Faustino Zapico

Faustino Zapico
Vida
Nacimientu	5 d'avientu de 1970 (54 años)
Nacionalidá	España
Estudios
Llingües falaes	castellanu
Oficiu	políticu

Faustino Zapico (5 d'avientu de 1970) ye llicenciáu n'Historia y Xeografía pola Universidá d'Uviéu, campu nel que tien asoleyaos dellos trabayos. Collabora davezu cola columna d'opinión L'Arcu de Texu nel selmanariu Les Noticies y de forma esporádica nos periódicos; La Voz de Asturias, La Nueva España y El Comercio. Anguaño participa nel programa de la RPA a Noche tras noche.

Biografía

Faustino Zapico nació en Mieres del Camín. Dende l'añu 1996 exerz como profesor de secundaria, actividá que lu llevó dellos años fuera d'Asturies y ye afiliáu del sindicatu d'enseñu SUATEA. Dende mozu militó en delles organizaciones sociales y polítiques: formó parte del Conceyu d'Estudiantes Nacionalistes (CEN); del Comité de Solidariedá con América Llatina (COSAL); de la Xunta pola Defensa de la Llingua Asturiana y militó nel partíu Unidá Nacionalista Asturiana (UNA). En 1992 foi ún de los fundadores d'Izquierda Asturiana (IAS) de la que foi portavoz y actual Secretariu Xeneral. Tamién foi portavoz de la federación de partíos Unidá Nacionalista Asturiana (UNA), puestu del que dimitió en xineru del 2011 por diferencies na interpretación de la ponencia congresual d'esta organización.^[1] Anguaño ye'l Secretariu Xeneral d'Izquierda Asturiana (IAS).

Dende xunu del 2015 ye conceyal en Mieres, onde va coordinar la estaya de Servicios a la Ciudadanía (qu'engloba les conceyalíes d'Infancia, de Mocedá, de Cultura, de Deportes, de Memoria Democrática, d'Educación, de Participación Ciudadana, y de Política Llingüística) y facese cargu de les conceyalíes d'Educación, de Participación Ciudadana y de Política Llingüística.

Tien fecho investigaciones en dellos campos históricos, pero destaca ente elles el so llabor sobre les corrientes polítiques na Asturies contemporánea. Nesi marcu entama los trabayos pa la so tesis doctoral sobre federalismu y autonomismu, bloquiada y nun almitida na Universidá d'Uviéu, dende 2005, por tar presentada n'asturianu.^[2] Nesi mesmu sen, publica en 2007 el llibru 1808 o l'aniciu de la historia contemporánea d'Asturies.

Ye autor tamién d'otros trabayos menores espardíos en delles publicaciones y d'un percompletu estudiu sobre Sudáfrica que vio la lluz baxo'l títulu Historia de Sudáfrica: El nacimientu d'una nación.

Anguaño reside en Los Nadales, L'Agüeria San Xuan, conceyu de Mieres.

Publicaciones

Ensayu

1808 o l'aniciu de la historia contemporánea d'Asturies.
Historia de Sudáfrica: El nacimientu d'una nación.

Revistes

Erada, dellos númberos.

Referencies

↑ Faustino Zapico dimite como voceru y miembru de la Xunta Executiva d'UNA Archiváu 2016-03-05 en Wayback Machine Les Noticies (10/02/2011)
↑ La Universidad rechaza la memoria de una tesis en asturiano La Voz de Asturias (20/04/2005)

Enllaces esternos

[1] Faustino Zapico dimite como voceru y miembru de la Xunta Executiva d'UNA Archiváu 2016-03-05 en Wayback Machine Les Noticies (10/02/2011)

[2] La Universidad rechaza la memoria de una tesis en asturiano La Voz de Asturias (20/04/2005)

[1]

[2]