El Poder xudicial ye aquél que, d'alcuerdu cola llexislación vixente, ye l'encargáu de l'aplicación de les normes xurídiques na resolución de conflictos. Por "Poder" nel sen de poder públicu, atalántase el conxuntu de muérganos del estáu que nel casu del Poder Xudicial son los muérganos xudiciales o xurisdiccionales: xulgaos y tribunales, qu'exercen la potestá xurisdiccional.

Poder xudicial
poder del Estado (es) Traducir y institución
Bolsa de valores sistema xurídicu
Cambiar los datos en Wikidata

Según la teoría clásica de Montesquieu, la Separtación de Poderes garantiza la llibertá del ciudadanu. Montesquieu encaxinó la so teoría dempués d'un viaxe a Inglaterra au atalantó qu'un poder xudicial independiente pue ser un frenu eficaz del executivu.

Baxo esta Separtación de Poderes, ñaz el nomáu Estáu de Derechu, nel que los poderes públicos tan igualmente somorguiaos al imperiu de la llei. El Poder xudicial tien de ser independiente pa poder somorguiar a los restantes poderes, n'especial l'executivu, cuando estos escontraríen l'ordenamientu xurídicu.

El poder executivu y el llexislativu son dos poderes qu'a vegaes tamién s'enfrenten. Esto fai necesariu un poder xudicial fuerte y respetáu como ún de los poderes fundamentales del estáu cuya independencia ye un valor a caltener, darréu que d'ella depende que'l sistema nun dexe de funcionar, y pa que la democracia nun dea pasu a la dictadura.

La cadarma del poder xudicial cimbla de país en país, asina como los gonces usaos nel so nomamientu. Xeneralmente esisten dellos niveles de tribunales o xulgaos, coles decisiones de los tribunales inferiores siendo apellables énte tribunales superiores. Davezu hai una Corte Suprema o Tribunal Supremu que tien la cabera pallabra.

En dalgunos países esiste tamién un Tribunal o Corte Constitucional. Sicasí, la doctrina atalanta que nun forma parte del poder xudicial, sinón que ye una entidá nueva que se separta de la doctrina orixinal de Montesquieu. Nesti casu, el Tribunal Constitucional tien poderes llexislativos ñegativos, por cuantes pue derogar normes del rangu llegal contraries a la Constitución.

Ver tamién editar


Referencies editar

Enllaces esternos editar