Federico Fierro Botas
Federico González-Fierro Botas (30 de payares de 1942, Uviéu – 26 de xunu de 2002, Vladivostok) foi un sacerdote asturianu miembru de la Compañía de Xesús. Cursó los sos estudios nel Institutu de Bachilleratu Alfonsu II, diplomóse en Llingües Clásiques (Llatín y Griegu) doctor en Teoloxía, doctoráu en Ciencies Polítiques y Socioloxía cola tesis doctoral espublizada col títulu “La formación sindical impartida por Centrales representativas en España, 1976-1992”. Llicenciáu n'Historia siendo profesor d'Historia social. Fierro Botas foi espertu en llingua y lliteratura ruses y profesor visitante en delles universidaes de l'antigua Xunión Soviética y de l'actual Federación Rusa.
Federico Fierro Botas | |
|---|---|
| Vida | |
| Nacimientu | Uviéu, 30 de payares de 1942 |
| Nacionalidá |
 España |
| Muerte | Vladivostok, 26 de xunu de 2002 (59 años) |
| Estudios | |
| Llingües falaes |
castellanu asturianu |
| Oficiu | escritor |
 | |
Foi cura obreru nos años 60 y 70 del sieglu XX, trabayando d'empleáu manual de fábriques, carteru y otros en Cataluña, Galicia y per Europa. Nesi tiempu entra en contautu col sindicalismu clandestín antifranquista y collabora con delles organizaciones obreres, sobremanera en materia de formación de los sos militantes. En 1996, fai un manual de formación sindical, entamáu nos sos años de cooperación coles organizaciones obreres antifranquistes. Viaxa en numberoses ocasiones a la Xunión Soviética onde surde'l so interés pola cultura rusa. Destináu pola so orde a Xixón trabaya como profesor na Fundación Revillaxixéu, onde llegará ser el xefe d'estudios y onde inxertará nel curriculu del centru educativu Llingua y Cultura Asturiana.
Federico Fierro ye miembru fundador del Coleutivu Manuel Fernández de Castro, plataforma qu'agrupa a sacerdotes favorables a la normalización de la llingua asturiana y de la que será presidente ente 1988-2002. Dende esta asociación publica xunta col tamién sacerdote Alexandru Rodríguez Alonso la torna al asturianu de la Lliturxa Católica y otres obres del mesmu calter. Ye cotraductor del Evanxeliu de San Lluques a la nuestra llingua. En 1991 fizo una versión n'asturiano de les Poesíes Líriques del rusu Alexander Pushkin. Asinamesmo, collabora dende'l primer momentu cola Sociedá Bíblica Internacional nel so proyeutu de torna al idioma asturianu de los distintos llibros de les Sagraes Escritures.
Col estudiu “Reflexión ético-política ante o referendu do Estatuto de Autonomía para Galicia”, espublizáu na revista “Encrucillada” nel 1980 recibe’l XXIII Premiu periodísticu Fernández Latorre” de “La Voz de Galicia”.
Foi Asesor de “Xusticia y Paz d'Asturies” dende 1985 y tamién Cordinador de la Vicaría Xeneral del Arzobispáu d'Uviéu pa les traducciones bíblico-llitúrxiques al asturianu 1988-2002 y patronu de la Fundación Caveda y Nava nel 2002 añu nel que morría a los 59 años nun acidente de tráficu en Vladivostok(Rusia) el 26 xunu d'esi mesmu añu.
L'Academia de la Llingua Asturiana convoca'l Concursu de recoyida de material lliterario escrito Federico Fierro G.-Botas, mientres que'l Conceyu de Xixón convoca añalmente dende 2008'l Premiu Federico G. Fierro Botas d'ensayu y trabayos d'investigación.
Obres
editarEnsayu
editar- La formación sindical impartida por centrales representativas en España (1976-1992) / Federico G.-Fierro Botas. -- Madrid : M.L., 1997. ISBN 84-605-5899-1
Torna
editar- Púxkin, Alexandru Sergueevich. Poesíes llíriques / versión billingüe y traducción dende los orixinales rusos, escoyeta, entamu y notes por Federico G.-Fierro Botas. -- Uviéu : Academia de la Llingua Asturiana, 1991. ISBN 84-86936-48-9
Ilésia Católica
editar- Lliturxa católica / traducción dende los orixinales llatinos vaticanos por Federico G.-Fierro Botas, Alexandru Rodríguez Alonso. -- Xixón : Alborá, 1991.ISBN 84-87562-07-8
- Oraciones, bendiciones, pidimientos y cancios relixosos n'asturianu / Federico G.-Fierro Botas, Alexandru Rodríguez Alonso. -- Xixón : Alborá Llibros, 1993.DL AS 1239-1993. -- ISBN 84-87562-09-4
- Homilíes : domingos y festividaes del añu de los ciclos llitúrxicos A,B,C, sacramentos y esequies / coordinador de la traducción y revisor xeneral del testu, Federico G.-Fierro Botas. -- Uviéu : Coleutivu Manuel Fernández de Castro, 1995. ISBN 84-605-3961-X
- Lleicionariu de la lliturxa de los domingos y festividaes de los ciclos: A,B,C : sacramentos y esequies / coordinador de la traducción y revisor xeneral del testu, Federico G.-Fierro Botas. -- Uviéu : Coleutivu "Manuel Fernández de Castro", 1997. ISBN 84-922628-0-X
Ver tamién
editarReferencies
editarEnllaces esternos
editar
Datos: Q13147167
