Sinclair nun se zarró a la informática de consumu, y en 1985 presenta un coche llétricu, el Sinclair C5. Esti proyeutu foi, a la fin, un desastre financieru, ente otres cuestiones, porque se-y negó el permisu de circulación per víes públiques pol baxu altor del vehículu.
En 1986 la grave crisis que sufre la empresa lleva-y a vender la llinia d'ordenadores y la marca Sinclair al so más direutu competidor n'Europa: Amstrad.
Clive Sinclair continuó cola so capacidá emprendedora al traviés de Cambridge Computers, empresa que funda en 1987 y na qu'asoleya otru productu de sonadía: el Cambridge Z88. Yera un ordenador portátil únicu na época, basáu nel ya conocíu procesador Z80 a 3,5 MHz y con hasta 3,5 Mbyte de memoria RAM. Ente les sos carauterístiques rescamplaba l'ausencia de discos (utilizaba una memoria RAM como sistema d'almacenamientu), el so tamaño reducíu y la so autonomía con hasta 20 hores d'usu alimentáu con cuatro bateríes AA alcalines normales). El software integráu daba-y funciones d'axenda electrónica, procesu de testus y fueya de cálculu. Hebo versiones en delles llingües. Sicasí, la repuesta comercial nun foi grande y Cambridge Computers acabó quebrando.
Clive Sinclair trabaya anguaño na compañía Sinclair-Research [1] Archiváu 2010-02-08 en Wayback Machine cola que comercializa productos innovadores como Zeta, un sistema d'asistencia al apedalamientu nes bicicletes, heredáu del C5, asina como la bicileta portátil A-bike, presentada el 12 de xunetu de 2006, pero cuyo diseñu inicial remóntase a la década de 1980.
Bibliografía
editar- Adamson, Ian; Kennedy, Richard (1986). Sinclair and the "Sunrise" Technology. London: Penguin Books. 224 pp. ISBN 0-14-008774-5.
- Dale, Rodney (1985). The Sinclair Story. London: Duckworth. 184 pp. ISBN 0-7156-1901-2.
- Gómez Sánchez, R. (2007). "El legado de un visionario autodidacta Archiváu 2007-10-26 en Wayback Machine". Entelequia. Revista Interdisciplinar, 3, Primavera 2007. Páxs. 297-322.
Referencies
editar- ↑ «Profile: Sir Clive Sinclair» (inglés). The Scotsman (1r mayu 2010). Consultáu'l 16 setiembre 2021.
- ↑ «Sinclair bows out» (xunu 1986).
- ↑ 3,0 3,1 «Home computing pioneer Sir Clive Sinclair dies aged 81» (inglés). The Guardian. Guardian Media Group (16 setiembre 2021). Consultáu'l 16 setiembre 2021.
- ↑ 4,0 4,1 Afirmao en: Who's Who. Identificador de Who's Who (Reino Unido): U34980. Editorial: A & C Black. Llingua de la obra o nome: inglés británicu. ISSN: 0083-937X.
Enllaces esternos
editar
Wikimedia Commons acueye conteníu multimedia sobre Clive Sinclair.- (n'inglés) Páxina oficial - Sinclair Research Archiváu 2010-02-08 en Wayback Machine
- (en castellanu) Clive Sinclair, de las ideas a los 3.000 millones de pesetas de beneficio - Reportaje de 1984 del diario El País
- (n'inglés) Sir Clive Sinclair nel sitiu Planet Sinclair
Datos: Q23889- Multimedia: Clive Sinclair
