Genesis

Genesis
Datos
Tipu	grupu musical
Miembros	Tony Banks, Peter Gabriel, Mike Rutherford, Phil Collins, Anthony Phillips, Steve Hackett (es) , Ray Wilson, Daryl Stuermer, Chester Thompson y Bill Bruford
Xéneru	rock progresivu, art rock (es) , soft rock y Pop progresivo (es)
Sellu discográficu	Charisma; ABC Records; Atco Records; Atlantic Records; Decca Records
País	Reinu Xuníu
Orixinarios de	Godalming, Surrey
Fecha fundación	1967
	Web oficial

Genesis ye un un famosu grupu británicu de rock progresivu formáu en 1967 en Godalming, Surrey.

Historia

Genesis primeramente taba integráu pol cantante Peter Gabriel, el baxista Mike Rutherford, el guitarrista Anthony Phillips, el teclista Tony Banks y el batería Chris Stewart. El nome de la banda, dau por Jonathan King (manager y productor), alude al Xénesis (primer llibru del Vieyu Testamentu). Les sos composiciones d'esi periodu inicial, d'estilu pop sicodélicu, fueron llanzaes nun álbum debú From Genesis to Revelation (del Xénesis al Apocalipsis) en 1969, gracies a un contratu que King consígue-yos cola compañía Decca; sicasí Stewart vase mientres la grabación y nun toca en toles temes del discu, polo cual tuvo de ser completáu pol percusionista John Silver, quien finalmente tamién foise. Per otra parte, les ventes del álbum fueron escases, y los miembros del grupu consideraron que'l productor King nun-yos traxo nengún beneficiu, polo cual deciden abandonalo.

Por aquél entós contauten al dueñu del sellu discográficu Charisma, Tony Stratton-Smith, quien taba interesáu nel soníu y estética del grupu, sellu col que roblen contratu y graben el so segundu álbum, Trespass (1970), con John Mayhew a la batería. Termináu'l discu, Anthony Phillips decide abandonar el grupu por mieu escénico, que-y torgaba cumplir coles obligaciones de músicu nes xires que realizaben. Con él foise tamién John Mayhew.

Al traviés d'un anunciu na revista Melody Maker contauten a Phil Collins (batería) y Steve Hackett (guitarra) en 1970, quien resultaron ser los reemplazantes ideales, conformando asina l'alliniación clásica del grupu, que duraría hasta 1975, cuando'l cantante Peter Gabriel foise de la banda pa empezar la so carrera solo. D'esta dómina son los sos discos más renombraos, como Selling England by the Pound o The Lamb Lies Down on Broadway, ente otros, que-yos dio fama como un referente del rock progresivu d'aquellos tiempos. Dempués de la "dómina Gabriel" la banda siguió como cuartetu, y Phil Collins encargóse de la voz. En 1977 el guitarrista Hackett tamién foise, quedando Genesis amenorgáu a tríu.

Como tríu grabaron los sos discos más esitosos comercialmente nos años 1980, Abacab, Genesis ya Invisible Touch, con un soníu más entornáu al pop rock, siempres con Phil Collins como "frontman" quien, de la mesma, entamó una esitosa carrera como artista solista dende 1981, compaxinándola cola so actividá en Genesis. Sicasí Collins abandona'l grupu en 1996 pa centrase na so carrera en solitariu y na so vida personal. Finalmente Rutherford y Banks contraten a un cantante llamáu Ray Wilson, con quien graben l'álbum Calling All Stations (1997), anque la carrera de Genesis ensin Collins nun tenía futuru, y la banda dexa d'esistir oficialmente en 1999.

Collins, Rutherford y Banks axuntáronse en 2007, nel marcu de la xira "Turn It On Again Tour", anque'l regresu foi momentaneu, y el futuru de la banda paez tar zarráu.

Discografía

From Genesis to Revelation (1969)
Trespass (1970)
Nursery Cryme (1971)
Foxtrot (1972)
Selling England by the Pound (1973)
The Lamb Lies Down on Broadway (1974)
A Trick of the Tail (1976)
Wind & Wuthering (1976)
…And Then There Were Three… (1978)
Duke (1980)
Abacab (1981)
Genesis (1983)
Invisible Touch (1986)
We Can't Dance (1991)
Calling All Stations (1997)

Genesis

Conteníu

Historia

Discografía

Referencies

Enllaces esternos