Zuzana Čaputová
Zuzana Čaputová (21 de xunu de 1973, Bratislava) ye una política, abogada y activista ambientalista eslovaca. Ye l'actual presidenta d'Eslovaquia, convirtiéndose na primer muyer n'ocupar esi cargu.
_VIII.jpg)
.svg){kind=small}
Tamién foi una de les fundadores del partíu lliberal progresista Eslovaquia Progresista creáu en 2017, del que foi vicepresidenta dende xineru de 2018 al 19 de marzu de 2019.[19] En 2016 ganó'l premiu Goldman pola campaña que lideró escontra un vertideru illegal de residuos tóxicos en Pezinok.
Biografía
editarTrayeutoria profesional
editarEn llicenciándose en derechu na Universidá Comenius de Bratislava en 1996 empezó a trabayar nel gobiernu llocal de Pezinok, primero como asistente nel departamentu llegal y darréu na alcaldía. El so siguiente pasu foi nel sector de les ONGs trabayando na denuncia d'abusu y esplotación infantil. Trabayó como xerente de proyeutos na asociación cívica EQ Klub nel desenvolvimientu de la comunidá llocal.
Ente 2001 y 2017 trabayó en VIA IURIS dende 2010 como xurista. La organización ta dedicada a la llucha pola tresparencia en funcionamientu del poder xudicial, responsabilidá de los funcionarios públicos, propiedá pública y fortalecimientu del control públicu sobro les autoridaes gubernamentales.
En Pezinok, mientres una década tuvo al mandu d'una campaña pública escontra l'autorización d'otru vertideru qu'agravaría la contaminación del suelu, l'aire y l'agua na ciudá y les sos árees circundantes. La llucha remató en 2013, cuando'l Tribunal Supremu de la República Eslovaca dictaminó que'l vertideru nuevu yera illegal y violaba les normes ambientales. El Tribunal emitió'l so veredictu a partir de la decisión del Tribunal de Xusticia de les Comunidaes Europees, que confirmó'l derechu públicu a participar na toma de decisiones sobro cuestiones qu'afecten al mediu ambiente. El Tribunal de Xusticia esclarió delles otres cuestiones llegales nel casu, qu'agora son vinculantes pa tola Xunión Europea.
Caputova caltién el so propiu despachu como abogada y ye autora y coautora de delles publicaciones. Tamién pertenez a la rede d'abogaos y xuristes ambientales Environmental Alliance Alliance Worldwide (ELAW).
Trayeutoria política
editarEn 2017 apaeció na escena política como fundadora del partíu Eslovaquia Progresista. En xineru de 2018 foi escoyida vicepresidenta del partíu, cargu al qu'arrenunció en marzu de 2019.
Eleiciones presidenciales marzu 2019
editarNuna conferencia de prensa celebrada'l 29 de marzu de 2018, Čaputová anunció oficialmente la so candidatura a la presidencia nes eleiciones convocaes en 2019, dempués de recibir el sofitu del so partíu, Eslovaquia Progresista, Llibertá y Solidaridá y SPOLU y dempués de que'l so principal oponente, Robert Mistrík, se retirara de la carrera y la sofitara'l 26 de febreru de 2019.
El 30 de marzu ganó les eleiciones presidenciales en segunda vuelta col 58,4% de los votos, ente que'l so rival, el vicepresidente de la Comisión Europea, Maros Sefcovic, qu'allegó como independiente col sofitu de los socialdemócrates llogró'l 41,59 %.[20] Na primer vuelta celebrada'l 16 de marzu llograra casi'l 40,5 % de los votos.[21]
Posiciones polítiques
editarCaputova ta considerada una política d'ideoloxía lliberal y europeísta.[21]
Anticorrupción
editarUna de les exes principales de la so campaña a les eleiciones presidenciales de 2019 foi la llucha escontra la corrupción. "Eslovaquia amuesa signos de ser un Estáu prindáu, paez que'l poder nun lo exercen los escoyíos, sinón aquellos que mueven les cuerdes per detrás" declaró nuna entrevista.[21]
Ambientalista
editarYe especialmente conocida por liderar una campaña que provocó'l zarru d'un vertideru illegal de borrafes tóxiques en Pezinok que taba contaminando la tierra, l'aire y l'agua na so comunidá. En 2013 el Tribunal Supremu d'Eslovaquia dio-y la razón estableciendo un precedente pa la participación pública eslovaca.[22]
Albuertu y derechos reproductivos
editarNo que fai a la cuestión del albuertu, Čaputová sofita'l caltenimientu del status quo esistente: "Si esiste una situación estrema y el dilema ye decidir si adoptar una norma llegal que va afectar la vida personal de la ciudadanía o va dexala baxo la responsabilidá de les muyeres y la so eleición personal, escueyo la responsabilidá d'una muyer ".[23]
Derechos LGBT
editarNa so campaña a les eleiciones presidenciales de 2019 defendió los derechos del coleutivu LGBT y l'adopción de les pareyes del mesmu sexu.[21]
Premios y reconocencies
editar- Ganadora xunto con Máxima Acuña y Destiny Watford del Premiu Goldman en 2016.[24]
Referencies
editar- ↑ URL de la referencia: https://www.prezident.sk/page/zivotopis/. Llingua de la obra o nome: eslovacu.
- ↑ Afirmao en: Munzinger Personen. Identificador Munzinger: 00000031687. Data de consulta: 9 ochobre 2017. Apaez como: Zuzana Caputova. Llingua de la obra o nome: alemán.
- ↑ URL de la referencia: https://www.ktojeto.sk/osobnosti/zuzana-caputova/.
- ↑ Afirmao en: catálogu de la Biblioteca Nacional Checa. Identificador NKCR AUT: pna20191046232. Data de consulta: 1r marzu 2022.
- ↑ URL de la referencia: https://www.goldmanprize.org/blog/introducing-the-2016-goldman-prize-winners/.
- ↑ 6,0 6,1 6,2 6,3 «522/2008 Z. z. § 13/1» (eslovacu). Consultáu'l 16 ochobre 2022.
- ↑ «Čaputová na Národní třídě uctila výročí sametové revoluce. Od předsedy Senátu obdržela pamětní medaili» (checu) (16 payares 2021). Consultáu'l 16 ochobre 2022.
- ↑ «Δηλώσεις των Προέδρων της Ελληνικής Δημοκρατίας και της Σλοβακίας Κατερίνας Σακελλαροπούλου και Zuzana Čaputová κατά τη συνάντησή τους στο Προεδρικό Μέγαρο» (griegu) (6 setiembre 2022). Consultáu'l 16 ochobre 2022.
- ↑ «Z. Čaputová si prevzala Cenu slobody, zdôraznila ochranu demokracie» (eslovacu) (5 payares 2022). Consultáu'l 6 payares 2022.
- ↑ «Prezidentka Čaputová dostala najvyššie holandské štátne vyznamenanie (foto)» (eslovacu) (8 marzu 2023). Consultáu'l 9 marzu 2023.
- ↑ «Caputova Was Awarded Emperor Otto Prize for Contribution to European Integration» (inglés) (30 agostu 2023). Consultáu'l 31 agostu 2023.
- ↑ «Zuzanu Čaputovú ocenili v Prahe Zlatou medailou Univerzity Karlovej» (eslovacu) (16 payares 2023). Consultáu'l 18 payares 2023.
- ↑ «Prezydent Słowacji z wizytą w Polsce» (polacu) (16 abril 2024). Consultáu'l 11 mayu 2024.
- ↑ URL de la referencia: https://www.president.gov.ua/documents/3102024-50785.
- ↑ «Čaputová na zámku Schloss Hof vyzdvihla výborné vzťahy s Rakúskom» (eslovacu) (29 mayu 2024). Consultáu'l 31 mayu 2024.
- ↑ «Čaputová a Pavel si navzájom udelili najvyššie štátne vyznamenania» (eslovacu) (13 xunu 2024). Consultáu'l 13 xunu 2024.
- ↑ «Prague European Summit | Slovak President Čaputová warned against the rise of extremism and hatred on social media» (inglés) (13 xunu 2024). Consultáu'l 15 xunu 2024.
- ↑ URL de la referencia: https://www.prezident.sk/en/page/biography/. Llingua de la obra o nome: inglés.
- ↑ a.s, Petit Press. «Čaputová sa vzdala funkcie podpredsedníčky Progresívneho Slovenska» (eslovacu). domov.sme.sk. Consultáu'l 2019-03-30.
- ↑ «Recuento final confirma la victoria de Caputova en presidenciales eslovacas». La Vanguardia (2019-03-31). Consultáu'l 2019-03-31.
- ↑ 21,0 21,1 21,2 21,3 Hervás, María (2019-03-30) (en castellanu). La ecologista que promete hacer justicia en Eslovaquia. ISSN 1134-6582. https://elpais.com/internacional/2019/03/23/actualidad/1553354674_564221.html. Consultáu'l 2019-03-30.
- ↑ AB (2016). «Los seis ganadores de los Premios Goldman 2016, los Nobel del Medio Ambiente». Consultáu'l 16 d'agostu de 2016.
- ↑ Lenghart, Patrik (2019-02-17). «Zuzana Čaputová – pre kresťana neprípustný kandidát? Analýza.» (sk-sk). Denník N. Consultáu'l 2019-03-30.
- ↑ Premio Goldman (2016). «Zuzana Caputova». Consultáu'l 16 d'agostu de 2016.
Enllaces esternos
editar
Wikimedia Commons acueye conteníu multimedia sobre Zuzana Čaputová.- Zuzana Čaputová na Internet Movie Database (n'inglés)
- Zuzana Čaputová en Facebook
- Zuzana Čaputová n'Instagram
- Zuzana Čaputová en Twitter
Datos: Q26273268- Multimedia: Zuzana Čaputová
