Phil Collins
Philip David Charles Collins (30 de xineru de 1951, Putney Hospital (es) 
), más conocíu como Phil Collins, ye un destacáu cantante, compositor, batería, y actor británicu, y unu de los artistes de mayor ésitu de la música rock. Collins foi nomáu miembru de la Real Orde Victoriana (LVO) y de la Orde del Imperiu Británicu (CBE).
_(cropped).jpg)
Biografía
editarCollins empezó como integrante del grupu Flaming Youth, a fines de la década de 1960. Foi incorporáu a la banda de Peter Gabriel, Genesis, como batería y segunda voz en 1970, cuando Gabriel foise del grupu, en 1975, Collins asumió'l doble rol de batería y voz líder.
En 1981 empecipia una esitosa carrera en solitariu, compaxinándola col so trabayu en Genesis. Ente 1984 y 1989 Phil Collins lideró la llista d'ésitos d'Estaos Xuníos "Billboard Top 100" como cantante n'ocho rubros, siete como solista y unu con Genesis, banda de la que foi miembru ente 1970 y 1996. El 7 de marzu de 2011 fíxose pública la so retirada del mundu musical por problemes de salú, y por non sentise cómodu cola industria musical en llinies xenerales.
Los sos cantares de cutiu traten d'amores perdíos, temes personales y sobre el problema mundial de la probeza y el consumu de drogues. Según datos de Atlantic Records (de 2002) les ventes correspondientes a la so carrera en solitariu algamaron los 150 millones de discos en tol mundu. Collins ganó numberosos premios musicales a lo llargo de tola so carrera, incluyendo siete premios "Grammy", cinco premios "Brit", ente ellos "meyor artista británicu" en trés categoríes, un premiu de l'Academia de Hollywood y dos Globos d'Oru pol so trabayu en bandes sonores. Incluyóse nel "Salón de la Fama del Rock" como miembru de Genesis en 2010.
Collins ye unu de los trés artistes pop, xunto con Paul McCartney y Michael Jackson, que vendieron más de 100 millones d'álbumes en tol mundu, tantu nel so trabayu como artista solista, como miembru d'una banda. Cuntando'l so trabayu con Genesis, les sos contribuciones con otros artistes, y la so esitosa carrera en solitariu, Collins llogró más de cuarenta ésitos qu'encabezaron la llista del "Billboard Hot 100" mientres la década de 1980.
En 2008 Collins ocupó'l puestu númberu 22 na llista de los "100 meyores artistes de tolos tiempos", según el Billboard Hot 100. Dende va dellos años mora en Suiza.
Discografía
editar- 1981: Face Value
- 1982: Hello, I Must Be Going!
- 1985: No Jacket Required
- 1989: …But Seriously
- 1993: Both Sides
- 1996: Dance into the Light
- 2002: Testify
- 2010: Going Back
Referencies
editar- ↑ «Phil Collins - 70 Years, 70 Facts | I Like Your Old Stuff | Iconic Music Artists & Albums | Reviews, Tours & Comps» (29 xineru 2021). Consultáu'l 2 xunu 2022.
- ↑ Afirmao en: Gemeinsame Normdatei. Identificador GND: 118929518. Data de consulta: 14 agostu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: catálogu de la Biblioteca Nacional Checa. Identificador NKCR AUT: ola2002158996. Data de consulta: 1r marzu 2022.
- ↑ URL de la referencia: https://d23.com/walt-disney-legend/phil-collins/.
Enllaces esternos
editar
Wikimedia Commons acueye conteníu multimedia sobre Phil Collins.- Páxina web oficial (n'inglés)
- Phil Collins na Internet Movie Database (n'inglés)
- Phil Collins na Internet Broadway Database (n'inglés)
- Phil Collins n'AllMovie (n'inglés)
- Phil Collins en Facebook
- Phil Collins n'Instagram
- Phil Collins en Twitter
Datos: Q144622- Multimedia: Phil Collins
