Jungfraujoch
Jungfraujoch ye un puertu de monte ente'l Mönch y el Jungfrau nos Alpes berneses na llende ente los cantones de Berna y Valais, dientro del área protexida Jungfrau-Aletsch declarada Patrimoniu de la Humanidá pola Unesco.[1]
| Jungfraujoch | |
|---|---|
 | |
| Situación | |
| Estáu federáu |  Suiza |
| Cantón | Berna |
| Tipu |
rail mountain pass (en)  |
| Coordenaes | 46°32′52″N 7°58′59″E / 46.5478°N 7.9831°E |
  Jungfraujoch Jungfraujoch (Suiza) | |
| Datos | |
| Altitú media | 3471 m |
| Web oficial | |
 | |
Puramente, el Jungfraujoch ye'l puntu más baxu de la crestería ente'l Mönch y el Jungfrau, a 3.471 msnm. Xusto percima d'esti allugamientu ta la estación de Jungfraujoch del ferrocarril Jungfraubahn, que con una altitú 3.454 msnm ye la estación de ferrocarril más alta d'Europa. El Jungfraujoch ye de cutiu llamáu la "Cume d'Europa" na lliteratura turística.
Non bien lloñe escontra l'este del puertu alza un picu llamáu la Sphinx ("Esfinxe"), que llega a un altor de 3.571 msnm. Empieza a partir del Jungfraujoch nel llau del Valais y el Gran glaciar Aletsch. Hai un ascensor hasta'l cume de la Sphinx, onde hai una plataforma dende onde puede contemplase el paisaxe y atópase un observatoriu científicu, l'Observatoriu Sphinx.
El Jungfraujoch ye tamién la sede d'una de les estaciones d'investigación atmosférica del Global Atmosphere Watch. Al Jungfraujoch solo puede llegase al traviés d'un túnel dek tren de cremallera de 7,3 km de llargu, sirvíu pol Jungfraubahn, que ye la más alta de les compañíes ferroviaries que collaboren ente sigo p'apurrir accesu al Jungfraujoch dende Interlaken.
Primer encruz
editar
Hai una tradición nel Oberland bernés, sofitada por dalguna evidencia documental, de que, antes de la gran medría de los glaciares, que paez asoceder mientres los últimos cuatro o cinco siglos, esistía un pasu practicable ente Grindelwald y Fiesch nel Valais. En dómina moderna l'antiguu pasu foi aldericáu, y la so posición precisa ye un asuntu inciertu. Yá que un hotel nel Eggishorn foi frecuentáu por montañeros ingleses, la practicabilidad de travesar la gran cresta que zarra la cabeza del glaciar Aletsch, y de esa manera coneuta'l Eggishorn con Grindelwald y la Wengernalp, convirtióse a la fin nun asuntu d'interés práuticu, y un problema topográficu qu'espertó la máxima emulación de los montañeros aventureros. La resultancia foi que s'efectuaron non menos de cuatro pasos asemeyaes. Dos d'ellos —el Jungfraujoch y el Eigerjoch— pueden cuntase ente los pasos más difíciles nos Alpes.[2]
Nun paez que la idea d'intentar xubir el llau septentrional del Jungfraujoch surdiera dalguna vegada na mente de nativos o estranxeros, hasta que dellos miembros aventureros del Club Alpín, animaos pol ésitu d'una empresa qu'igualmente paez ensin esperanza - el pasu del Eigerjoch — decidieron faer l'intentu. Dos partíes separaes, qu'escorríen el mesmu oxetivu, atópase en Grindelwald en xunetu de 1862 y decidieron xunir les sos fuercies pa la xubida. Taba formada por Leslie Stephen, F. J. Hardy, H. B. George, Liveing, Moore, y Morgan, con Christian Almer, Christian y Peter Michel, Ulrich Kauffmann, P. Baumann y C. Bohren, como guíes.
 Parámetros climáticos permediu de Jungfraujoch 
| |||||||||||||
|---|---|---|---|---|---|---|---|---|---|---|---|---|---|
| Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
| Temperatura máxima media (°C) | -10.3 | -10.7 | -8.8 | -7.8 | -3.7 | -0.8 | 1.7 | 1.6 | 0.2 | -2.5 | -7.2 | -9.2 | -4.9 |
| Temperatura media (°C) | -13.6 | -14.2 | -13.1 | -10.8 | -6.7 | -3.7 | -1.2 | -1.2 | -2.6 | -5.2 | -10.4 | -12.3 | -7.9 |
| Temperatura mínima media (°C) | -16.6 | -16.8 | -15.7 | -13.4 | -9 | -5.9 | -3.4 | -3.3 | -5.1 | -7.6 | -12.8 | -15.3 | -10.4 |
| Fonte: MeteoSchweiz[3] 8 de mayu de 2009 | |||||||||||||
Galería
editar-
Xubida al Junfraujoch -
Glaciar Aletsch -
Esquí de travesía nel Glaciar Aletsch -
Heliswiss
Ver tamién
editarReferencies
editar- ↑ «Swiss Alps Jungfrau-Aletsch». UNESCO Culture Sector. Consultáu'l 30 de marzu de 2015.
- ↑ John Ball, The Alpine guide, Central Alps, p. 106, 1866, Londres
- ↑ «Temperature and Percipitation Average Values-Table, 1961-1990» (alemán, francés, italianu). Federal Office of Meteorology and Climatology MeteoSwiss. Archiváu dende l'orixinal, el 27 de xunu de 2009. Consultáu'l 8 de mayu de 2009.
Enllaces esternos
editar
Wikimedia Commons acueye conteníu multimedia sobre Jungfraujoch.- Jungfraubahn
- Panorama dende lo alto de la Sphinx Archiváu 2007-04-03 en Wayback Machine
Datos: Q665676- Multimedia: Jungfraujoch
