Gomeisa
Gomeisa (β Canis Minoris / β CMi / 3 Canis Minoris)[9] ye la segunda estrella más brillosa de la constelación del Can Menor, detrás de Procyon (α Canis Minoris). De magnitú aparente +2,89, alcuéntrase a 170 años lluz de distancia del Sistema Solar.
Nome
editarEl nome de Gomeisa provién del árabe al-ghumaisa y significa «la del güeyu legañoso» o «la que llora».[10] La hestoria referir a una hermana que llora al quedar tras cuando Canopo y Siriu cuerren al sur pa salvar les sos vides.
Otros nomes menos utilizaos que recibe esta estrella son Algomeyla —como apaez nes Tables alfonsíes— y Gomelza.[11] Dacuando foi llamada Al Gamus y Al Murzim, títulu que recibe β Canis Majoris.[12]
Carauterístiques físiques
editarGomeisa ye una estrella caliente blancu-azulada de tipu espectral B8Ve, con una temperatura efectivo de 11.500 K. Unes 250 vegaes más lluminosa que'l Sol, el so diámetru ye cuatro veces mayor que la solar. Como otres estrelles allegaes, Gomeisa tien una elevada velocidá de rotación, de siquier 250 km/s, 125 vegaes mayor que la del Sol. Puesto que podemos tar mirando más escontra los polos de la estrella qu'escontra'l so ecuador, la velocidá puede ser bastante mayor. Les estrelles que la so temperatura ye cimera a 6500 K, como ye'l casu de Gomeisa, roten bien apriesa, ente que les estrelles que la so temperatura ye inferior, como'l Sol, roten muncho más adulces. Nesti últimu casu, la esistencia d'un campu magnéticu fai que la velocidá de rotación vaya menguando col tiempu.[13]
La rápida rotación xenera un discu de materia en redol a la estrella qu'emite radiación, tando clasificada como una estrella Be, al igual que γ Cassiopeiae o Alcíone (η Tauri). El diámetru del discu —que'l so tamañu pudo ser midíu direutamente— ye casi cuatro veces mayor que'l de la estrella. Al igual que Nunki (σ Sagittarii) o Adhara (ε Canis Majoris), ta arrodiada per una fina nube de gas y polvu interestelar calecida pola radiación qu'emite la estrella.[13]
Gomeisa ye una estrella llixeramente variable del tipu Gamma Cassiopeiae. El so rellumu varia ente magnitú +2,84 y +2,92.[14]
Referencies
editar- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ 3,0 3,1 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «TESS observations of Be stars: a new interpretation». Monthly Notices of the Royal Astronomical Society (2): páxs. 2528-2544. abril 2020. doi:.
- ↑ Frédéric Arenou (1993). «Version 2 of the Hipparcos Input Catalogue». Bulletin d'Information du Centre de Donnees Stellaires: páxs. 5.
- ↑ Michel Curé (3 xineru 2018). «Stellar parameters and H α line profile variability of Be stars in the BeSOS survey» (n'inglés). Monthly Notices of the Royal Astronomical Society (4): páxs. 5287-5299. doi:.
- ↑ «Spectroscopic analysis of southern B and Be stars» (n'inglés). Monthly Notices of the Royal Astronomical Society (1): páxs. 252–262. 1r agostu 2006. doi:.
- ↑ Beta CMi -- Be Star (SIMBAD)
- ↑ Gomeisa (The Fixed Stars)
- ↑ Gomeisa Archiváu 2015-11-02 en Wayback Machine (The Bright Star Catalogue)
- ↑ Allen, Richard Hinckley (1889). «Canis Minor», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 5 d'avientu de 2011.
- ↑ 13,0 13,1 Gomeisa (Stars, Jim Kaler)
- ↑ Beta CMi (General Catalogue of Variable Stars)
Coordenaes: 
7h 27m 9.042s, 8° 17′ 21.537″
Datos: Q13420
