Kramer vs. Kramer
Kramer vs. Kramer (estrenada n'Asturies como Kramer escontra Kramer) ye una película d'Estaos Xuníos de 1979 dirixida por Robert Benton. Forma parte del AFI's 10 Top 10, na categoría "Películes xudiciales".
Sinopsis editar
Ted Kramer ye un nuevu padre y maríu qu'adora a la so familia, pero tamién el so trabayu, yá que ye ellí onde pasa la mayor parte del tiempu. Una tarde, al volver de trabayar, la so muyer Joanna enfréntase con él y abandónalu por que curie del fíu de dambos, de seis años. Ted tendrá de deprender a ser padre procurando coles mesmes nun desdexar la so carrera profesional. Pero cuando yá s'afixo a la so nueva vida y empieza a sentise realizáu como padre, Joanna vuelve. Y quier recuperar al so fíu.[8]
Comentarios editar
Ye una película basada na novela Kramer vs. Kramer[9] d'Avery Corman.
Enantes d'escoyer a Dustin Hoffman, los productores consideraren da-y el papel a Al Pacino. Pola so parte, Jane Fonda refugó'l papel interpretáu finalmente por Meryl Streep. Dustin Hoffman ayudó en gran manera al actor novel Justin Henry, analizando y comentando con él cada escena antes del rodaxe. El decoráu del apartamentu montáu nel interior del estudiu tuvo les midíes exactes resultantes del esterior del edificiu qu'apaez na película. El direutor de fotografía, Néstor Almendros, utilizó nos interiores lluz cenital y nos esteriores la lluz disponible pa tomar. La versión inicial tuvo una duración de 43 minutos adicionales al respective de la duración definitiva. Suprimiéronse sobremanera escenes con Jane Alexander y con JoBeth Williams.
Premios editar
Óscar 1979 editar
| Categoría | Persona | Resultáu |
|---|---|---|
| Meyor película | Ganadora | |
| Meyor direutor | Robert Benton | Ganador |
| Meyor actor | Dustin Hoffman | Ganador |
| Meyor actor de repartu | Justin Henry | Candidatu |
| Meyor actriz de repartu | Meryl Streep | Ganadora |
| Meyor actriz de repartu | Jane Alexander | Candidata |
| Meyor guión adaptáu | Robert Benton | Ganador |
| Meyor fotografía | Néstor Almendros | Candidatu |
| Meyor montaxe | Gerald B. Greenberg | Candidatu |
Adautaciones editar
Nel añu 2013 Kramer vs. Kramer foi refecha con un sabor mexicanu y un final inesperáu en No se aceptan devoluciones. Un filme drama-comedia coescritu, empobináu y protagonizáu por Eugenio Derbez.
En 1995, Kramer vs. Kramer foi refecha en La India como Akele Hum Akele Tum, protagonizada por Aamir Khan y Manisha Koirala.
Referencies editar
- ↑ «Internet Movie Database» (inglés). Consultáu'l 14 abril 2017.
- ↑ 2,0 2,1 2,2 2,3 URL de la referencia: http://stopklatka.pl/film/sprawa-kramerow. Data de consulta: 2 mayu 2016.
- ↑ URL de la referencia: http://www.allocine.fr/film/fichefilm_gen_cfilm=1237.html. Data de consulta: 2 mayu 2016.
- ↑ 4,0 4,1 4,2 4,3 4,4 4,5 URL de la referencia: http://www.imdb.com/title/tt0079417/fullcredits. Data de consulta: 2 mayu 2016.
- ↑ 5,0 5,1 Afirmao en: ČSFD. Llingua de la obra o nome: checu. Data d'espublización: 2001.
- ↑ URL de la referencia: https://www.cnc.fr/professionnels/visas-et-classification/52037. Data de consulta: 3 febreru 2023.
- ↑ Afirmao en: Filmografía Nacional Danesa.
- ↑ http://www.academia.edu/14189900/Argumento_kramer_vs_kramer
- ↑ Rincón de Lectura: "Divorciados (Kramer contra Kramer)" – Avery Corman.
Enllaces esternos editar
- Ficha de Kramer vs. Kramer na Internet Movie Database (n'inglés)
- [http://www.imsdb.com/scripts/Kramer-vs-Kramer.html Guión de la película
Datos: Q193577
