Guillermu III de los Países Baxos

Guillermu III de los Países Baxos
Gran Duque de Luxemburgu
rei de los Países Baxos
Vida
Nacimientu	Palaciu de la Nación, 19 de febreru de 1817
Nacionalidá	Reinu de los Países Baxos
Muerte	Palacio Het Loo (es) , 23 de payares de 1890 (73 años)
Sepultura	Nieuwe Kerk
Familia
Padre	Guillermo II de los Países Bajos
Madre	Anna Pavlovna de Rusia
Casáu con	Sofía de Wurtemberg (1839 – valor desconocíu); Emma de Waldeck-Pyrmont (1879 – valor desconocíu)
Fíos/es	Guillermu d'Orange; Mauriciu de los Países Baxos; Alexandru de los Países Baxos; Guillermina de los Países Bajos (es)
Hermanos/es	Alexander van Oranje-Nassau; Prince Ernest Casimir of the Netherlands (es) ; Hendrik van Oranje-Nassau; Sofía de los Países Bajos (es)
Pueblu	Casa d'Orange-Nassau
Estudios
Llingües falaes	neerlandés
Oficiu	políticu, xuez
Premios	ver Caballeru de la Orde del Toisón d'Oru ; caballeru de la Orde de los Santos Mauriciu y Llázaru ; Orde de San Andrés ; Orde de l'Águila Negra ; Caballeru Gran Cruz de la Orde del Lleón Neerlandés (19 febreru 1827) ; Orde del Elefante (1849) ;
Graduación	xeneral
Creencies
Relixón	Iglesia reformada neerlandesa (es)

Guillermo III de los Países Baxos (19 de febreru de 1817, Palaciu de la Nación – 23 de payares de 1890, Palacio Het Loo ^(es) ), nacíu Willem Alexander Paul Frederik Lodewijk, foi rei de los Países Baxos y gran duque de Luxemburgu dende el so ascensu al tronu, en 1849, hasta la so muerte. Como herederu de la corona , foi príncipe d'Orange ente 1840 y 1849.

Guillermo yera’l primoxénitu de Guillermo II y de la so consorte, Ana Pávlovna Románova. Per llinia materna yera nietu del zar Pablo I de Rusia, y per llinia paterna yera nietu de Guillermo I de los Países Baxos.

Infancia y mocedá

Guillermo nació en Bruxeles, fíu del rei Guillermo II de los Países Baxos y de la reina Ana Pavlovna de Rusia , fía del zar Pablo I de Rusia y de la emperatriz María Fiodorovna (Sofía Dorotea de Wurtemberg). Recibió una educación militar.

Casose cola so prima Sofía de Wurtemberg, fía del rei Guillermo I de Wurtemberg y de la gran duquesa Catalina Pavlovna de Rusia en 1839. El so matrimoniu foi infeliz y caracterizóse poles engarradielles ente la pareya y ente los fíos. Sofía yera una muyer lliberal ya intelectual, qu'odiaba la rixidez y repunaben-y los militares. Guillermo yera un home cenciellu , conservador, fuera educáu nel exércitu y prestaba-y la vida militar. En metá de les disputes familiares llegó a prohibir l'exerciciu intelectual na so casa , polo cual la reina Victoria del Reinu Uníu, que caltenía correspondencia cola reina Sofía, llamólu “patán maleducáu”. Per otra parte, les sos aventures estramatrimoniales llevaron al New York Times a considerar al rei neerlandés como el monarca más decadente de la dómina . Otra causa de tensiones nel so matrimoniu yera el so calter caprichosu: podía enfadase hasta la llende con daquién un día , y amosase desaxeradamente educáu al siguiente .

Guillermo refugaba los cambeos constitucionales empecipiaos en 1848 pol so pá, el rei Guillermo II de los Países Baxos, y el primer ministru Johan Rudolf Thorbecke. Guillermo II y la so nuera Sofía consideraben qu'esos cambeos yeren necesarios pa salvar la monarquía al llargu plazu. Sicasí, el príncipe Guillermo considerábalos llimitaciones inútiles del poder real y deseyaba gobernar como el so güelu Guillermo I de los Países Baxos.

Énte la perspeutiva de gobernar un reinu constitucional, trató de ceder los sos derechos al tronu al so hermanu menor, el príncipe Enrique de los Países Baxos, pero la so má convenciólu de que nun lo ficiera . Un añu dempués, en 1849, Guillermo convirtióse en rei de los Países Baxos a la muerte del so pá.

Reináu

En delles ocasiones el rei Guillermo III sopesó la posibilidá d'abdicar cuando'l so fíu mayor cumpliera dieciocho años, lo qu'asocedió en 1858, pero finalmente decidió siguir nel tronu . El so primer actu de gobiernu foi la inauguración del gabinete parlamentariu de Thorbecke, l'arquiteutu lliberal de la constitución holandesa de 1848, que'l monarca repunaba .

Cuando la xerarquía católica foi restaurada nos Países Baxos en 1853, Guillermo III aprovechó la oportunidá pa eslleir el gobiernu del primer ministru Thorbecke. Nes dos décades siguientes del so reináu esllió el Parlamentu holandés en delles ocasiones, creando gabinetes reales que gobernaron daqué al nun cuntar col respaldu del parlamentu eleutu.

En 1867 intentó vender el Gran Ducáu de Luxemburgu a Napoleón III , pero la so propuesta casi provoca l'españíu de la guerra ente Francia y Prusia. Nun llevándose a cabu.

A pesar de los sos enfrentamientos colos parllamentarios, el rei Guillermo III esfrutaba de gran popularidá ente los holandeses, amosando una actitú bien cordial y abierta col pueblu .

En 1877 la reina Sofía morrió y les tensiones matrimoniales y palaciegues terminaron. En 1879 el rei Guillermo decidió volver casase cola princesa Emma de Waldeck-Pyrmont, un pequeñu principáu alemán. Dellos políticos holandeses opunxéronse, porque la nueva reina yera 41 años más xoven que'l rei. Sicasí, Emma demostró ser una muyer cordial y comprensiva, y finalmente les tensiones ente'l parlamentu (que tenía de dar la so aprobación al enllaz) y el rei acabaron y la pareya pudo casase . Nun fuera la so primer eleición, enantes el rei Guillermo fuera refugáu pola princesa Paulina de Waldeck-Pyrmont (hermana de Emma) y la princesa Thyra de Dinamarca.

La reina Emma tuvo una influencia relevante sobro'l caprichosu calter de Guillermo y el matrimoniu foi especialmente feliz. L’última década del reináu del monarca holandés foi ensin dulda la meyor. En 1880 nació la princesa Guillermina, que convirtióse n'heredera en 1884 dempués de la muerte del’últimu de los fíos del primer matrimoniu de Guillermo .

El rei amaló gravemente en 1887 y morrió en 1890. Como Guillermina inda nun algamara la edá adulta, la reina Emma convirtióse na rexente de la so fía hasta que Guillermina cumplió los 18 años en 1898. Como el Gran Ducáu de Luxemburgu namás podía ser heredáu por homes naquel momentu, por cuenta de la esistencia d'una llei sálica , Luxemburgu foi heredáu pol gran duque Adolfo de Luxemburgu , enantes duque de Nassau.

Fíos

De los cuatro fíos de Guillermo III , tres sobrevivieron hasta la edá adulta . Dos yeren fíos del so primer matrimoniu cola reina Sofía y la fía yera del so matrimoniu cola reina Emma.

El príncipe Guillermo de los Países Baxos (Willem Nicolaas Alexander Frederik Karel Hendrik). Herederu al tronu neerlandés dende 1849 hasta la so muerte (1879).
El príncipe Mauricio de los Países Baxos (Willem Frederik Maurits Alexander Hendrik Karel) (1843-1850).
El príncipe Alejandro de los Países Baxos (Willem Alexander Karel Hendrik Frederik) (1851-1884). Herederu al tronu dende 1879 hasta la so muerte .
La princesa Guillermina de los Países Baxos (Wilhelmina Helena Pauline Maria). (1880-1962). Reina de los Países Baxos ente 1890 y 1948.

Distinciones honorífiques

Distinciones honorífiques neerlandeses

Soberanu Gran maestre de la Orde Militar de Guillermo (Países Baxos).
Soberanu Gran maestre de la Orde del Lleón Holandés (Países Baxos).
Soberanu Gran maestre de la Orde del Lleón d'Oru de Nassau (Países Baxos).

Distinciones honorífiques luxemburgueses

Soberanu Gran maestre de la Orde de la Corona de Carbayu (Luxemburgu).

Distinciones honorífiques estranxeres

Caballeru de la Orde del Toisón d'Oru ( Reinu d'España, 1842).
Caballeru de la Orde de los Serafinos ( Reinu de Suecia , 23/05/1849).
Caballeru de la Orde de la Jarretera (Reinu Uníu, 1882).
Caballeru de la Suprema Orde de la Santísima Anunciación ( Reinu d'Italia, 1883).
Caballeru gran cruz de la Orde de los Santos Mauricio y Lázaro ( Reinu d'Italia, 1883).
Caballeru gran cruz de la Orde de la Corona d'Italia ( Reinu d'Italia, 1883).
Caballeru gran cruz de la Orde de San Esteban d'Hungría ( ).
Caballeru gran cruz de la Orde de Luis (Gran Ducáu de Hesse).
Caballeru de la Orde de la Águila Negra (Reinu de Prussia).

Ancestros

Referencies

↑ Afirmao en: RKDartists. RKDartists: 349541. Apaez como: Willem III. Data de consulta: 9 ochobre 2017. Llingua de la obra o nome: neerlandés.
↑ «RKDartists» (neerlandés). Consultáu'l 26 agostu 2017.
↑ ^3,0 ^3,1 Identificador de persona en The Peerage: p10130.htm#i101300. Data de consulta: 7 agostu 2020.
↑ Afirmao en: The Peerage. Llingua de la obra o nome: inglés. Autor: Darryl Lundy.
↑ URL de la referencia: https://www.nationaalarchief.nl/onderzoeken/archief/2.02.32/invnr/894ED.13/file/00117669.PDF.

Enllaces esternos

«Guillermu III de los Países Baxos». en Find a Grave. (n'inglés)

[72537e4d0d05addb3147cbf44d9e5d4189291f0e-1] Afirmao en: RKDartists. RKDartists: 349541. Apaez como: Willem III. Data de consulta: 9 ochobre 2017. Llingua de la obra o nome: neerlandés.

[f50cfcd78389556931fe91de88c756b4f9b3d40c-2] «RKDartists» (neerlandés). Consultáu'l 26 agostu 2017.

[6a7f6b73a9bb7d49967e94301f07094cc4a4d946-3] 3,0 ^3,1 Identificador de persona en The Peerage: p10130.htm#i101300. Data de consulta: 7 agostu 2020.

[3913844e06e055e8cd81608f22bad0e604d89d2d-4] Afirmao en: The Peerage. Llingua de la obra o nome: inglés. Autor: Darryl Lundy.

[658bad6105cd585a2b20966287056ea1d6326167-5] URL de la referencia: https://www.nationaalarchief.nl/onderzoeken/archief/2.02.32/invnr/894ED.13/file/00117669.PDF.

[1]

[2]

[3]

[4]

[5]