Daniel Bernoulli

Daniel Bernoulli (29 de xineru de 1700 ^(xul.), Groningen – 17 de marzu de 1782, Basilea) foi un matemáticu, estadísticu, físicu y médicu holandés-suizu. Destacó non yá en matemática pura, sinón tamién nes llamaes aplicaes, principalmente estadística y probabilidá. Fixo importantes contribuciones en hidrodinámica y elasticidá.

Daniel Bernoulli
rector de la Universidá de Basilea
Vida
Nacimientu	Groningen, 29 de xineru de 1700 (xul.)
Nacionalidá	Suiza
Muerte	Basilea, 17 de marzu de 1782 (82 años)
Sepultura	Peterskirche (en)
Familia
Padre	Johann Bernoulli
Madre	Dorothea Falkner
Casáu con	ensin valor
Hermanos/es	Nicolau II Bernoulli (es) Johann II Bernoulli (es) Anne Catherine Bernoulli (en)
Familia	ver Jakob Bernoulli (tío (es) ) Nicolaus Bernoulli (es) (tío (es) ) Hieronymus Bernoulli (en) (tío (es) )
Pueblu	familia Bernoulli (es)
Estudios
Estudios	Universidá de Basilea Universidá de Heidelberg
Direutor de tesis	Johann Palisa Johann Bernoulli (es)
Direutor de tesis de	Johann III Bernoulli (es)
Llingües falaes	llatín alemán rusu francés alemán de Suiza
Oficiu	matemáticu, físicu, profesor universitariu, economista, médicu, estadísticu
Llugares de trabayu	San Petersburgu y Basilea
Emplegadores	Universidá de Basilea Academia de Ciencies de Rusia  (5 xunetu 1725 (Xulianu) –
Trabayos destacaos	Moral Expectation (en) paradoxa de San Petersburgu Hydrodynamica (es)
Premios	ver miembru de la Royal Society
Miembru de	Royal Society Academia de Ciencies de Rusia Academia Prusiana de les Ciencies Academia Francesa de les Ciencies
Creencies
Relixón	protestantismu

Vida

Daniel Bernoulli provenía de la saga familiar de Bernoulli, que xeneró grandes meyores matemátiques a lo llargo de la historia. Yera fíu de Johann Bernoulli y nació en Groningen, Países Baxos, onde'l so padre yera entós profesor de matemátiques. En 1705, el so padre llogra una plaza na Universidá de Basilea y la familia torna a la ciudá suiza d'onde yera orixinaria.

Por deséu del so padre estudió Medicina na Universidá de Basilea, ente qu'al empar, na so casa, el so hermanu mayor Nicolau y el so padre ampliaben les sos conocencies matemátiques. Daniel remató los estudios de Medicina en 1721. En principiu intentó entrar como profesor na Universidá de Basilea, pero foi refugáu.

Daniel Bernoulli.

En 1723, ganó la competición añal que patrocinaba l'Academia de Ciencies francesa. Esi mesmu añu, el matemáticu prusianu Christian Goldbach, dempués de quedar impresionáu pol nivel matemáticu de Bernoulli, decide publicar la correspondencia que caltuvieren. En 1724, les cartes publicaes estendiérense per tol mundu, y Catalina I de Rusia propúnxo-y ser profesor de l'acabante fundar Academia de Ciencies de San Petersburgu. El so padre llogró que la ufierta ampliárase tamién al so hermanu Nicolau, que morrería de tuberculosis en San Petersburgu en 1726. Na Academia, Daniel trabayó na cátedra de Física. Permaneció ocho años en San Petersburgu y el so llabor foi bien reconocida. Mientres esi tiempu compartió vivienda col tamién gran matemáticu Leonhard Euler, que llegara a l'Academia encamentáu por el mesmu Daniel y al que yá conocía por ser un aventayáu alumnu del so padre na Universidá de Basilea.

Nel añu 1732, vuelve a Basilea, onde ganara un puestu de profesor nos departamentos de Botánica y Anatomía. En 1738 publicó la so obra Hydrodynamica, na qu'espón lo que más tarde sería conocíu como'l Principiu de Bernoulli, que describe'l comportamientu d'un fluyíu al movese a lo llargo d'un conductu zarráu. Daniel tamién fixo importantes contribuciones a la teoría de probabilidaes.

Ye bultable que caltuvo una mala rellación col so padre a partir de 1734, añu nel que dambos compartieron el premiu añal de l'Academia de Ciencies de París. Johann llegó a espulsalo de la so casa y tamién publicó un llibru Hydraulica nel que trató d'atribuyise los descubrimientos del so fíu nesta materia.

En 1750 la Universidá de Basilea concediólu, ensin necesidá de concursu, la cátedra qu'ocupara'l so padre. Publicó 86 trabayos y ganó 10 premios de l'Academia de Ciencies de París, namái superáu por Euler que ganó 12.

Daniel Bernoulli foi escoyíu miembru de la Royal Society el 3 de mayu de 1750.

A la fin de los sos díes ordenó construyir una pensión p'abellugu d'estudiantes ensin recursos.

Ver tamién

• Principiu de Bernoulli
• Hydrodynamica, llibru de 1738
• Familia Bernoulli

Enllaces esternos

• Obra de Bernoulli en SCD de la Universidá Louis Pasteur d'Estrasburgu.

• Datos: Q122366
• Multimedia: Daniel Bernoulli