Campeonatu d'Europa de Fútbol de la UEFA 2012

(Redirixío dende Eurocopa 2012)

El Campeonatu d'Europa de Fútbol de la UEFA 2012 (o Eurocopa 2012) va a ser el decimucuartu campeonatu d'Europa de seleiciones organizáu pola UEFA. La fase final del tornéu va a facese en Polonia y Ucraína ente'l 8 de xunu y el 1 de xunetu de 2012. Esta va ser la tercer vegada na que dos países organicen xuntos el tornéu, dempués de Bélxica y Países Baxos nel añu 2000 y Austria y Suiza nel añu 2008.

Eurocopa 2012
Mistrzostwa Europy w Piłce Nożnej 2012 (polacu)
Чемпіонат Європи з футболу 2012 (ucraín)
Detalles del tornéu
Organizador  Polonia
 Ucraína
Feches Del 8 de xunu al 1 de xunetu
Equipos 16 (de 1 confederación)
Sede(s)(en 8 cuidaes)
Estadístiques del tornéu
Partíos 31
2008
Cambiar los datos en Wikidata

La candidatura conxunta Polonia/Ucraína fue escoyida pol Comité Executivu de la UEFA'l 18 d'abril de 2007 en Cardiff (Gales).

Esta va a ser la cabera fase final d'una Eurocopa con solo 16 países participantes, porque na fase final de 2016 yá van participar 24 seleiciones. La clasificación pa la fase final del tornéu entamó a xugase n'agostu de 2010 y va finar en payares de 2011.

Eleición del país organizador editar

Candidatures editar

Nun principiu, fueron cinco les candidatures presentaes, tando representaos siete países:

El 8 de payares de 2005, el Comité Executivu de la UEFA menguó les candidatures de cinco a tres, que presentaron un informe más detalláu como segunda fase del procesu, el 31 de mayu de 2006. La UEFA visitó los países candidatos en setiembre de 2006 y la eleición final foi tomada en Cardiff (Gales) el 18 d'abril de 2007. Los resultaos de les votaciones fueron:

Eleición del país organizador de la Eurocopa 2012
País 1ª votación 2ª votación
  Polonia -   Ucraína 7 8
  Italia 11 4
  Croacia -   Hungría 9 0
  Turquía 6 Eliminada
  Grecia 2 Eliminada

Procedimientu de votación editar

La eleición fízose con un procedimientu de doble vuelta, necesitándose mayoría absoluta na primer ronda pa ser proclamáu ganador de forma automática. Pa que la votación fuera válida, necesitábase la presencia de polo menos ocho miembros na sala. Como la candidatura Polonia - Ucraína recibió mayoría absoluta (8 votos), nun fizo falta facer una segunda ronda, y proclamósela ganadora.

La votación fízose ente los catorce miembros del Comité Executivu de la UEFA:

  1. Michel Platini (Francia) – Presidente
  2. Şenes Erzik (Turquía) – Primer vicepresidente
  3. Geoff Thompson (Inglaterra) – Segundu vicepresidente
  4. Ángel María Villar Llona (España) – Tercer vicepresidente
  5. Gerhard Mayer-Vorfelder (Alemaña) – Cuartu vicepresidente
  6. Marios N. Lefkaritis (Xipre) – Quintu vicepresidente
  7. Franco Carraro (Italia)
  8. Vyacheslav Koloskov (Rusia)
  9. Gilberto Madaíl (Portugal)
  10. Joseph Mifsud (Malta)
  11. Per Ravn Omdal (Noruega)
  12. Mircea Sandu (Rumanía)
  13. Mathieu Sprengers (Países Baxos)
  14. Hryhoriy Surkis (Ucraína)

Carraro y Surkis nun pudieron votar, por ser de países candidatos, asina que na votación hebo solo doce votos.

Datos de les candidatures nun escoyíes editar

Italia editar

Italia ya organizara la fase final de la Eurocopa en 1968 y 1980, y tamién los Mundiales de 1934 y 1990. La candidatura italiana paecía que yera la más sólida de les tres, gracies a que les infraestructures de tresporte son ellí xeneralmente bones, tien grandes posibilidaes pal abellugu de los visitantes, y amás la Federación Italiana de Fútbol tien esperiencia n'organizar grandes torneos. Por embargu, l'escándalu na Serie A en 2006 y los casos de violencia al rodiu del fútbol en Catania, qu'acabó cola muerte d'un oficial de policía y dexó al aire les deficiencies de seguridá en munchos estadios, xugaron en contra d'Italia a la hora de la votación final.

Les sedes que propusiera la Federación Italiana de Fútbol fueron:

Croacia y Hungría editar

Les siguientes ciudaes fueron propuestes poles federaciones croata y húngara:

Hungría yera candidata por tercer vegada consecutiva dempués de nun llograr organizar la Eurocopa 2004 nin la Eurocopa 2008. Xunióse a Croacia dempués de que'l so compañeru anterior, Austria, escoyó asociase a Suiza pa optar (y llograr) a organizar la Eurocopa 2008.

Nengún de los dos países organizara dalguna vegada un gran tornéu d'estes carauterístiques, anque en Zagreb, la capital de Croacia, xugóse una semifinal y el partíu pol tercer y cuartu puestu na Eurocopa 1976 cuando'l país yera parte de la República Federal Socialista de Yugoslavia. Amás, en Croacia ficiéronse tamién la Universiada 1987, l'Eurobásquet 1989, el Campeonatu d'Europa de Balonmano de la EHF 2000, el Campeonatu del Mundu de Balonmano 2003 (femenín), el Campeonatu d'Europa de Balón Volea de la CEV 2005 (femenín), el Campeonatu d'Europa de Patinaxe Artísticu sobre Xelu de la ISU 2008, el Campeonatu del Mundu de Balonmano 2009, el Troféu Snow Queen, el Gran Premiu de Zagreb de la IAAF, la Copa Continental de la IAAF 2010 y otros munchos.

Hai posibilidaes de que Croacia vuelva a presentar la so candidatura otra vegada, pero n'andecha con Italia y Eslovenia o con Bosnia y Herzegovina.

Sedes editar

Na Eurocopa 2012 tien d'haber 31 partíos, de los que 16 van ser n'Ucraína y 15 en Polonia.

  • Warsaw: tres partíos de grupu (incluyendo'l partíu inaugural), dos partíos de 1/4 de final y una semifinal.
  • Gdańsk: tres partíos de grupu.
  • Wrocław: tres partíos de grupu.
  • Poznań: tres partíos de grupu.
  • Kiev: tres partíos de grupu, dos partíos de 1/4 de final, una semifinal y la final.
  • Lviv: tres partíos de grupu.
  • Kharkiv: tres partíos de grupu.
  • Donetsk: tres partíos de grupu.
Warsaw Poznań Wrocław Gdańsk
National Stadium
Capacity: 55,920
Municipal Stadium
Capacity: 45,830
Stadium in Maślice
Capacity: 45,771
PGE Arena Gdańsk
Capacity: 44,000
       
 
Kiev Donetsk Lviv Kharkiv
Olympic NSC
Capacity: 69,004
Donbass Arena
Capacity: 51,504
(Lviv New Stadium)
Capacity: 33,500
Metalist Stadium
Capacity: 41,411

Sedes descartaes editar

Tamién fueron consideraes, pero descartáronse dempués del conceyu de la UEFA del 13 de mayu de 2009, les ciudaes siguientes:

Ciudá Estadiu Capacidá Club
Chorzów Silesian Stadium 55,211 Polonia (Górnik Zabrze, GKS Katowice, Ruch Chorzów, Polonia Bytom solo en partíos importantes)
Kraków Wisła Stadium 33,680 Wisła Kraków
Odesa Chornomorets Stadium 34,362 FC Chornomorets Odessa
Dnipropetrovsk Dnipro Stadium 31,003 FC Dnipro Dnipropetrovsk

Participación editar

Na Eurocopa 2012 van participar 16 seleiciones nacionales, como vien siendo dende 1996. Munches federaciones europees taben a favor d'ampliar el tornéu a 24 equipos pol incrementu de miembros de la UEFA nos últimos años (mientres qu'antes de la desaparición de la Xunión Soviética y Yugoslavia yeren 33, n'abril de 2006 yá sumaben 53). Por embargu, el 17 d'abril de 2007, el Comité Executivu de la UEFA rechazó l'ampliación en 2012, anque en setiembre de 2008 anuncióse la intención de facelo en 2016.

Clasificación editar

La fase clasificatoria pa la Eurocopa 2012 entamó n'agostu de 2010 y tien de finar en payares de 2011. El sortéu pa esta fase fízose na Sala Kongresowa del Palaciu de la Cultura y la Ciencia de Varsovia el 7 de febreru de 2010. Esta foi la primer vegada que pa componer los bombos del sortéu usóse'l nuevu coeficiente pa seleiciones de la UEFA. España, como vixente campeón d'Europa foi direutamente colocada nel primer bombu.

En total, ficiéronse nueve grupos, seis d'ellos con seis equipos y tres d'ellos con cinco. Van clasificase pa la fase final el primer clasificáu de caún de los grupos y el meyor d'ente tolos segundos (nos grupos con seis equipos, nun se tienen en cuenta lso resultaos escontra l'últimu equipu del grupu).

Los otros ocho segundos de grupu van xugar ente ellos una eliminatoria a doble partíu, clasificándose tamién pa la fase final los ganadores.

Equipos clasificaos editar

  Polonia (organizador)   Ucraína (organizador)

Otros temes editar

Logotipu y eslogan editar

El logotipu oficial de la competición fue desveláu nun eventu especial na Plaza Mykhailivs'ka de Kiev, el 14 d'avientu de 2009. Garra la so identidá visual del Wycinanki, l'arte tradicional de corte de papel practicáu en Polonia y nes árees rurales d'Ucraína. El logotipu cunta con una flor por caúna de les naciones que van organizar el tornéu y un balón de fútbol nel mediu, que representa la emoción y la pasión de les Eurocopes; el tallu de la flor simboliza a la UEFA y al fútbol européu, l'aspeutu estructural de la competición. Los colores usaos nel logotipu inspiráronse tamién na naturaleza.

La ceremonia de presentación del logotipu cuntó colos presidentes de les federaciones polaca y ucraína de fútbol, Grzegorz Lato y Hryhoriy Surkis, y col presidente de la UEFA Michel Platini. Tamién taben el presidente d'Ucraína y la primer ministra d'esi país, Viktor Yushchenko y Yulia Tymoshenko. Como parte del eventu, edificios simbólicos de les ocho sedes fueron illuminaos col tamién col logotipu.

L'eslogan de la competición, "Faciendo historia xuntos" (Razem tworzymy przyszłość, en polacu y Творимо історію разом, n'ucraín) foi anunciáu al mesmu tiempu que'l logotipu. L'eslogan reflexa'l fechu de que Polonia y Ucraína representen los países organizadores más al este na historia de les Eurocopes.

Entraes editar

Les entraes pa la Eurocopa 2012 van salir a la venta na primavera de 2011. Van ofrecese entraes individuales pa los partíos y tamién series pa caún de los 16 equipos. Amás, va a haber entraes reservaes pa los aficionaos con falta de visión, que necesiten silla ruedes y acompañante. Ye tamién posible rexistrar una direición de corréu electrónicu pa ser informáu sobre l'entamu de les ventes d'entraes.

Referencies editar

Enllaces esternos editar