Wikipedia

Isao Takahata

Isao Takahata (高畑 勲 Takahata Isao?) (29 d'ochobre de 1935, Ise – 5 d'abril de 2018, Tokiu) ye un direutor, productor y guionista de cintes d'animación xaponesa. Ye unu de los creadores más importantes del xéneru. Ye cofundador, xunto col so amigu Hayao Miyazaki, de los afamaos estudios Ghibli. La so obra más destacada ye La tumba de les luciérnagas.

Isao Takahata
Vida
Nacimientu Ise, 29 d'ochobre de 1935[1]
Nacionalidá Bandera de Xapón Xapón
Llingua materna xaponés
Muerte Tokiu[2], 5 d'abril de 2018[2] (82 años)
Causa de la muerte cáncanu de pulmón[3]
Estudios
Estudios Universidá de Tokiu
Llingües falaes xaponés[4]
Oficiu direutor de cine, guionista, impresariu, direutor d'animación, animador, productor, traductor, productor, realizador
Emplegadores Toei Animation
Telecom Animation Film (es) Traducir
Nippon Animation (es) Traducir
Shin-Ei Animation (es) Traducir
Studio Ghibli  (1985 –
Trabayos destacaos La tumba de las luciérnagas (es) Traducir
Premios
Nominaciones
IMDb nm0847223
Cambiar los datos en Wikidata

Biografía editar

Takahata asistió a la Universidá de Tokiu, onde se gradúo en lliteratura francesa. Foi la película Le Roi et l'Oiseau del animador francés Paul Grimault lo que-y llamó l'atención poles sos posibilidaes y decidió dedicase al mundu de l'animación.[7] Takahata empecipió pos la so carrera nos estudios de Toei Animation, como ayudante de direición, onde dirixó la so primer película, Les aventures de Hols: Príncipe del sol —Taiyou non Ouji Horusu non Daibouken, 1968—, na que tamién participó Miyazaki.

Ente 1974 y 1978, tamién cola intervención de Miyazaki, trabayó en Nippon Animation para World Masterpiece Theater, series d'animación pa la TV basaes en clásicos de la lliteratura infanto-xuvenil. La primer obra foi Heidi, la neña de los Alpes (1974). Revolucionaria pola so concepción reposada y costumista, lloñe de les series d'animación de la dómina con trames d'aición y fantasía, la obra foi un sorprendente ésitu mundial.

Dempués Takahata dirixó otros dos series de pareya calidá ya importancia: Marcu (De los Apeninos a Andar) y Anne of Green Gables.

Más tarde, él y Miyazaki independizáronse y fundaron Studio Ghibli en 1985, na cual Takahata dirixó cinco películes: La tumba de les luciérnagas (1988), considerada por munchos una de les obres maestres del cine animáu xaponés), Alcordances del ayeri (1991), Pompoko (1994), Los mios vecinos los Yamada, (1999) y El cuentu de la princesa Kaguya (2013), película basada nel cuentu popular xaponés El cortador de bambú (Taketori Monogatari).

Tamién participó n'otros roles (principalmente como productor) en Kaze no Tani no Naushika (1984),El castiellu nel cielu (1986), y Nicky, l'aprendiz de bruxa, dirixíes por Hayao Miyazaki.

Obra editar

TV editar

Filmografía editar

Como productor

Referencies editar

  1. ↑ Afirmao en: Internet Movie Database. Identificador IMDb: nm0847223. Data de consulta: 12 agostu 2015. Llingua de la obra o nome: inglés.
  2. ↑ 2,0 2,1 «Studio Ghibli Co-Founder Isao Takahata Dies At 82» (inglés). Kotaku (5 abril 2018). Consultáu'l 5 abril 2018.
  3. ↑ «Isao Takahata, Leader in Japanese Animation, Dies at 82» (6 abril 2018). Consultáu'l 15 mayu 2018.
  4. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  5. ↑ URL de la referencia: https://jp.ambafrance.org/Remise-de-l-Ordre-des-Arts-et-des-8750. Data de consulta: 4 xineru 2022.
  6. ↑ URL de la referencia: http://awardsdatabase.oscars.org/Search/GetResults?query=%7B%22NomineeId%22:2891,%22IsHyperlinkQuery%22:true,%22Sort%22:%221-Nominee-Alpha%22,%22Search%22:%22Basic%22%7D. Data de consulta: 8 abril 2021.
  7. ↑ (26 de xunu de 2015) Studio Ghibli: The films of Hayao Miyazaki and Isao Takahata (n'inglés), páx. 8. ISBN 978-1-84344-489-3.
 
Sacáu de «https://ast.wikipedia.org/w/index.php?title=Isao_Takahata&oldid=4174120»