Wikipedia

June Foray

June Lucille Forer (18 de setiembre de 1917, Springfield – 26 de xunetu de 2017, Los Angeles)[7][8][9] foi una actriz de voz d'Estaos Xuníos conocida por emprestar la mesma a dellos personaxes animaos ente los que s'atopa The Rocky and Bullwinkle Show, Lucifer de La Cenicienta, Cindy Lou de El Grinch, Pitufo Chanciosa, la Bruxa Hazel, etc...

June Foray
Vida
Nacimientu Springfield[1], 18 de setiembre de 1917[1]
Nacionalidá Bandera de Estaos Xuníos d'América Estaos Xuníos
Muerte Los Angeles[2], 26 de xunetu de 2017[3] (99 años)
Sepultura Cementeriu Westwood Village Memorial Park
Causa de la muerte paru cardiorrespiratoriu[4]
Familia
Casada con Hobart Donavan (en) Traducir (1955 – m. 1976)
Estudios
Llingües falaes inglés[5]
Oficiu actriz de voz, actriz de cine, actriz
Altor 1,5 m
Trabayos destacaos Looney Tunes (es) Traducir
Premios
IMDb nm0004931
Cambiar los datos en Wikidata

A lo llargo de la so carrera trabayó na radio, en pequeñes obres teatrales, películes y series de televisión y cantar (de normal con Stan Freberg) ente otres collaboraciones. Foray foi una de los fundadores d'ASIFA-Hollywood, organización que promueve y subvenciona el xéneru d'animación. Anguaño tien una Estrella de Hollywood nel Paséu de la Fama.[10]

Vida temprana y entamos editar

June Foray nació en Springfield, Massachusetts y ye la primera de tres hermanos de los sos padres: Maurice ya Ida.[11] Durante la so infancia moró al oeste del Estáu na 75 d'Orange Street.[11] A los 12 debutó nun programa dramáticu de la radio local y a los 15 empezó a trabayar con más frecuencia.[10] Dos años dempués graduaríase n'Institutu de Música Clásica y camudaríase cola so familia a Los Angeles, California, onde moraba'l so tíu maternu dempués de que Maurice empezara a tener problemes económicos.[11] Ellí empezó a collaborar na emisora WBZA nel so propiu programa Lady Make Believe show. Bien llueu se convertiría nuna prometedora actriz de voz con cameos en programes a nivel nacional ente los que s'inclúi Lux Radio Theater y The Jimmy Durante Show.[11]

Carrera editar

Nos años 40 empezó la so carrera cinematográfica, la mayor parte de les sos películes fueron como actriz de voz ente que n'otres tantes actuó en pequeños papeles en imaxe real.

Na compañía Disney emprestó la so voz a personaxes de delles películes de la productora: el gatu Lucifer de La Cenicienta, la madre de Lambert en Lambert the Sheepish Lion, la serena de Peter Pan y la Bruxa Hazel en dellos curtiumetraxes; delles décades dempués volvería collaborar con Disney pa pone-y la voz a la güela Fa de Mulan. Tamién empresto la voz a dellos personaxes en Páxaru llocu. A partir de 1955 trabayaría cola Warner Bros. y emprestaría la voz a l'Abuelita de los Looney Tunes en sustituyendo a Bea Benaderet con Chuck Jones como direutor.

Otros papeles fueron en Los Pitufos onde ponía la so voz a los personaxes Pitufo Chanciosu y Madre Natura; y Úrsula en George of the Jungle, amás de Cindy Lou en El Grinch.[ensin referencies]

Tamién interpretó personaxes antagonistes como la muñeca Talky Tina en The Twilight Zone amás d'otros personaxes femeninos en Rikki-Tikki-Tavi ente los que s'atopa la cobra Nagaina.[10]

Nos estudios Hanna-Barbera destaquen les sos voces a dellos personaxes de The Flintstones, Tom y Jerry, Scooby-Doo, Where are You! y The Jetsons ente otres series. La so voz tamién s'escuchó en dellos anuncios empobinaos por Stan Freberg, álbumes y series radiofóniques de 1957. Durante los años 60 y años 70 apaeció en programes especiales televisivos.

Foray ye quiciabes más conocida por emprestar la so voz a dellos personaxes femeninos de la serie The Rocky and Bullwinkle Show como Natasha Fatale y Nell Fenwick a parte del protagonista principal Rocky. Dende 1981 hasta 1983 emprestaría la so voz a Tía May Parker de Spider-Man and His Amazing Friends al igual qu'a Magica De Spell y Ma Beagle en DuckTales. A partir de 1985 participaría como Grammi Gummi na serie de Disney Osos Gummi xunto a Bill Scott hasta'l fallecimientu d'este en 1985. En 2003 apaeció como artista convidada en The Powerpuff Girls y en 2006 interpretó a Susan B. Anthony en tres episodios de The Radio Adventures of Dr. Floyd.

Chuck Jones comentó que "June Foray nun ye la versión femenina de Mel Blanc, sinón que Mel Blanc ye la versión masculina d'esta."[12]

En 1995 pasó a ser miembru d'ASIFA-Hollywood, organización que creó los Premios June Foray nel que se premia aquellos que contribuyeren de manera caritativa y ensin animo d'arriquecimientu a la industria de l'animación.[13] En 2007 foi la principal collaboradora del proyeutu d'animación.

Otres collaboraciones fueron nun episodiu de The Simpsons nel qu'interpretaba a la recepcionista del Rubber Baby Buggy Bumper Babysitting Service. Esa escena foi una parodia de Rocky and Bulwinkle nel que nengún de los personaxes (nin siquier el narrador) yeren capaces de pronunciar la frase. Más tarde foi homenaxada na mesma serie nel episodiu The Itchy & Scratchy & Poochie Show por aciu el pwersonaje de June Bellamy, actriz de voz ficticia que ponía la voz de Itchy y Scratchy, anque los actores encargaos d'emprestar les sos voces a los respeutivos personaxes son Dan Castellaneta y Harry Shearer. Nel 2000 volvió empresta-y la so voz a Natasha na adautación cinematográfica de Les aventures de Rocky y Bullwinkle. En 1984 apaeció xunto con Jim Carrey en The Duck Factory.

Amás de la mentada adautación en imaxe real de Rocky y Bullwinkle, en 2001 emprestó la so voz a Rocky nel episodiu de Padre de familia: The Thin White Line nel que mentaba la conocida frase del personaxe: "Y agora amosémos-yos daqué qu'espero que-yos guste de verdá".

Otra collaboración ye en Pirates del Caribe. En payares de 2009 participó como artista convidada en dos episodios de The Marvelous Misadventures of Flapjack.

En 2011 volvió interpretar a la Abuelita en The Looney Tunes Show. El mesmu añu foi gallardoniada col Premiu Icon de la Comic Con nos Scream Awards. Más tarde volvió interpretar el personaxe nun curtiu animáu col que foi nomada a un Premiu Óscar.[14]

En 2012 ganó per primer vegada a un Premiu Emmy na categoría a la Meyor Actriz Principal pol so papel de Sra. Cauldron en The Garfield Show siendo hasta la fecha, l'actriz más llonxeva en consiguir el premiu.[15]

Muerte editar

El 26 de xunetu de 2017, Foray morrió nun hospital en Los Angeles, California, na edá de 99, menos de dos meses antes del so centésimu cumpleaños. Ella tuviera en cayente de salú dende un accidente automovilísticu en 2015.

Bibliografía editar

  • Foray, June (2006). Perverse, Adverse and Rottenverse. Albany, New York: BearManor Media. ISBN 1-59393-020-8
  • Foray, June (2009). Did You Grow Up With Me, Too? The Autobiography of June Foray. Albany, New York: BearManor Media. ISBN 978-1-59393-461-3

Referencies editar

  1. ↑ 1,0 1,1 Michael Cavna (27 xunetu 2017). «The Washington Post» (inglés). Fred Ryan. Consultáu'l 27 xunetu 2017.
  2. ↑ Robert D. McFadden (27 xunu 2017). «June Foray, Virtuoso of Cartoon Voices, Notably Rocky’s, Dies at 99» (inglés). The New York Times. The New York Times Company. Consultáu'l 26 avientu 2018.
  3. ↑ «Cartoon Brew» (27 xunetu 2017). Consultáu'l 27 xunetu 2017.
  4. ↑ Tienes d'especificar urlarchivu = y fechaarchivu = al usar {{cita web}}.«June Foray, voice of Rocky the Flying Squirrel, dead at 99» (27 xunetu 2017). Consultáu'l 26 avientu 2018.
  5. ↑ URL de la referencia: https://plus.si.cobiss.net/opac7/conor/317576291.
  6. ↑ URL de la referencia: https://www.comic-con.org/awards/inkpot. Data de consulta: 28 xunetu 2021.
  7. ↑ 1920 U.S. census. Some sources have cited 1918, 1919 and 1920 as her year of birth.
  8. ↑ Most references cite 1917, however Intelius indicates that her year of birth is 1918
  9. ↑ Muerre June Foray, reconocida actriz de voz de dibuxos animaos, a los 99 años.
  10. ↑ 10,0 10,1 10,2 «June Foray». Los Angeles Times. Consultáu'l 28 de xunetu de 2012.
  11. ↑ 11,0 11,1 11,2 11,3 Urban, Cori (18 de mayu de 2012). escritu en Springfield, Massachusetts. «June Foray nominated for Emmy; voice legend behind Rocky the Flying Squirrel, Cindy Lou Who». The Republican. http://www.masslive.com/entertainment/index.ssf/2012/05/june_foray_nominated_for_emmy.html. Consultáu'l 14 de xunu de 2012. 
  12. ↑ «The Remarkable June Foray». Animation World Magacín. Archiváu dende l'orixinal, el 12 de xunu de 2012. Consultáu'l 14 de xunu de 2012.
  13. ↑ «June Foray Award». Annie Awards. Archiváu dende l'orixinal, el 12 de xunu de 2012. Consultáu'l 14 de xunu de 2012.
  14. ↑ «10 Animated Shorts Move Ahead in 2011 Oscar Race». Academy of Motion Picture Arts and Sciences. Archiváu dende l'orixinal, el 12 de xunu de 2012. Consultáu'l 14 de xunu de 2012.
  15. ↑ «Daytime Emmy Nominations». Entertainment Weekly. http://insidetv.ew.com/2012/05/09/general-hospital-leads-daytime-emmy-noms/. Consultáu'l 12 de xunu de 2012. 

Enllaces esternos editar

 
Sacáu de «https://ast.wikipedia.org/w/index.php?title=June_Foray&oldid=3996701»