Driving Miss Daisy
Driving Miss Daisy ye una película d'Estaos Xuníos de 1989 producida pola Warner Brothers y afecha de la obra de Alfred Uhry Driving Miss Daisy. La película foi dirixida por Bruce Beresford con Morgan Freeman y Jessica Tandy nos papeles protagonistes.
La historia define a la señora Daisy y el so puntu de vista al traviés d'una rede de rellaciones y emociones que se desenvuelven na so casa, na sinagoga, ente los sos amigos y familiares, medranes y esmoliciones. El xofer Hoke escasamente vese fora de la presencia de la señora Daisy, anque'l títulu implica que la historia ye cuntada dende la so perspeutiva. La película foi ganadora del premiu de l'Academia de les Artes y les Ciencies Cinematográfiques a meyor película en 1990.
Argumentu
editarLa señora Daisy Werthan, ye una vilba xudía de 72 años que vive n'Atlanta, Georgia, na compañía de la so trabayadora doméstica de color, llamada Idella. Dempués d'un accidente nel so automóvil Chrysler, el fíu de la señora Daisy, Boolie, contráta-y un chofer porque nenguna compañía de seguro va asegurar. Ella niégase, pero Boolie ta decidíu a atopar unu. Mentanto, ella ta parada en casa incapaz de realizar les sos compres, visitar a los sos amigos y asistir a la sinagoga, por non poder conducir. Boolie atopa a un home, Hoke Colburn. La señora Daisy nun principiu niégase a l'ayuda de Hoke, ante'l fechu de que les persones puedan llegar a creer que ye demasiada vieya y tonta pa conducir.
La señora Daisy llega a aceptar l'ayuda de Hoke y el fechu de qu'ella precisa ayuda pa tresportase. La señora Daisy afaya que Hoke nun sabe lleer, y pola so antigua oficiu como maestra enséñalu cómo lleer. La señora Daisy tien qu'asistir a la fiesta de cumpleaños númberu noventa del so hermanu en Mobile, Alabama. Hoke revéla-y, mientres el viaxe, que ye la primer vegada qu'él salió del Estáu de Georgia. Mientres el so viaxe d'Atlanta a Mobile, la señora Daisy vese confrontada en delles circunstancies mientres el viaxe, colos prexuicios social y racial. Al pasu del tiempu la señora Daisy toma apreciu por Hoke. En 1965, mientres víen la televisión na cocina, Idella muerre. La señora Daisy atristaya pola cercanía y el tiempu que compartió con Idella, y acompañada pola so familia son les úniques persones blanques nel funeral.
Ante los importantes cambeos sociales de la dómina, la señora Daisy repara con especial atención los prexuicios y la discriminación escontra los negros y los xudíos polo que asiste al discursu n'Atlanta del Dr. Martin Luther King. Primeramente convida a la cena a Boolie a la cena, pero esti siente duldes por cuenta de la so posición y al qué van pensar los sos asociaos de qu'asista al actu, y suxer a la señora Daisy convidar a Hoke. La señora Daisy nun menta la invitación a Hoke hasta qu'él ta llevándo-y a la cena. El so renuencia a convidar a Hoke sorraya'l racismu pasivo que de cutiu pasa desapercibíu en comparanza col racismu más abierto y agraváu.
Pocos años más tarde, Hoke llega a casa de la señora Daisy y atopar nun estáu de tracamundiu, él llama a Boolie y diz-y que la so madre atópase mal. Antes de la llegada de Boolie llogra aselar a la señora Daisy y ella revéla-y a Hoke qu'él ye'l so meyor amigu suxetar la mano. Boolie decide que lo meyor pa la so madre ye que seya atendida nuna casa de retiru.
Dos años más tarde, en 1973, Boolie decide vender la casa de la señora Daisy, y Hoke retiróse de la conducción. Hoke agora cunta con 85 años y la señora Daisy con 97. Boolie y Hoke axúntense d'últimes en casa de la señora Daisy y parten d'ella a la casa de retiru pa visitala. La película termina con Hoke dando de comer un cachu de pastel a la señora Daisy, dambos recordando vieyos tiempos y entemecíu cola imaxe del Hudson que primeramente Hooke condució pa la señora Daisy, moviéndose por una cai con aldu al horizonte.
Comentarios
editarDriving Miss Daisy ye la primer obra de teatru de la denomada "Triloxía d'Atlanta" de Alfred Uhry, nes que se narra la vida de dellos miembros de la comunidá xudía na ciudá d'Atlanta, Georgia. Alfred Uhry consiguió un gran ésitu cola so obra, llegando a ganar el Premiu Pulitzer pa obres dramátiques.
El títulu de la película tien de ser interpretáu como Remanando a la señora Daisy pol papel de Hoke al trepar col calter de la señora Daisy.
Repartu
editar- Morgan Freeman como Hoke Colburn
- Jessica Tandy como Daisy Werthan
- Dan Aykroyd como Boolie Werthan
- Patti LuPone como Florine Werthan
- Esther Rolle como Idella
- Joann Havrilla como Miss McClatchey
- William Hall, Jr. como Oscar
- Muriel Moore como Miriam
- Sylvia Kaler como Beulah
- Crystal R. Fox como Katey Bell
Premios
editar| Categoría | Persona | Resultáu |
|---|---|---|
| Meyor película | Richard D. Zanuck Lili Fini Zanuck |
Ganadora |
| Meyor actriz | Jessica Tandy | Ganadora |
| Meyor actor | Morgan Freeman | Candidatu |
| Meyor actor de repartu | Dan Aykroyd | Candidatu |
| Meyor guión adautáu | Alfred Uhry | Ganador |
| Meyor diseñu de vestuariu | Elizabeth McBride | Candidatu |
| Meyor direición artística | Bruno Rubeo | Candidatu |
| Meyor montaxe | Mark Warner | Candidatu |
| Meyor maquillaxe | Manlio Rocchetti Lynn Barber Kevin Haney |
Ganadores |
| Categoría | Persona | Resultáu |
|---|---|---|
| Meyor Película - Comedia o musical | Richard D. Zanuck Lili Fini Zanuck Bruce Beresford |
Ganadores |
| Meyor Actor - Comedia o musical | Morgan Freeman | Ganador |
| Meyor Actriz - Comedia o Musical | Jessica Tandy | Ganadora |
Referencies
editar- ↑ «Internet Movie Database» (inglés). Consultáu'l 14 abril 2017.
- ↑ Afirmao en: Filmografía Nacional Danesa. Identificador DNF de película: 7186. Data de consulta: 10 ochobre 2022.
- ↑ URL de la referencia: https://www.25thframe.co.uk/movies/driving-miss-daisy. Data de consulta: 10 ochobre 2022.
- ↑ Afirmao en: AFI Catalog of Feature Films. Identificador AFI: 57977. Data de consulta: 2 setiembre 2020.
- ↑ URL de la referencia: http://www.imdb.com/title/tt0097239/. Data de consulta: 8 abril 2016.
- ↑ URL de la referencia: https://www.filmaffinity.com/en/film336490.html. Data de consulta: 8 abril 2016.
- ↑ 7,0 7,1 7,2 7,3 7,4 URL de la referencia: http://www.imdb.com/title/tt0097239/fullcredits. Data de consulta: 8 abril 2016.
- ↑ Afirmao en: ČSFD. Llingua de la obra o nome: checu. Data d'espublización: 2001.
- ↑ URL de la referencia: https://www.boxofficemojo.com/title/tt0097239/?ref_=bo_rl_ti. Direición web d'archivu: https://web.archive.org/web/20210413125915/https://www.boxofficemojo.com/title/tt0097239/?ref_=bo_rl_ti. Data d'archivu: 13 abril 2021 (Xulianu).
- ↑ Data de consulta: 22 mayu 2024. URL de la referencia: https://www.cnc.fr/professionnels/visas-et-classification/73568.
- ↑ URL de la referencia: https://www.spio-fsk.de/asp/filestream.asp?dir=karte&file=0906%5C63641VDVDUMD%2Epdf. Data de consulta: 17 payares 2022.
- ↑ Afirmao en: Filmografía Nacional Danesa.
Enllaces esternos
editar- Ficha de Driving Miss Daisy na Internet Movie Database (n'inglés)
Datos: Q211373
