Grupu de Teatru Refaxu

Grupu de Teatru Refaxu
	compañía de teatru
Llocalización
Sede	Blimea
Historia
Fundación	21 abril 1995

El Grupu de Teatru Refaxu ye un grupu de teatru costumista formáu por muyeres del conceyu de Samartín del Rei Aurelio (Asturies).

Orixe

Esti grupu naz el 21 d'abril de 1995 col nome "Grupu de Teatru d'Ames de Casa de Blimea". La so primer obra representada ye El gallu de La Quintana nel Salón Social de Blimea. L'estrenu tien ésitu, y gracies al numberosu públicu asistente, repiten l'actuación el 22 y el 23 d'esi mesmu mes. La obra va representase dempués en más de 30 llugares d'Asturies.

Nel añu 2000 el grupu independízase de l'Asociación d'Ames de Casa de Blimea y toma'l nome de Refaxu.

Historia

Dempués de la so primer obra, y en vista de la bona acoyida, el grupu va representar munches más, destacando ente toes elles les de tipu costumista, anque tamién dalgunes de temática medieval.

Refaxu va llevar les sos obres a munchos teatros asturianos, destacando la so presencia anual nel Salón de Teatru Costumista de Candás que se celebra nel mes d'agostu. Durante munchos años tamién van participar nel Alcuentru Medieval de L'Entregu que se celebra nel mes de xunetu, representando la obra de teatru escrita pa la ocasión por distintos autores p'abrir les Fiestes de La Laguna.

Actrices de Refaxu

La direutora del grupu ye Aurora Suárez Carrio.

Les actrices que formen parte del grupu anguaño son:

Aly Cortina
Finita Fernández
Isabel Coto
Isabelita Nava
Manuela Mier
Nieves González
Marta Varela
Natalia González
Niti Nava
Olvi Coto
Orfelina Alonso
Pili Barreñada
Valentina Alonso
Viri Miguel

Tamién pasaron pol grupu:

Mª Carmen Catalán
Quinita Fombona
Julita Soria
Gemma Martínez
Natalia Urbón
Conchita Carneado
Loly Fernández
Laura Zamora
Cecilia Calleja

Obres representaes

El gallu la quintana, d'Eladio Verde - estrenóse en Blimea los díes 21, 22 y 23 d'abril de 1995.
Un xuiciu faltes, d'Antón de la Braña - estrenóse en Blimea nel añu 1996.
Petición de mano, de Pachín de Melás - estrenóse en Blimea en 1997.
El testamentu de Xuacu, de J. Ximenis (adautación d'Anselmo Orviz) - estrenóse en Blimea en 1998.
La declaración, d'Arsenio González - estrenóse en Blimea en 1998.
La sosiega, de Pachín de Melás - estrenóse en Sienra'l día 11 de mayu de 2002.
El burru del tíu Bernardo, de Pepe Rivero - estrenóse en Blimea en 2002.
El adiós a la quintana, d'Antón de la Braña - estrenóse en Candás en 2007.
Nieve nel puertu, d'Eladio Verde - estrenóse en Blimea en 2004.
El boleru de Chano, d'Arsenio González - estrenóse en Blimea en 2005.
Les pastielles máxiques, de J.M. Pandiella - estrenóse en Candás en 2005.
Ente querelles y doncelles, de Pablo Rodríguez Medina - estrenóse nel Alcuentru Medieval de L'Entregu nel añu 2006
Texedora d'orbayu, de Pablo Rodríguez Medina - estrenóse nel Alcuentru Medieval de L'Entregu nel añu 2007.
Les siete novies del rei, de Xulio Arbesú - estrenóse en Blimea en 2008
Pa qué queremos homes, de Xosé Ramón Oliva - estrenóse en Candás nel añu 2008.
Amores riñíos, de Xosé Ramón Oliva - estrenóse en Blimea nel añu 2008
El santu, de Pablo Rodríguez Medina - estrenóse en Candás en 2009.
El camín que mos marca, de Xosé Ramón Martín Ardines- estrenóse nel Alcuentru Medieval de L'Entregu del añu 2009.
La muyer estatua, de Xulio Arbesú - estrenóse n'Uviéu en 2010.
De bruxes, muyeres y reyes, de Pedro Alberto Marcos - estrenóse nel Alcuentru Medieval de L'Entregu en 2010.
L'escarmientu, de Xosé Ramón Oliva - estrenóse en Cocañín nel añu 2010.
Clandestines, de Cristina Muñiz - estrenóse en Candás en 2011.
Ensayu xeneral, de Chechu García y Roberto Corte - estrenóse nel Alcuentru Medieval de L'Entregu en 2011.

Premios

Premiu del Salón de Teatru Costumista de Candás a "Meyor actriz" a Pili Barreñada.
Premiu del Salón de Teatru Costumista de Candás a "Meyor direición" a Aurora Suárez.

Grupu de Teatru Refaxu

Conteníu

Orixe

Historia

Actrices de Refaxu

Obres representaes

Premios

Referencies

Enllaces esternos