Festival Intercélticu d'Avilés

Festival Intercélticu d'Avilés
Direición	España
Historia
Fundación	1997
	Web oficial

El Festival Intercélticu d'Avilés ye un festival que se celebra escomencipiando'l branu n'Avilés y na so comarca (Asturies, España) dende 1997. Ta dedicáu a les tradiciones culturales (y les sos evoluciones) de los nomaos países celtes con especial pesu de la música y de la danza, anque tamién recueye otres formes d'arte como pintura, fotografía, teatru, escultura, artesanía asina como deportes, gastronomía, etc. Entámalu l'Asociación Cultural Esbardu, afincada na ciudá.

La idea de facer un festival d'esti tipu n'Avilés xurde, según cuntaren en delles ocasiones los responsables de l'asociación, na primer participación d'Esbardu nel perconocíu Festival Intercélticu de Lorient en 1993, onde queden ablucaos pola magnitú del mesmu y entamaron a barruntar la idea de facer daqué asemeyao (na midia de lo posible) n'Asturies, y más concretamente na so ciudá. D'esta mena nel branu de 1997 el proyeutu FIA algama una de les tres sovenciones aprobaes pol Gobiernu del Principáu d'Asturies, la de menos cuantía, amás d'otra dada pol Ayuntamientu d'Avilés y ñaz lo que foi la primer edición del festival. L'ésitu y la bona acoyida d'esta primer edición sirvió pa que la organización tirase p'alantre, a pesar del déficit económicu, coles siguientes ediciones. Na edición de 2006 el festival cuntó con 1.175 participantes direutos repartíos nos 150 actos programaos nos 11 díes que duró el mesmu, xuntando a 800 músicos, baillarines y actores nun mesmu desfile.

En 2008 recibió la distinción de Fiesta d'Interés Turísticu Rexonal

Galería de semeyes

El Gaiteru de Veriña nel IX Festival el 22 de xunetu de 2005
Muestra de corte con hachu (2005)
Pareya de baille tradicional asturianu (2004)
Fonsu Mielgo (Llan de Cubel) nuna actuación nel VIII Festival (2004)
Lúnasa nuna actuación nel VIII Festival (2004)

Referencies

Enllaces esternos

Web oficial del Festival
Web oficial d'Esbardu