Francisco de Assis Rosa y Silva
Francisco de Assis Rosa y Silva (4 d'ochobre de 1856, Recife – 1 de xunetu de 1929, Rio de Janeiro) foi un políticu brasilanu, vicepresidente de la República de 1898 a 1902 nel Gobiernu de Campos Sales.
Biografía
editarFormáu en Derechu na Universidá de Recife, foi diputáu provincial con 25 años. La so fía casóse con Aníbal Freire, diputáu federal y ministru de Facienda nel Gobiernu de Arthur Bernardes, ministru del Supremu Tribunal Federal y direutor del Jornal do Brasil.
Trayeutoria
editarDiputáu provincial en 1882 y diputáu xeneral de 1886 a 1889, mientres la dómina Imperial foi ministru de Xusticia nel gabinete de João Alfredo Correia de Oliveira.
Yá na República, foi diputáu na llamada Assembleia Constituinte de 1890 y nes siguientes llexislatures, siendo presidente de la Câmara dos Deputados de Brasil nel bieniu 1894 — 1895. Foi electu senador por Pernambuco en 1895, mandatu al qu'arrenunció en 1898 p'asumir el cargu de vicepresidente de la República.
Termináu'l mandatu de vicepresidente, volvió al Senáu, onde terminó la so carrera política.
Anéudota
editarPola so orientación política, l'entós gobernador de Pernambuco Sigismundo Gonçalves, fiel rosista, mandó a la policía estatal a prender deliberadamente fueu al Derby Centru Comercial de Recife, un modernu centru comercial, el 2 de xineru de 1900, destruyendo aquel establecimientu pioneru acabante crear por Delmiro Augusto da Cruz Gouveia, del que yera enemigu políticu y de quien recibiera despropósitos en públicu. El periódicu de Recife A Província publicó, el 4 de xineru de 1900, una telegrama atribuyíu al entós gobernador Sigismundo Gonçalves empobináu al conseyeru Rosa y Silva: "Mercáu amburáu. Delmiro presu. Saludos, Sigismundo Gonçalves".[1]
Referencies
editarEnllaces esternos
editarVicepresidentes de Brasil |
Floriano Peixoto | Manuel Vitorino Pereira | Francisco de Assis Rosa y Silva | Silviano Brandão | Afonso Pena | Nilo Peçanha | Venceslau Brás | Urbano Araújo | Delfim Moreira | Bueno de Paiva | Estácio Coimbra | Fernando de Melo Viana | Vital Soares | Nereu de Oliveira Ramos | Café Filho | João Goulart | José Maria Alkmin | Pedro Aleixo | Augusto Rademaker | Adalberto Pereira do Santos | Aureliano Chaves | José Sarney | Itamar Franco | Marco Maciel | José Alencar |