Greg Louganis
Gregory Efthimios Louganis (29 de xineru de 1960, San Diego), más conocíu como Greg Louganis, ye un ex-saltador d'Estaos Xuníos. Ganó dos medayes d'oru nos Xuegos Olímpicos de Los Angeles 1984, otros dos medayes d'oru en Seúl 1988 y una de plata en Montreal 1976,[3]amás de cinco campeonatos mundiales.[4]
Greg Louganis | |
|---|---|
 | |
| Vida | |
| Nacimientu | San Diego, 29 de xineru de 1960[1] (64 años) |
| Nacionalidá |
 Estaos Xuníos [2] |
| Estudios | |
| Estudios |
Universidá de California n'Irvine Santa Ana High School (en)  Universidá de Miami Valhalla High School (en) |
| Oficiu | |
| Oficiu |
platform diver (en) , autobiógrafu, saltador, entrenador |
|
| |
|
Participante
| |
| Pesu | 73 kg |
| Altor | 175 cm |
| Premios | |
| IMDb | nm0005163 |
| louganis.com | |
 | |
Biografía editar
La so familia biolóxica yera de Samoa y de Suecia, pero creció en California colos sos padres adoptivos, una pareya d'ascendencia griega. A los 16 años, tomó parte nos Xuegos Olímpicos de Montreal 1976, onde ganó la medaya de plata tres l'italianu Klaus Dibiasi. Dos años dempués, con Dibiasi retiráu, Louganis ganó'l so primer títulu mundial nel campeonatu celebráu en Berlín Occidental.
En 1978, aceptó saltar pa la Universidá de Miami onde estudió teatru, pero en 1981 pasó a la Universidá de California en Irvine, onde se graduó con un Bachelor of Arts.
Louganis ganó dos medayes d'oru nos VIII Xuegos Panamericanos celebraos en Puertu Ricu, en 1979. Equí ganólu al so gran rival, el mexicanu Carlos Girón. Esta gran xesta foi captada na película oficial de los Xuegos.
Louganis yera favoritu pa ganar l'oru nos Xuegos Olímpicos de Moscú 1980, pero'l boicó de los Estaos Xuníos, dictáu pol presidente Jimmy Carter en protesta pola invasión soviética d'Afganistán, torgó-y participar.
Ganó dos títulos mundiales en Guayaquil 1982 y dos medayes d'oru nos Xuegos Olímpicos de Los Angeles 1984.
En ganando otros dos títulos mundiales en Madrid 1986, ganó dos oros nos Xuegos Olímpicos de Seúl 1988, repitiendo la so fazaña de 1984. Sicasí, nesta edición de los XX. OO. sufre un accidente al saltar del trampolín de 3 metros, lo cual provocó-y una hemorraxa al cutise la cabeza contra'l trampolín.
En 1993 ingresó nel International Swimming Hall of Fame, el Salón de la Fama Internacional de los deportes acuáticos.[4] Ta consideráu'l meyor saltador olímpicu de tolos tiempos.
Dempués de saltar editar
En 1994, Louganis anunció ser gai. En 1995 foi publicada la so autobiografía, escrita con Eric Marcus y titulada Breaking the Surface. Louganis reveló sufrir abusos d'una pareya y ser VIH positivu. La noticia causó discutiniu porque dalgunos recordaron el golpe que lu provocó perdida de sangre en Seúl 1988, mientres saltaba. De toes formes aquel fechu nun yera motivu d'infeición a los demás saltadores. Tres el so anunciu de ser portador del VIH, perdió la mayoría de patrocinadores, cola esceición de Speedo.
En 1997 realizóse una película pa televisión sobre la so biografía, "Rompiendo la superficie", protagonizada pol actor Mario Lopez como Louganis y empobinada por Steven H. Stern.
En 1999, publicóse'l segundu llibru de Louganis, For the Life of Your Dog (escritu con Betsy Sikora Siino).
Desque se retiró actuó en delles producciones de teatru.
Referencies editar
- ↑ Afirmao en: Encyclopædia Britannica Online. Identificador Encyclopædia Britannica Online: biography/Greg-Louganis. Apaez como: Greg Louganis. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://espn.go.com/los-angeles/story/_/id/8087567/2012-summer-olympics-troy-dumais-makes-fourth-us-olympic-diving-team.
- ↑ Gregory Louganis Medals. olympic.org
- ↑ 4,0 4,1 Profiles - Greg Louganis. about.com
Enllaces esternos editar
Wikimedia Commons acueye conteníu multimedia sobre Greg Louganis 
.- Páxina web oficial (n'inglés)
- Greg Louganis na Internet Movie Database (n'inglés)
Datos: Q311332- Multimedia: Greg Louganis
