Fonte d'enerxía

Fonte d'enerxía
	tipo de fuente (es)
	fonte y recurso (es)

Les fontes d'enerxía son ellaboraciones naturales más o menos complexes de les que l'home ye quien a sacar enerxía pa facer un trabayu determináu.

Dende la prehistoria, cuando la humanidá descrubió'l fuebu pa se calecer y asar los alimentos, pasando pela Edá Media na que facía molinos de vientu pa moler el trigu, hasta la época moderna na que pue sacase enerxía elléutrica fisionando l'átomu pa ver la televisión, l'home guetó ensin s'aparar les fontes d'enerxía de les que s'aprovechar.

Les fontes d'enerxía emplegaes pricipalmente, dende la Revolución Industrial hasta los nuesos díes, foron los combustibles fósiles; per un llau'l carbón p'alimentar les máquines de vapor industriales y de tracción ferrocarril asina como los llares, y per otru, el petroleu y los sos derivaos na industria y nel tresporte (principalmente l'automóvil), sicasí éstes convivieron con otres a menor escala como la enerxía eólico, la enerxía hidráulico, la biomasa, etc.

Esti modelu de desendolcu, sicasí, ta destináu al escosamientu de los recursos fósiles, ensin que seya posible la so reposición enantes de dellos millones d'años...

La gueta de fontes d'enerxía nun escosables y l'intentu de les grandes potencies industrializaes d'encontar les sos economíes ñacionales amenorgando la so dependencia de los combustibles fósiles, concentraos en territorios foriatos tres de la esplotación y cásique escosamientu de los recursos llariegos, llevólos a l'adopción de la enerxía nuclear y naquellos con abondos recursos hídricos, al aprovechamientu hidráulicu intensu de los sos cursos d'augua.

A fines del sieglu XX entamóse a cuestionar el modelu enerxéticu por dos razones:

Los problemes mediuambientales derivaos del emplegu de combustibles fósiles, como'l smog de grandes ciudaes como Londres o Los Angeles, o l'escalientu global de la planeta.

Los riesgos de l'emplegu de la enerxía nuclear, manifestaos n'accidentes como'l de Chernóbil.

Propónse entós l'emplegu d'enerxíes llimpies, ye dicir, aquelles qu'amenorguen los impautos ambientales producíos, ente les qu'hai que citar l'aprovechamientu de:

El Sol: enerxía solar
El vientu: enerxía eólico
Los ríos y corrientes d'augua duce: enerxía hidráulico
Los mares y océanos:enerxía mareomotriz
La calor de la Tierra: enerxía xeotérmico
L'átomu: enerxía nuclear
La materia orgánico: biomasa, gas natural (Éstes son enerxías renovatibles, pero non llimpies; son "sucies" como tou combustible, pues emiten CO2)

Toes elles son renovatibles, cola esceición del gas natural.

Al respeutive de les denomaes enerxíes alternatives (vientu, augua, sol y biomasa), hai que señalar que la so esplotación a escala industrial, contéstase dende dellos grupos ecoloxistes, dao que los impautos mediuambientales d'estes instalaciones y de les llinies de distribución d'enerxía elléutrica que precisen puen ser importantes, perespecialmente si como pasa abondes vueltes (casu de la enerxía eólico) s'ocupen espacios naturales que permanecíen ayenos al home.

Ver tamién editar

Referencies editar

Enllaces esternos editar

Wikimedia Commons tien conteníu multimedia tocante a Fonte d'enerxía.